الموضوع: مهاجمين من غير سبب ... صينى = جنان

المشاركة الأصلية كتبت بواسطة yahiahelaly

صيني
يععععععع

محدش طلب رايك يعع ولا لا
بلاش سخرية و فى احترام و ادب فى اسلوب الكلام لو انت بتتكلم اصلن

المشاركة الأصلية كتبت بواسطة egyptianmafia

بص على النيسان بالويبيرد

هيا تقفيل صيني و مابشوف منها كتير علشان الناس خايفة منها

المرسيدس و الBMW

الناس في مصر بتجيبها علشا العربيات دوول بيبقوا status code
لكن في فرق شاسع مابين المرسيدس التقفيل مصري و الالماني و نفس الموضوع مع الBMW

خلاصة الحوار لسة كتير قوي على العربيات الصيني وطبعا لازم يكون في تَغيير في موضوع التقفيل و الخامات و السلامة

روح خد رأي أي اجنبي على عربيات الصيني وشوف هوا هيقولك إيه

يا استاذ مافيا يعني غيرت كلامك عن ال BMW و جبت سيرة النيسان بلوبيرد عشان تقفيل صيني

و فسرت كمان انها مش منتشره عشان صيني

اقرأ الموضوع ده و انتا تعرف ليه مش منتشره

http://www.nilemotors.net/Nile/62785-a.html

و انا ممكن اقولك ليه كمان

عربيه موديل جديد في مصر مش معروفه و نازله بكام
155 الف جنيه

طيب منا لو معايا المبلغ ده أجيب بقى كرولا ولا لانسر ولا افانسيس ولا ميجان ولا اوكتافيا مانيوال ولا ايه؟

انما لو العربيه دي توكيلها كان نزلها ب 100 مثلا كان ممكن ساعتها لو منتشرتش تقول ان الناس سابتها عشان تقفيل صيني

يعني عايز تقولي ان الناس بتشتري الصني اللي تقفيلها مصري و حتسيب دي و هيا تقفيلها صيني

طيب ما الهوندا سيتي الجديده تايلاندي و الياريس تايلاندي و الكرولا جنوب افريقي طيب ليه الحاجات دي الناس مخافتش منها؟

انا ملاحظ ان انتا دايما من مهاجمي الصيني مش عارف ليه

و على العموم اللي بيشتري عربيه سواء صيني ولا هندي ولا ماليزي ولا الماني ولا امريكي ولا ولا أكيد بيكون مقتنع بيها تماما و قبل ميحط تحويشة عمره فيها و اعتقد كمان ان لو العربيات الصيني كانت سيئه مكنتش حتنتشر الانتشار ده و مش حنقدر نقول عشان سعرها رخيص لأن سعرها مش رخيص و في بدائل ليها

يعني ال 516 اللي منتشره اوي في بتمنها الفيرنا و اللانوس
وال 113 في عندك البيكانتو و ال i10

فتفتكر ايه الي يخليني اشتري صيني مع ان في زيها كوري مثلا بنفس السعر الا لو كنت مقتنع بيها اوي.

حقولك حاجه كمان انا من سنتين كنت عايز اجيب لابتوب رحت اشتري لقيت ماركات كتير اوي بنفس المواصفات بس الفرق في السعر

لقيت ماركه ياباني مشهوره اوي بس بتتجمع في مصر و سعرها غالي اوي و ضمانها سنه

و لقيت ماركتين امريكي مشهورين اوي و سعرهم مش عالي اوي بس ضمانهم سنه

و لقيت ماركه صيني مشهوره اوي بس مفيش حد من اصدقائي نصحني بيها و كلهم شتمو فيها مع انهم مجربوهاش بس الماركه دي سعرها مناسب مش غاليه ولا رخيصه و كمان ايه ضمانها 3 سنين

قلت اتكل على الله و اجيب الماركه الصيني دي و قد كان و انا برد عليك من اللابتوب ده

لا و ايه مروحتش للضمان خالص غير مره عشان ازود الرامات لا و ايه لسه فاضل في الضمان سنه مع اني بسيبه شغال بالأيام و الله و بسافر بيه كتير.

و ماشاء الله شغال معايا زي الفل و صحابي لما شافوه معايا و شغال قالولي تمام كانوا فاكرينه حيفك من بعضه بعد شهر ولا حاجه

الشاهد في الموضوع ان الاسبرانزا او الشيري لو كانت وحشه مكانش ابو الفتوح حيديك ضمان 100 الف كيلو او 3 سنين زيها زي الكوري و الياباني يعني لو حصل في العربيه حاجه و كانت عيب صناعه و ده وارد في اي صناعه مهما كانت حتروح و تاخد حقك بالزوق او بالعافيه يعني هوا مش بينصب عليك

ولا كانت حتنتشر كده مع ان سعرها مش رخيص و في بدائل ليها

و لو قلت ازاي يعني عربيه فيها كماليات اكتر من مثيلتها الكوري او الياباني و بنفس السعر حقولك ان الفرق في السعر ده في جيب التوكيل ده غير ان الصناعه الصينيه من مزاياها ان تكلفة الانتاج فيها مش عاليه عشان الاجور هناك منخفضه و عشان كده في شركات كبيره لها مصانع في الصين عشان تقلل من المصروفات لكن مش على حساب الجوده

و من الاخر لكل اللي بيفكر ان انتا لو ركبت عربيه صيني يبقى بتعرض نفسك للموت و الهلاك بسبب عوامل الامان حقولك حاجه

عارف ال 128 بتاعتنا اكيد عارفها هل تعتقد ان اقل عربيه صيني من اسوأ ماركه في الصين حيكون عوامل الامان فيها اقل من ال 128؟

و اهي عربيه و ماشيه و قعدت في مصر فوق ال 30 سنه

و تصبح على خير يا استاذ مافيا

انا تحفظى على حاجه فى السيارات الصينية

انخفاض سعر اعادة البيع لان سوقها لسه بينمو

و مقدرش اشكك فى الجودة و الاعتمادية اوى لانى مجربتش

انا عن نفسى لما جيت اشترى عربية صغيره قلت اشوف ماروتى او التو لما شفت ال A113 قلت كويسه و عجبتنى (مقارنة بهم) لكن اول ما سمعت السعر مفكرتش فيها كانت ب 55000 باين او 56 انا كنت متوقع سعرها يكون فى اول الاربعينات كحد اقصى لان سعر اعادة بيعها مش هيزيد عن 40 ألف فضلت اجيب ال i10 و مش مشكلة فرق الكماليات لان سعر اعادة البيع يهمنى

المشاركة الأصلية كتبت بواسطة monmonmon

انا تحفظى على حاجه فى السيارات الصينية

انخفاض سعر اعادة البيع لان سوقها لسه بينمو

و مقدرش اشكك فى الجودة و الاعتمادية اوى لانى مجربتش

انا عن نفسى لما جيت اشترى عربية صغيره قلت اشوف ماروتى او التو لما شفت ال A113 قلت كويسه و عجبتنى (مقارنة بهم) لكن اول ما سمعت السعر مفكرتش فيها كانت ب 55000 باين او 56 انا كنت متوقع سعرها يكون فى اول الاربعينات كحد اقصى لان سعر اعادة بيعها مش هيزيد عن 40 ألف فضلت اجيب ال i10 و مش مشكلة فرق الكماليات لان سعر اعادة البيع يهمنى

هوا ده الكلام

حضرتك شفت و قارنت و اقتنعت و فعلا كلامك معقول ان ابو الفتوح كان المفروض يخليها ارخص شويه بس مع ذلك العربيه دي بتتباع و منتشره

انا مثلا لو بدور على عربيه في فئه ال 150 الف حيكون عندي اخيارات كتير

مثلا البريليانس جالينا او السوناتا او ميجان او اكتافيا او كرولا او سيفيك او البلوبيرد

تفتكر حجيب ايه؟

اكيد حجيب عربيه تقضي احتياجاتي و ماتورها كويس و الناس بتشكر فيها و منتشره عشان قطع غيارها تكون منتشره و كماليتها كويسه بالنسبالي و بالنسبه لسعرها يعني اكيد مش حدف 150 الف و مفهاش ABS و EPS و Smart key ههههه و تقفيل ممتاز و كمان توكيلها كويس و ضمانها كويس

في رأيي انا الكرولا تكسب

مش عشان هيا ياباني لا دي حتى جنوب افريقي بس عشان هيا بتجمع اللي انا عايزه كله

لو بشتري عربيه في فئه ال 70 الف

حفكر في ايه

نفس الكلام نشوف مثلا ايه اللي في الفئه دي

حنلاقي A516

Verna

Lanos

ايه تاني؟

تفتكر مين فيهم يكسب؟

ده على حسب احتياجاتي لو خايف اركب الصيني في عندي االانوس و الفيرنا بس استحمل عيوبهم شويه و اللي هيا مش في العربيه بس لكن كمان مفيش كماليات زي التانيه و ضمانها مش زي التانيه و توكيلها مش زي التانيه و ممكن تسأل عن الي اتعامل مع غبور و منصور و انتا تعرف قصدي و ده مش معناه ان ابو الفتوح فله هوا كمان مش اد كده بس يعتبر احسن منهم طبعا

و اتمنى الناس تكون موضوعيه في حكمها مش نقول الصيني يع و الكوري كخ وووو

اللي معاه يجيب طياره و اللي معهوش يجيب اللي يقضي احتياجه و كله ماشي جنب بعضه و كله بيوصل و اي عربيه في مصر حلوه طالما بتحميك من شر المواصلات