طيب ما حضرتك بترد على نفسك برضه أهوه ...
أولا علشان نقول أن فيه ماركة أفضل من ماركة ........... على الأطلاق ......... حكم غلط .
أو بلد أفضل من بلد ........... برضه حكم غلط .
تعالى نفرض أن بلد معينة مميزة في شئ ...... زي ألمانيا مثلا في صناعة السيارات .
طيب هي ألمانيا مميزة ليه ؟؟؟ و هل التميز ده لها لوحدها ؟؟؟؟ و هل الأبتكار لألمانيا لوحدها ؟؟
ألمانيا مميزة علشان بتعمل عربيات غالية جدا ......... ( مش أكتر و لا أقل و بالتالي نسبة العيوب قليلة لأنهم مهتمين جدا بموضوع الخامات الموضوعة في العربية علشان الزبون بتاعهم بيدفع دم قلبه في العربية ) و هنا أنا بتكلم عن مرسيدس و بي أم دبليو ....... و أودي .
لما نيجي لفلوكس ........ شركة متميزة و عادية .
متميزة علشان بتعمل حاجات غالية و بتهتم بالخامات
و برضه بتطلع عربيات رخيصة زيها زي أي شركة أو بلد تانية في العالم علشان طبقا لأقتصاديات السوق عايزة تنافس و بالتالي لما تعمل عربية بخمسين ألف جنيه ......... مقدرش أقول عليها أفضل سيارة في العالم علشان خارج من أفضل بلد في العالم بتعمل عربيات و هي ألمانيا و لنا نيجي نقارنها بحاجة تانية نقول لاءة ...... دي ألمانيا خارج المقارنة .
قلت في الجزء الثاني من السؤال ....
هل التميز ده لألمانيا لوحدها .
طبعا لاءة ........................ و الدليل العربيات اللكسس و الأقسام الفاخرة من شركة تويوتا و نيسان و هوندا و شركة جاجوار الأنجليزية ....... و الشركات المتميزة في هذا المجال من امريكا الصهيونية ( لعنة الله عليهم ) .
هل الأبتكار لألمانيا لوحدها :
طبعا مليون لاءة
هوندا أبتكرت حاجات في مسألة التوقيت الخاص بالمحركات .
شركة سيتروين أبتكرت نظام الدفع الامامي .
شركة تويوتا لها باع طويل في أبتكارات المحركات و صناديق السرعات .
طيب تعالى بقى نتكلم عن 3 عربيات
واحدة ياباني
وواحدة أوروبي
وواحدة ماليزي
و أقولك نزود عليهم واحدة كوري .
أنا ركبت ياباني متمثل في نيسان
و أوروبي متمثل في فيات و فورد ( مصنوع في أوروبا و لا يصنع في أمريكا الصهيونية )
وواحدة كوري ( خاصة بعمي الأكبر )
أيه الفرق بين العربيات دي من ناحية خامات التصنيع .....
أنا مش شايف و لا فرق خالص
كل واحدة لها مميزات عن الأخرى
تعالى مثلا نتكلم عن قطعة غيار زي أسطوانة الدبرياج
أسطوانة دبرياج ياباني ........ من شركة نيسان ........ بتقعد كام في العربية ؟؟
ما زادتش عن 40 ألف كم
أوروبي ( صناعة ألماني ) لسيارة فيات بونتو
مش بتزود عن 30 ألف كم ............. يعني الياباني قعد أكتر !!!!!!!!!!!!
الفورد تقريبا زيهم ما بين 30 إلى 40
و الماليزي زيهم ما بين 30 إلى 40 ............ و الكوري نفس القصة ....
أسطوانة الدبرياج الماليزي هي صناعة ماليزي ........... و الكوري صناعة كوري .
طيب ما هو مفيش فرق أهوة .....................
طيب الفروق بتيجي منين ؟؟؟؟؟؟؟؟؟؟
أنا هاقولك بقى الفروق منين ............ حسب خبرتي مع العربيات ...
الفرق بييجي من الأداء ................. و طريقة تصنيع كل عربية ............... و فرق السعر بييجي من كذا عامل منهم أسم الشركة المصنعة .......... و ظروف البلد اللي بتصنع العربية .......... من أجور عمالة و ضرائب و غيرها ............
أنا ركبت فورد أسكورت ................ نيسان ميكرا ............ بروتون جين 2 .............. فيات بونتو ........... سيات أبيزا ......... العربية الكوري الخاصة بقريبي هي هيونداي إلنترا الموديل ذو الشكل القديم .
و مش شايف أي فروق بين كل العربيات دي خالص ......... كل واحدة لها مميزات .......... و لكن لا توجد واحدة أفضل من الأخرى على الأطلاق .
عارف موضوع التليفونات .
شركة نوكيا و شركة أريكسون ............. أريكسون كانت سابقة نوكيا و بعدين نوكيا صرفت أكتر على الأبحاث قدرت توصل للي هي فيه .
هل علشان شركة أريكسون كانت أفضل ........ يبقى السويد أفضل من فنلندا ؟؟؟؟؟؟؟؟ طبعا لاءة
هل علشان مصر هي واحدة من أوائل الدول مبتكرة الحضارة تبقى الحضارة حكر لها ؟؟؟؟؟؟؟؟
طبعا لاةء .
هل علشان مرسيدس أخترعت حاجة ....... يبقى ننكر أختراعات بقية الدول ؟؟؟؟؟؟؟؟؟ طبعا لاءة .
أنت شايف أن المانيا أفضل دولة بتعمل عربيات .......... خلاص مفيش مشكلة ......... خليك بقناعتك ........ و أنا شايف أن كل منتج يجب تقييمع بأنفراديه بعيدا عن أسم الدولة الصانعة له ؟؟؟
طيب تعالى نتكلم في موضوع أقتصاديات المشاريع .
حضرتك بتقول أن الشركة لازم تعمل 65 ألف محرك في السنة علشان تبقى ناجحة أقتصاديا ....... ممكن أعرف حضرتك جبت الرقم ده منين ؟؟؟؟
بروتون مش بتوصل في السنة لنصف مليون محرك ............. و شركات كتيرة زيها ............... زي مثلا فولفو ......... و زي شركات أوروبية أخرى ........ و يابانية أيضا .
أنا اللي أعرفه علشان تقدر تنافس ........... محتاج تبيع عدد أكبر علشان تقلل تكاليفك .
أنما الصناعة نفسها .......... ممكنة جدا ......... و مفيهاش مشكلة ........
و أحنا هنا مش بنتكلم عن أقتصاديات مشاريع
أحنا بنتكلم ببساطة شديدة عن فنون تصنيع لمحركات اللي حضرتك شوية تقول أن الصين مش عارفه تعمل محرك و بعدين رجعت و قلت أن أقل شوية طلبة في كلية هندسة معاهم سبيكة ممكن يعملوا محرك .........
و الكلام ده ينطبق على الصين و على أي دولة أخرى .........
و في النهاية رأيي الشخصي ........
أن العامل النفسي بيعمل جزء كبير جدا من الموضوع ده ...............
يعني تلاقي واحد راح أشترى كوتشي ماركة معينة ..............علشان هو بيستريح نفسيا للماركة دي و عنده أي ماركة تاني بتعمل أحذية هي أي كلام في أي كلام ....... علشان تجربته كانت حلوة مع الماركة دي بالذات .
و الموضوع برضه في العربيات .
أه ألمانيا من أحسن الصناعين في العالم و دقيقين جدا في أغلب صناعتهم ....
و اليابان برضه من أحسن الصانعين في العالم ......
و كوريا الجنوبية من أحسن الصناعين في العالم .......
و فرنسا من أحسن الصانعين في العالم ........
و كل دول العالم اللي ممكن تتطلع منتج كويس و تتبع أ ب ج ........ أساسيات شغل هاتطلع أحسن منتج .
و ممكن أحسن منتج يكون لك أنت .......... و لي أنا مش أحسن منتج .......
و مننساش أبتكارات فيات الأيطالية في موضوع السيارات و الدفع الأمامي و صناديق التروس ....... و معاهم كمان هوندا ... اللي بتعمل واحدة من أفضل المحركات في العالم .
المفضلات