الموضوع: استفسار عالماشى

؟؟؟؟؟؟؟؟؟؟؟؟؟؟؟؟؟؟

يجماعه هى العربيه فيها كنترول او كمبيوتر ولا مفيهاش كمبيوتر

العربية مافيهاش كمبيوتر كنترول للمحرك و لكن يوجد جهاز لضبطها فى التوكيل.......

يوجد جهاز لضبط الكهرباء عبارة عن جهاز يحس بتوقيت الشرارة فى البوجيه رقم 4 و مع كل توقيت شرارة بيعمل نور زى فلاش الكاميرا بيطلع من جهاز شبيه بالمسدس بيتم توجيهه على طنبورة الكرنك و رغم دوران الطنبورة سوف ترى العلامات الموجودة على الطنبورة المخصصه لضبط الكهرباء ثابته لأنك لا تراها إلا فى اللحظه اللى بتكون فيها موجوده أمام العلامه نظيرتها على غطاء وش التقسيمه و بتحريك الإسبيراتير يمين و شمال ستجد العلامه تتحرك و عليك ضبطها و تحريكها بحيث العلامتين يبقوا قصاد بعض (ملحوظه : هتلاقى كذا علامه موجوده و لها أرقام و كل العلامات ده ضبطات فابريقه مختلفه بس المفروض تضبط على واحده منهم حسب رقم الأوكتين للبنزين المستخدم يعنى كل ما رقم الأوكتين على ممكن تقدم توقيت الشرارة أكتر و تحصل على كفاءة أفضل بدون ما العربية تسقف)

بعد ضبط الكهرباء بيتم توصيل جهاز تحليل العادم بالشكمان و هو ده اللى بيبين إذا كان الكربراتير مضبوط ولا لأ و الفنى بيحاول يضبط مسمار الهواء و البنزين للحصول على rpm السلانسيه المطلوب و قيم الco المسموحه و توجد أيضا قياسات عديده أخرى للعادم تؤخذ فى الإعتبار و بيتم ملاحظة هذه الأرقام كلها أثناء التحميل على الموتور بتشغيل التكييف و رفع الrpm لقيم مختلفه و إختبار المفاجىء بتاع الكربراتير و لو الكربراتير مش سامح للفنى انه يقدر يوصل للوضع المضبوط على الشاشه و الملاحظات الفنيه الأخرى اللى ممكن يلاحظها على الكربراتير يبقه ساعتها لازم الكربراتير يتفك و يتعمله صيانه و تتم محاولة ضبطه مره أخرى.

فى النهايه عاوز أوضح ان ضبط عربية حضرتك بيتم يدوى و ليس بالكمبيوتر لأن العربيه ما فيهاش كنترول أصلا و لكن الأجهزه اللى موجوده فى التوكيل واللى شرحتها فى الأول و ظيفتها فقط إرشاد الفنى للوصول للضبطة الصحيحه.

علفكرة بقه لو ميكانيكى شاطر يقدر يعمل كل ده و يوصل لنفس النتيجه بدون أجهزه و ساعات إحساس الميكانيكى الشاطر بالموتور بيبقه أصدق من الأجهزه و لازم حضرتك تعرف ان الإنسان هو اللى عمل الأجهزه لمساعدته مش العكس.

الف شكر يباشا لكل الاعضاء وخاصه mahamedway على وقتك وشرحك المستفيض وربنا ميحرمنا من زوقك انا بفكر فى التوكيل فعلا بعد مجربت ميكانيكيه بالعبيط وكل واحد يلعب فى الكربيراتير زى مهوا عايز بس انا مشكلتى النهارده هيا استهلاك البنزين حاسس انه عالى جدا يعنى حوالى 180 ك فى الصفيحه بس الى مصبرنى انى مجربتش على طريق طويل بمعنى اخرى حوالى 40 كيلو بالرغم من انه سريع بس انا كل الناس بتقولى مش هتحسها على غير طريق طويل وعلى فكره انا بستخدم بنزين 80

المشاركة الأصلية كتبت بواسطة abocato

الف شكر يباشا لكل الاعضاء وخاصه mahamedway على وقتك وشرحك المستفيض وربنا ميحرمنا من زوقك انا بفكر فى التوكيل فعلا بعد مجربت ميكانيكيه بالعبيط وكل واحد يلعب فى الكربيراتير زى مهوا عايز بس انا مشكلتى النهارده هيا استهلاك البنزين حاسس انه عالى جدا يعنى حوالى 180 ك فى الصفيحه بس الى مصبرنى انى مجربتش على طريق طويل بمعنى اخرى حوالى 40 كيلو بالرغم من انه سريع بس انا كل الناس بتقولى مش هتحسها على غير طريق طويل وعلى فكره انا بستخدم بنزين 80

الشكر لله و تحت امر حضرتك بس عاوز أقولك على حاجه عشان ما تتعبش نفسك على الفاضى.....

لو ما فيش مشاكل فى أداء عربيتك و سحبها يبقه ما تلعبش فيها و إعرف انها مش هتتزبط أحسن من كده لأن 180كم فى الصفيحه جوه بلدنا الجميله رقم حلو مش و حش خصوصا و إن حضرتك بتحط بنزين 80 و أكيد الميكانيكى مأخر توقيت الإشعال عشان العربيه ما تسقفش و أنا أعرف ناس معاهم كريستاله و مكوه 1300 سىسى و بيعملوا 170 و 160 كم فى الصفيحه فقط و لاحظ حضرتك انك بتحط اللتر ب 90 قرش يعنى ما فيش توفير أكتر من كده (أنا باحط فى البومه 1600 بنزين 92 اللتر ب185 قرش و يادوب بتعمل ال180 كم فى الصفيحه زيك مع ملاحظة ان عربيتى إنجكشن)
حضرتك لو عاوز استهلاك عربيتك يتحسن يبقه تحط بنزين 92 و تضبط كهربة العربيه صح عليه بس المحصله النهائية انك هتتدفع فلوس أكتر بكتير فى البنزين.

يا ريتنى أقدر أحط فى عربيتى بنزين 80 و لكن للأسف ما ينفعش لأن العربيه هتسقف جامد و مفيش إسبيراتير عشان أقدر أأخر منه توقيت الإشعال و أتفادى التسقيف.

نصيحه.........كبر دماغك و عربيتك مضبوطه جدا و لو جربت عربيات تانيه زى بتاعتك هتعرف انك فى نعمه.

نصيحه أخرى........ ممكن بردو فى التوكيل ما تزبطش أحسن من كده و كمان و هو بيضبط لما يلاقى العربيه بتسقف جامد بسهوله معاه هيقولك حط بنزين 92 و إبقى تعالى أزبطلك عليه و مش هيرضى يزبطهالك على البنزين ال80 لأن العربيه مصممه على ال90 و إستحاله هتقرأ معاه قيم مضبوطه مهما زبطها مع البنزين 80 و لكن ميكانيكى حضرتك مزبطها و مستقربها على ال80 و هى كده زى الفل بجد.

الف شكر يباشا والحمد لله العربيه كويسه معايا فى السحب و السلاسه وبعد كلامك انا اقتنعت باستهلاك البنزين و استفسار اخير مفيش حاجه بتنضف التنك من الرواسب اقدر اضيفها تنضف التك و الكربيراتير