الموضوع: افضل سيارة مستعملة فى حدود 40000

المشاركة الأصلية كتبت بواسطة r_m81

شكرا على اهتمامكم جميعا
ايه رأيكم فى سيات قرطبة 2001 أو 2002

سيات فعلا عربياتها محترمة جدا خاصة وانها تقنية vw

المشاركة الأصلية كتبت بواسطة sherifman20

هناك العديد من الاختيارات ودا بيختلف من شخص لأخر كل على حسب احتياجاته
لو حضرتك عايز عربيه سيدان تكون موديل حديث وقطع غيار سعرها معقول و متوفره (عند البقال زى ما بيقولوا) وسهله البيع والشراء يبقى امامك احد هذة السيارات :
1- هيونداى فيرنا مو 2004 - 2006
2- دايو لانوس مو 2001 - 2004
3- دايو نوبيرا مو 2001 - 2004
اما لو اتنازلنا شويه عن موضوع الموديل الحديث يبقى ممكن متسوبيشى لانسر مو 1997 - 1999
وممكن كمان اوبل فيكترا مو 1994 - 1999 او استرا مو 2001
بس دول طبعا قطع غيارهم اغلى نسبيا من اللى فاتو.

وهناك ايضا فئة الهاتش باك ودا لو العربيه للاستخدام الشخصى (يعنى مش لاسره كبيره) وايضا هيبقى سعر قطع الغيار غالى شويه وهما :
1-ابيزا مو 1994 - 2002
2-بولو مو 1994 - 2001
3-بيجو 206 مو 2001
4-فيات بونتو 1994 - 2003
5-سكودا فابيا 2003
وكدا يبقى انا قولتلك على افضل الاختيارات والفرق ما بينهم بس برضوا لازم تعرف ان فى انواع تانيه كتير فى السعر دا بس معظمها هيبقى فيها عقبات من حيث اسعار قطع الغيار وعدم توفرها وايضا عدم سهوله البيع فيما بعد ومنها على سبيل المثال :
(ستروين اكسارا - رينو كليو - كيا سيفيا - سيتروين c3 - هوندا اكورد - فيات سيينا - فيات بيترا - بى ام دبليو الموديلات حتى 90 والكثير)
ارجو ان اكون اوضحت لك الموضوع مع الوضع فى الاعتبار ان هذا التقييم من وجهة نظرى الشخصيه المتواضعه وهذا من كثرة البحث عن سياره لاننى ابحث عن سياره فى نفس السعر وشكراً

و الله رد هايل شكراااااااااااااااااااااا ااااا
و شكرا لكل اعضاء المنتدى المحترميييييييييين جدا و الله

و بالنسبة لسيات قرطبة
هل قطع غيارها متوفرة و خاصة ان انا فى المنصورة
و اسعارقطع الغيار عاملة ازاى