الموضوع: حركة نص كم

مشي بيها بتاع 10 دقائق ولل اسف معملتش معاه الحركة إياها..شرحلي بقى من وجهة نظره المشكلة.
أما بنقل و الموتور شغال جامد بتظهر المشكلة, عزم الموتور بيخلي السليبينج ده يحصل.

شوف

لو أنت من نوع السواقين اللى بيحرق جامد على الغيارات
ونظام الكيك داون وخلافه

يبقى فعلا دى أسطوانة دبرياج

بصراحة مكدبش عليك..أنا من ناحية الحرق مابحرقش تقريبا,
العادي 4-3 لو متضايق أو سواق معصبني أو حاجة ممكن 4.5 بس ده نادر قوي وماعتقدش إني جبت 5 قبل كده

بس أنا ممكن اكون بعمل حاجتين 'يمكن' يقصروا في عمر الدبرياج بصراحة

1- دي أكيد بتأثر..جوه البلد و فزحمة بأبقى ماشي ملمس الدواسة بحيث إني مش دايس ولا بنزين ولا فرامل بس دبرياج بس..أعتقد بيسموها riding the clutch.وده تعود الصراحة..بس أول ماشوف طريق فادي أو عالتالت+ مابلمسش الدواسة غير للنقل.

2- بنقل بسرعة زيادة يمكن زي كتير مننا, يعني مثلا وانا بجيب غيار معيَّن أول مشيل رجلي من على دواسة الدبرياج بتكون رجلي التانية ابتديت تدوس بنزين. وده برده في طريق فادي.


بمناسبة إنها محصلتش معاه فـدي حظ أعتقد لاني زي ما قلت قبل كده أخدت مشواري الصبح 50k رايح وزيهم راجع وحصلت معايا 4 مرة بس من ضمن مثلا 100 نقلة غيار عملتهم فيه.

اشكركم جميعا للردكم وأخص بذكر اخونا الكبير م. سمير

المشاركة الأصلية كتبت بواسطة alexcdx

بس لو فى خلل فى التايمينج العربيه حترتل أو تتلت يعنى حيبقى فى رجرجه للموتور على السلانسيه وحتتسمع فى الشكمان مش كده ولا أنا بتلت؟

أنت بتتكلم صح فعلا

بس أنت شوفت ملابسات الموضوع من أوله
الراجل رايح سحب العربيه تمام
يعنى كل حاجه مظبوطه
ومفيش مشكلة دبرياج ولاغيره
وكلامه كله بيقول كده
يبقى أيه اللى حصل بدون منطق حتى
هو يادوب غير السير

فهل الدبرياج أستهوى وجاله الحصبه وهو بيغير السير

هو أنت مش عارف أننا بنبنى كل توقعاتنا على حسب ملابسات الكلام

أما كون صاحب الموضوع ( مش عارف يوصل الحاله كويس بغض النظر عن أخونا صاحب الموضوع الحالى وكحاله عامه )
فده بيعتبر فيلم تانى



مش كده ولا أيه ياهندسه
مش أنت فى الهندسه بتبنى نتائج حسب المعطيات

1- دي أكيد بتأثر..جوه البلد و فزحمة بأبقى ماشي ملمس الدواسة بحيث إني مش دايس ولا بنزين ولا فرامل بس دبرياج بس..أعتقد بيسموها riding the clutch.وده تعود الصراحة..بس أول ماشوف طريق فادي أو عالتالت+ مابلمسش الدواسة غير للنقل.

الحركه دى فعلا
اللى ممكن تبوظلك الأسطوانه

عموما جرب تانى آداء السياره
وشوف الوضع ماشى معاك أزاى

أحتمال يكون فيه حاجه تانيه مش واضحه معايا
على الأقل

علشان لو فكيت فى الدبرياج تفك وأنت واثق تماما أنه السبب

وأستشير برضه ميكانيكى تانى ( وخليه يجرب سحب العربيه )
وخد رأيه برضه
فده مش عيب
لأنك حتدفع فلوس
فلازم تكون فى مكانها بقدر الأمكان

حضرتك شوفت الميكانيكى الى غيرلك سير الكاتينة بعد ما خلص شغل غسل الحوض والموتور بالجاز والمياه والصابون ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟

اصبر شوية حضرتك ومتستعجلش فى موضوع تغيير طقم الدبرياش

المشاركة الأصلية كتبت بواسطة samirayad

الحركه دى فعلا
اللى ممكن تبوظلك الأسطوانه

عموما جرب تانى آداء السياره
وشوف الوضع ماشى معاك أزاى

أحتمال يكون فيه حاجه تانيه مش واضحه معايا
على الأقل

علشان لو فكيت فى الدبرياج تفك وأنت واثق تماما أنه السبب

وأستشير برضه ميكانيكى تانى ( وخليه يجرب سحب العربيه )
وخد رأيه برضه
فده مش عيب
لأنك حتدفع فلوس
فلازم تكون فى مكانها بقدر الأمكان

أشكرك يا باشمهندس, فعلا حاعمل كده إن شاء الله.

المشاركة الأصلية كتبت بواسطة mohsen

حضرتك شوفت الميكانيكى الى غيرلك سير الكاتينة بعد ما خلص شغل غسل الحوض والموتور بالجاز والمياه والصابون ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟

حصل, الموتور كان ماتغسلش خالص من زمان ام غسله بالجاز, بس ماكانش فيها ولا مية ولا صابون.

المشاركة الأصلية كتبت بواسطة angeliccore

أشكرك يا باشمهندس, فعلا حاعمل كده إن شاء الله.

حصل, الموتور كان ماتغسلش خالص من زمان ام غسله بالجاز, بس ماكانش فيها ولا مية ولا صابون.

وحضرتك قلت انك ركنت العربية بعد الشغل اللى اتعمل فيها كذا يوم واحنا فى الشتا

حضرتك جرب الاتى لو سمحت ومش هتخسر حاجة:

افتح الكبوت وغطى الاماكن اللى فيها كهربا زى الموبينة وجميع الحساسات والبوجيهات واغسل جميع الاماكن اللى جه عليها جاز بمياه مخلوطة بصابون سايل وبعدين بمياه فقط وبعد كده مباشرة اعمل للحوض والموتور خرطوم هوا كويس جدا يعنى خلى خرطوم الهوا يوصل لكل جزء فى الحوض والموتور والفتيس من فوق ولو قدرت تنزل الولد تحت العربية (10 جنيه) يبقى كويس وحولين الحساسات من غير ماتفك حاجة وخرطوم الهوا اعمله عند بتاع كاوتش مش فى البنزينة لان خرطوم الهوا اللى فى البنزينة بيبقى الهوا مخلوط ببخار مياه وده مش مطلوب وبعد كده سيب العربية والكبوت مفتوح فى مكان فيه شمس ودورها وهى واقفة شوية لمدة 5 دقايق وبطلها 5 دقايق اربع خمس مرات واطلع جرب العربية فى مشوار طوالى