اقتباس المشاركة الأصلية كتبت بواسطة mohamedkandel مشاهدة المشاركة
ياجماعه ياريت تفهمونى انا بسألكم ايه اللي انتم استفدتوه من الموضوع ده ياريت نرد بعقل شوية نفسى اشوف كل الاعضاء بيتناقشوا فى المفيد مش الاقي واحد يقولى انا علمت على فلان وانا سبقت فلان استفاد ايه ده بدل ما ندعوا الناس الي القيادة الهادئة مش لعب العيال ده (بلاش بقي طيش الشباب ده )

ممكن تعرفنا بحضرتك... سنك كام؟ العربية دى بتاعتك ولا بتاعة الوالد و بتاخدها لفه؟

علشان نعرف لو حضرتك سنك 40 فيما فوق كأنك مشوفتش الموضوع

انا عن نفسى مهندس ميكانيكا و بعشق حاجه اسمها محركات و بحب اشوف اداء المكن ده فى التسارع من 0 ل 100.... و بحب الغرز جدا و بتمزج منها على الاخر.. لكن مش بحب السرعات العاليه

و كل واحد له هواياته الخاصة.. يمكن حضرتك بتحب تلعب جيمز انا لأ يبقى مش لازم اقولك انها حاجه ملهاش لزمه و استفدت ايه! و بعدين المنتدى معمول للعربيات و تبادل الآراء مش عاجبك الموضوع ده بالتحديد بلاش منه

و الحمد لله و الفضل له انا بسوق من 14 سنه و معملتش فيهم ولا حادثه و بجرى بعقل و باخد الغرزة و انا عارف ان العربية تقدر تاخدها و مأثرش على غيرى.. بس من حوالى شهر واحده بعربية فيرنا خبطتنى فى الشنطة و انا على مطب و دى اول حادثة فى حياتى بسبب كلبه

أنا رديت عليك و انا عارف انك مصمم تستفز الاعضاء و احتمال متردش