صديقي tut
1-مبدئيًا احنا انحرافنا عن مسار النقاش .... لان الموضوع كان عن الصيني ...مش الياباني وال اوروبي ....
أصل الموضوع كان أن حضرتك قلت أن الألماني أفضل صناعة في العالم و أنا أختلفت معاك و عموما المناقشة لذيذة
2-أيوه شفت النيسان gtr والعربية تحفة والناس بتوع topgear ايدوها السنة اللي فاتت supercar of the year ..... وكانوا قبلها من عشاق ال skyline ...بس السؤال ...هي نيسان بطلت ال skyline من حوالي 10 سنين ...يعني خدوا 10 سنين علشان يعملوا بديل .... في حين إن mercedes مثلا نزلت ال sls amg في عز ال maclaren slr والاتنين حيتبعوا..... وسؤال بريء .... لو اسعار العربيات في مصر زي انجلترا مثلا وإنت عارف إنها أغلى من باقي اوروبا ... كنت حتجيب ايه ؟؟؟
أسعار العربيات في أنجلترا أغلى من مصر ( أنا كنت عايش هناك ) ............ ده بالنسبة للجديد .
و القديم برضه أغلى ........... حسابا لتكاليف التشغيل المرتفعة جدا .
بس أنا مش فاهم السؤال ......... السؤال على المرسيدس و النيسان !!
لو كدا .
أنا من الناس اللي بحكم على المنتج بالأساس كمنتج و ليس بلد صناعة كمقام أول .
مرسيدس عندي زيها زي أي شركة عربيات .....
3- لما عدة المثال بتاع اللوجان كان قصدي إن لما شركة كبيرة بتحاول تعمل عربية رخيصة ... بيفضل في مستوى من الجودة مينزلش عنه ...في حين إن الصيني ... عمله أي حاجه و خلاص
هو أحنا أختلفنا أن جودة الصيني أقل من جودة الأوروبي !!!! أنا قلت غير كدا !!!!
أنا بس بقول أن الصيني ميتحطش في سلة واحدة .......... بالاضافة أنه مش بالوحاشة اللي بعض الناس بتوصف بها العربية و خصوصا أن فيه حاجات معقولة سعرا و جودة زي الأسبرانزا التجميع المصري .
مع أني عمري ما هاشتري عربية صيني ....... علشان أتلدعت قبل كدا في معدات صيني و ملقتش قطع غيار لها و تعبتني .......... و جالي حالة نفسية من كلمة الصين .
4-أيوه واعذرني في النقطة دي ... لما تركب عربية حضرتك بتبص على قطع الغيار , وبتؤدي الغرض ولا لأ ....وهي دي النقطة اللي ماتخليكش تفرق بين عربية والتانية .... أنا مش قصدي حاجة ... أنا بس قصدي ....إن العربيات بالنسبة لحضرتك وصلت نقل ..... وال فرق هنا إن العربية عندي ...حاجة ممتعة ...يعني أنا مهما كان الطريق زحمة أو طويل ...أنا مبسوط ... ومستمتع ... علشان كده في حاجة اسمها driver وفي حاجة اسمها petrol head وفي امريكا اسمهم gear head .... ال ride quality ليها تقيم ...ال handling ليه تقيم وهكذا ... في الآخر في متوسط وحساب ..... ده الفرق اللي أنا قصدي عليه ..... مش قصدي الخبرة ولا حضرتك سواق كويس ولا لأ....
على فكرة أنت بتكلمني يا باشمهندس بطريقة غريبة و كأني مش بفهم في العربيات
أنا الأساس عندي أقتصادي ........ ثم بقى بقية الحاجات اللي أنت بتقول عليها .... و جايلك في نقطة تانية أنت جايب فيها تفاصيل .
5-حضرتك اختصرت العربية في gear box و موتور.... دول حاجتين من 8 حاجات في تقيم أي عربية وهم :
لأءة أنا ما أختصرتش العربية في حاجتين ....... أنا قلت أن أكتر حاجتين فيهم أبتكار هما الأثنين دول ......... و مكنتش بتكلم عن المقارنة و لكن تعالى نتكلم عن المقارنة و أنا معاك
comfort
أحسن عربية مريحة في كل العربيات اللي ركبتها ( تقريبا كلهم كانوا ناشفين و تقريبا كلهم زي بعض ) أحسن عربية أستريحت فيها هي التويوتا كورولا و الهيونداي الإلنترا ( ناعمين جدا ) عربيتين مكنوش ملكي ....... ملك لأقارب .
performance
أحسن واحدة في الأداء هي الجين 2 ........... بس برضه مينفعش أظلم بقية العربيات لأن كلهم كانوا بمواتير صغيرة ما عدا الفورد أسكورد هي الوحيدة اللي كانت 1600 زي الجين 2 .
appearance
أحلاهم برضه الجين 2 ......... و يليها الأبيزا و بعدين البونتو .......و بعدين الفورد ( و الشكل ده أذواق )
quality
تقريبا كلهم زي بعض ..................
handling
الجين 2 تكتسح الكل و كمان مجرب معاهم ألنترا جديدة ........... و سيتروين سي 4 .........
practicality
كلهم زي بعض .............. و لا واحدة عطلت مني و خلتني مثلا مرمي في الشارع مستني حد يصلحها ( طول ما أنا بعمل صيانات دورية ........ كلهم بيمشوا كويس )
running costs
أفضلهم على الاطلاق كانت الفيات البونتو ........... و بعدين النيسان ........ و بعدين الجين 2 ......... و يليهم الفورد .و السيات
أرخصهم قطع غيار هي البونتو تقريبا ...... و أوفرهم في أستهلاك البنزين كمان علشان موتورها صغير
safety
لسة الحمد لله ..................... عايش أهوه :e_braces[1]:
ونادرا لما تلاقي حد يحطلك ال customer satisfiction
رضاء العملاء هو الأساس في بيع العربية و ده اللي على أساسه الشركات بتبيع و تكسب
في حساباته
6- أما موضوع العمر الإفتراضي لقطع الغيار فـبرده عن تجربة الكوري بيقعد تقريبا تلت عمر الاوروبي والياباني وده على العموم ... و على فكرة طريقة السواقة ممكن تفرق ... وال حكم في النقطة يا إما أي مركز خدمة ... يا ممكن ندور على النت ...بس اعذرني اليومين دول علشان مشغول بس أول ماافضى حديلك احصائية عن الموضوع إن شاء الله.
ومين قال إني بكدبك ...مش لازم طالما اختلافت معاك يبقى إنت كداب ...بعتب عليك في النقطة دي يا tut يا خويا
7- ماينفعش تفصل فن الصناعة عن اقتصادياتها لأن ده مش مشروع خيري ....ده بيزنس
8- وعلى فكرة الماودعمش ألمانيا أحسن ولا لأ .... دي نقطة جدلية ...الموضوع هل نشتري عربية صيني بحجة إنهم ممكن يكونوا عمله عربية كويسة ولا لأ ...أنا في رأيي إن كوريا لسة بتجاهد وبتحاول ولسة موصلتش
موصلتش لأيه ........... دي من أكبر دول العالم صناعة للسيارات .
.... عارف إنك حتختلف معايا في النقطة دي ... واليابان بالها 70 سنة ولسة ورا اوروبا .... وده مش كلامي ...ده كلام الدنيا كلها متفقة عليه ... وعارف إنك برده مش حتعجبك النقطة دي .... فـصعب الصين في 10 سنين تعمل عربية محترمة ... وفي فيديو ل جريمي كلاركسون بتاع topgear بيشرف ليه اليابان نمرة 2 اسمه
how japan took over the world... And then lost it
اتفرج عليه وحتعرف أنا قصدي ايه ... وعلى فكرة أنا رأيي إن هوندا كوم وباقي الياباني كوم تاني رغم إني اتربيت على toyota cresseda وعارف يعني ايه ياباني....
برضه حضرتك بتتكلم في آراء الجماعة بتوع توب جير ...... أولا دول مش خبراء ...... دول اعلاميين بيقدموا برنامج و كمان متحيزين جدا للأوروبي .
9-واعذرني بس إزّي تقارن بين البولو سيدان وبين اللانترا ... دي فئة ودي فئة تانية خالص ...لو عايز مرادف للبولو يبقى الاكسنت ...ورغم فرق السعر لصالح الاكسنت ...البولو أحسن بكتير ...وحتى يمكن الاكسنت تبقى فئة تانية ... يمكن الجيتز.... بس البولو أحسن من الإتنين .... وده رأيي ....
10 وعلى فكرة ... في مصر لا تشتري الهوندا ولا الميجان زيرو ... احسنلك تشتريهم مستعمل ..اوفر ... وساعتها الميجان تكسب لانك ساعتها ب 70 ألف ممكن تشتري حاجة 2007 وعاملة كم قليل ... في حين إن ال 70 ألف دول يوصلوك ل موديل 2000 ل 2003 في ال civic
وأيوه السيفك أحسن من كل منافسينها لانها الوحيدة اللي 140 حصان ... بس في موضوع سعر قطاع الغيار الهوندا أغلى ...