هو صحيح الحياة الزوجية فيها مشاكل وتعب وإرهاق ومسئولية
وعلى حد علمي ما فيش بيت بيخلوا تقريبا من المناوشات والسجالات اللي حضرتك ذكرتها
لكن لو قارنت المميزات اكيد المميزات تكسب
وخصوصا لما يكون الاختيار موفق
وبعدين سيبك من التدين الظاهري وإن كان مهم لكن حاول ما يغركش المظهر عن البحث في الجوهر
الرسول صلوات الله وسلامه عليه يعرفنا بأن ( الدين المعاملة ) صدق رسول الله
وهذا لا ينفي اهمية الشعائر والفرائض ومنها الحجاب ولكن ليست كل محجبة متدينة ولكن أعتقد أن كل متدينة تدين حقيقي لابد أن تكون محجبة
اما صورة الحجاب فهو يختلف من بيئة لآخرى
أنا عن نفسي والحمد لله وضعت قاعدة للفصل في المشاكل التي بيني وبين زوجتي وهي أن نرجعها إلى الله ورسوله إذا كانت إختلافات دينية ورأي الدين يمشي علي وعليها لا أفرض عليها رأيي ولا تفرض علي رأيها وكمان خليتها هي مسئولة زي تمام قدام ربنا يعني هي لو قلتلها اخلعي الحجاب مش هترضى ولو سألتني عن رأيي ساعات كتير أقولها والله انتي أدرى هو انتي مش مسلمة وعارفه وحسابك بينك وبين ربنا انا ماليش دخل
أما إذا كانت إختلافات في رأي دنيوي فكل إمرأة تريد أن يكون النقاش على مبدأ ( الإتفاق مع الزوجة في الرأي لا يفسد للود قضية ) أما لو اختلفت معاها فالنقاش ممكن أن يستمر للأبد وهذا خطأ ومع مرور الوقت وقوة الإرادة والثقة بالشخصية أعتقد أن الزوجة ستتعود أنها تشارك بالرأي لكن لا تفرضه لآن المركب اللي فيها ريسين بتغرق وكمان فيه حاجة مهمة إنه لازم الزوج يكون هو مرجعية زوجته في المشاكل يعني مش كل ما الراجل يصر على موقفه وطبعا بعد نقاش وافي الزوجة تلجأ إلى أبوها لكي يفتح معاه حوارا جديدة ليقنعه بوجهة نظر بنته
ماشي لما يكون الأمر ده مرة مرتين
مرة كل فتره في قضية جوهرية ماشي
لكن كل ما الراجل يختلف مع مراته في حاجة كبيرة ولا صغيرة وما تقدرش تقنعه تقوم تلجأ لطرف تالت
ده ما اسمهوش طاعة ولا حتى مناقشة ولا اسمه بيت وسكن
في الآخير الحياة الزوجية فيها الأفراح والآلام لكن إجمالا حياة أجمل من العزوبية بكثييييير
وكله بيرجع لشخصية الزوجججججج
والسلام ختام
المفضلات