محتاج نصيحه بخصوص نيسان صنى يابانى

**r2tarek** · 19-12-2009 01:42 AM

انا عايش فى دبى معايا نيسان صنى موديل 2004 اوتوماتيك يابانى مشاء الله انا كنت شريها جديده المهم انا حالينا ارسلت العربيه الى لمصر وفجئت بالجمارك بعد الخصم 41 الف جنيه
مش عارف اعمل ايه انصحونى
كده هيوصل ثمن العربيه حوالى 76 الف جنيه
لانها هنا كانت جايبه حوالى 35 الف جنيه من اسبوعين
هى حالينا فى الجمرك ادفع الفلوس وخلص ولا ارجعها تانى دبى

محتاج رايكم بسرعه
نيسان صنى 2004 اوتوماتيك يابانى
ex

وشكرا

**د.محمود صلاح** · 19-12-2009 08:23 AM

الرأي رأيك , راجع أسعار المستعمل منها هنا فى مصر عشان ما تخسرش فى بيعها مستقبلا فى موقع car100100 وموقع الوسيط وموقع كونتاكت كارز

**ahm128** · 19-12-2009 01:23 PM

انا شايف هى حسب الحالة لو حالتها جيدة وناوى تحتفظ بيها يبقى توكل على الله ودخلها وادفع لانها على حد قولك يبانى دى نمرة واحد نمرة 2 ان اكيد انها فيها كماليات اعلى من اللى فى مصر وهتكون اصليه وبالتالى سعرها هيختلف ثالثا اعادتها لدبى هتكلفك مصاريف تانى

**sab3aawy** · 20-12-2009 01:16 PM

هذة السيارة سعرها فى مصر لايزيد فى احسن الظروف عن 70 ألف جنيه ، لكن انت وحظك مع حالة السيارة المستعملة لو فكرت تشترى من مصر
انا لو مكانك هعمل الآتى:
1- لو السيارة 1300 هرجعها دبى وابيعها لأن فى ظل حرب الشوارع فى مصر الموتور ال1300 على السيارة دى هيطلع عينه فى رحلة الصراع من اجل البقاء
2- لو هى 1800 هرجعها برضه لأن هتدفع عليه ضرايب سنوية كتير وممكن بعض قطع غياره تكون ناقصة
3- لو هى 1600 والخيارات امامك انك تدخلها او ترجعها و تبيعها وتشترى سيارة مستعملة يبقى دخلها احسن لأنك لن تجد سيارة مستعملة بحالة السيارة بتاعتك اللى انت عارف تاريخ كل كلبس وكل استيكر وكل مسمار فيها ، واحتمال الغش عالى جدا، يبقى خد بالأحوط وضحى ب 6000 جنيه منظورة فى الأفق واكسب عربيتك بحالتها اللى انت عارفها خصوصا لو حالتها كويسة
4- لو هى 1600والخيارات اما انك تدخلها او ترجعها وتبيعها وتزود شوية على تنهما وما كنت ستدفعه جمارك وتحط مبلغ تانى وتجيب عربية على الزيرو بيقى هنا الأمر يستاهل وجع الدماغ ، رجعها وبيعها

ده اللى انا كنت هعمللة لو كنت مكانك، لكن هو مجرد رأى والقرار الأخير لك طبعا

**K_Morsy** · 20-12-2009 10:41 PM

41 الف جمارك كتير جدا على نيسان صني موديل 2004
فيه واحد أعرفه نزل من دولة خليجية في الصيف الماضي (يونيو او يوليو 2009 ) بنيسان تييدا 2007 و قال انه دفع تقريبا 32 الف جمارك بس