تعليق TopGear على ماركة بروتون... ما تيجوا نعلق عليه!

**CryptonX** · 20-12-2009 02:18 AM

نادرا مافي عربية اسيوية عامة - كورية او ماليزية خاصة ماعدت من TOPGEAR بدون تريقة او نقد لاذع .

العربيات الكوري الوحيدة الي " اتمدحت " شوية منها :
الi30 و الكيا Ceed و الجتز و ال i20 - i 10 شوية برده .

كل سيارات بروتون واخدة تقييمات مش ولا بد .. حقتبس حتى من كلام Hammond على مااتذكر كنت ذكرتها في موضوع قبل كدة و هو كان راكب الجين 2 .

" انه يفضل خامات ابواب من تويوتا عن شاسيه و عفشة من لوتس "

بمعنى اصح انه في الفئة دي عايز عربية عادية مش رياضية و بخامات يابانية.

و كان نفس كلامه تقريبا علي الساتريا نيو .

بس في نفس الوقت .. الراجل مشافش منافسي بروتون في مصر :)

النيو اكسنت الفاضية - السيارات الصيني - شيفورليه لانوس ( سكتة قلبية علي طول ) .

ده حتى الاوبترا مسلمتش من التربقة هناك :)

**M.Osman** · 20-12-2009 02:24 AM

الحقيقة انا عاجبني الحوار معاكم بجد.. يا ريت حد ميخدش الموضوه اني جي اتريق على بروتون ولا حاجة... لأ طبعاً بالعكس انا من عشاق الماركة ... و انتم عارفين اد اية clarkson مستفذ ..

و يا ريت فعلاً نبعد عن نظرية المؤامرة لأن فعلاً العربية مش متعيبة عشان بلدها او كدا .. و انت برضه عارفين ان clarkson مسابش ماركة في حالها..

و اعتذر لو مكنتش متابع معاكم التوبيك بسبب انشغالي

Viva PROTON!

**CryptonX** · 20-12-2009 10:49 AM

المشاركة الأصلية كتبت بواسطة nedaloo

دول تافهين وانا بكرههم واذا شفتهم شي يوم والله لأضربهم وادعسهم بالواجا ياجماعه دول شايفين نفسهم ومتكبرين على ايه تفتكروا بحلقة من حلقات البرنامج اجتمع مع بتوع توب جير مجموعة رجال اعمال وكانت عربياتهم bmw x5
bmw x3

وركبوا معهم وجربوا عربياتهم وبعد ما انتهت التجربه بدو تريقة وتفاهة قالوا لهم عربياتكم كلها بلاستيك هههههههههههههههههههه اذا رأيهم ب البي ام كدا هيكون رأيهم ايه في البروتون بس كنت عايز اعرف عربياتهم نوعها ايه بس احساسي بقلي انهم راكبين لادا او شاهين بالكتير هههههههههههههههه

هما مش تافهين ولا اغبياء علشان يتبريقوا على سيارة و يمدحوا في التانية .. الفكرة ان دي ناس بتركب من ارخص لاغلى سيارة في العالم .. و لما يقولوا راي بيحترم .

يعني هوا مجاش قارن البروتون مثلا بي bmw .

لما قارنوا الساتريا نيو مثلا .. قارنوها بالافيو و السريون ( برودوا مايفي )

لما اتكلموا عن الجين 2 . كانوا بيتكلموا علي السيارة الكورية و الماليزية الرخصية عامة , و احسن سيارة عجبتهم في الشلة دي كلها ( الجين 2 - برودوا كليسا - بيكانتو - ريو - فرنا - جيتز ) كانت الجيتز و شبهوها بالبولو . بس في نفس الوقت اتضح ان تمنها قريب جدا من البولو ففقدت ميزتها الجوهرية و هي السعر .

---

لما يشتم مثلا في x3 علشان تلاقيه كان بيقارنها ب landrover مثلا .

هما طريفتهم لازعة شوية بس .. 90% من الوقت كلامهم بيكون مقنع بالنسبة لي .

**M.Osman** · 20-12-2009 01:22 PM

المشاركة الأصلية كتبت بواسطة cryptonx

هما مش تافهين ولا اغبياء علشان يتبريقوا على سيارة و يمدحوا في التانية .. الفكرة ان دي ناس بتركب من ارخص لاغلى سيارة في العالم .. و لما يقولوا راي بيحترم .

يعني هوا مجاش قارن البروتون مثلا بي bmw .

لما قارنوا الساتريا نيو مثلا .. قارنوها بالافيو و السريون ( برودوا مايفي )

لما اتكلموا عن الجين 2 . كانوا بيتكلموا علي السيارة الكورية و الماليزية الرخصية عامة , و احسن سيارة عجبتهم في الشلة دي كلها ( الجين 2 - برودوا كليسا - بيكانتو - ريو - فرنا - جيتز ) كانت الجيتز و شبهوها بالبولو . بس في نفس الوقت اتضح ان تمنها قريب جدا من البولو ففقدت ميزتها الجوهرية و هي السعر .

---

لما يشتم مثلا في x3 علشان تلاقيه كان بيقارنها ب landrover مثلا .

هما طريفتهم لازعة شوية بس .. 90% من الوقت كلامهم بيكون مقنع بالنسبة لي .

حضرتك متابعهم فعلاً... تمام كلامك

**حماده المصري** · 20-12-2009 05:58 PM

والله الناس دي ليهم لزعااات غرييييبه وانا عموما مش بقتنع بكلامهم ومش متابع للبرنامج عشان هما مهمى عملوا مش هيوصلوا لمصر

خصصا في مساله الثبات انهم معندهومش طرق زي المحروسه ف 9% من العربيات عندهم ثابته وزي الفل

يعني على اساس ايه هو خلا الجيتز احسن من البولو ده مفيش نقطه وحده تتفوق فيها الجيتز على البولو غير المحرك ده بالنسبه لمصر

بس بالنسبه لثبات وعفشه انا جربت بولو 200 تقريبا والله العظيم ثبات ونظافه عفشه زي عربيات سيدان 1.6 مش عايز اقول ثباتها يوصل للنترا والعربيات الي في الفئه دي سواء كوري او ياباني او ماليزي

بس للامانه بروتون ماركه صاعده كويسه جدا ناقصه بس شويه وقت وتبقى فله

**CryptonX** · 20-12-2009 07:52 PM

المشاركة الأصلية كتبت بواسطة حماده المصري

والله الناس دي ليهم لزعااات غرييييبه وانا عموما مش بقتنع بكلامهم ومش متابع للبرنامج عشان هما مهمى عملوا مش هيوصلوا لمصر

خصصا في مساله الثبات انهم معندهومش طرق زي المحروسه ف 9% من العربيات عندهم ثابته وزي الفل

يعني على اساس ايه هو خلا الجيتز احسن من البولو ده مفيش نقطه وحده تتفوق فيها الجيتز على البولو غير المحرك ده بالنسبه لمصر

بس بالنسبه لثبات وعفشه انا جربت بولو 200 تقريبا والله العظيم ثبات ونظافه عفشه زي عربيات سيدان 1.6 مش عايز اقول ثباتها يوصل للنترا والعربيات الي في الفئه دي سواء كوري او ياباني او ماليزي

بس للامانه بروتون ماركه صاعده كويسه جدا ناقصه بس شويه وقت وتبقى فله

حضرتك مفمهتش كلامي كويس .. هو مقالش الجيتز احسن من البولو ..

هو بيقول ان دي العربية الوحيدة الي وسط دول الي حسسته انه راكب حاجة من فولكسفاجن زي البولو في التقفيل و الخامات و المحرك بس في نفس الوقت هناك سعرها مقتارب من البولو و بالتالي فقدت ميزتها كسيارة كورية رخيصة .

**ehaballam** · 21-12-2009 11:20 AM

المشاركة الأصلية كتبت بواسطة eslam_wega

لان ماليزيا دلولة مسلمة
فادة طبيعى جدا لان احنا عارفين هم ازى بيكرهو المسلمين او اى حاجة تباعهم والاكتر من كدا استطلاع الراى الى كان هناك وكله اجمع ان بناء المساجد ما هو الى تشوية للمدنية
بس سبحان الله رغم كل دة والعربية ناجحة فى المملكة المتحدة ومش فارق كلام توب جير فى حاجة
لان البرامج الى من النوع دة نظمهم تظبطهم بالفلوس يظبطوك تنفضلهم ينفضلوك واكبر دليل عربيات محترمة جدا وكانت بتدخل التقيم يطلعك فيها القطط الفطاسنة وعربيات تانية جيدة ولاكن مش مبهرة للدرجة الى بيطلعوها بيها تحس انها بيكلمك عن سفينة فضائية

أنا شفت كل حلقات البرنامج ده..... لا هم ضد المسلمين ..ولا كل الكلام اللي بتقوله ده خالص ...الراجل لما اتكلم عن العربيات دي كان منطقي بناءا على السوق الإنجليزي ....إنهـا صحيح رخيصة لما تشتريها بس قطع غيارها هناك غالية .... وسوق المستعمل هناك في كميات من العربيات زي الجولف والكليو وكل العربيات اللي خلقها ربنا.... يعني سعر اعادة البيع في الأرض ...

وحُط نفسك مكانه...... تشتري بروتون ب 8 الاف استرليني ولا فيات 500 ب 9
أو جولف ب 11 ده منطق السوق هناك.....