الموضوع: حياه العزوبيه ....... تعيشها ازاى ؟

المشاركة الأصلية كتبت بواسطة wesam_salom

كل يوم اقعد فى بيت واحد متجوز ساعتين لمده اسبوع

هتبقى كويس وحالتك هتتحسن

وهتشكر ربنا على فضله


او ممكن تخطب (ده تطعيم)

طيب والله من الكلمه ده خليتني اصدق كل الكلام اللي انت قلته قبل كده
انا مش باكدبك طبعا بس انا كان عاوز يطمئن قلبي :)
انا كنت برضو هموت واتجوز او اخطب
قريت فاتحه وقعدت عليها ست شهور
والحمد لله خلصت من الكرب العظيم اللي كنت فيه
هما بس لويبعدوا الاهل عن الليله وخصوصا ام العروسه هتبقي ميت فل
والحمد لله بعد التطعيم فكرة الجواز اتشالت علي الاقل خمس ست سنين
اينعم كان بيبقي في لحظات حلوه وبتحن
بس برضه نسبة النكد بتكون عاليه وخصوصا لو واحده نكديه
(دي مش دعوه للناس انها ماتتجوزش يا جماعه ده مجرد رأي من خلال الموقف اللي حصلي مش عايز اشيل ذنب حد بصراحه )

هيا حياة العزوبيه جامده بصراحه بس فيها مشكله كبيره خصوصا اللي عايش لوحده هيا
الانحراف مثلا بدل السجاير تبقي محشيه (حلوه محشيه دي)
او اي حاجه تانيه
هيا اهم حاجه في الموضوع ان اي حد يتقي ربنا ويصلي
وكده الحياه تبقي فل الفل ولا للزواج قبل 30 ولا لاستغلال الشباب اللي عايز يتجوز والمغالاه في الطلبات
وشكرا

انسانه حلوه تحبتك وتكون ذكيه فى بيتها وحياتها تستاهل انك تتنازل عن حريتك علشانها

لكن لو ذكيه ومش بتحبك، يا وليك بقه من اللى هايحصل فيك

انا سعيد جدا بحياه العزوبيه والدلع وفلوسي ليا وبسهر براحتى وبتفسح وبعيش حياتى، لكن برده نفسي فى انسانه تشاركنى حياتى بحب

المشاركة الأصلية كتبت بواسطة ahmed76

الجواز استقرار : ده على اساس اننا كنا قاعدين فى الشارع قبل الجواز؟؟
تغيير في حياتك برده : طيب لو اشتريت عربيه تبقى غيرت فى حياتك برده .

بس بدل ما الواحد يروح يطبخ ويغسل ويكوي : الغساله فول اوتوماتيك بتغسل وتعصر وممكن تجفف - والمكوجى : القميص بخمسين قرش مكوى

أعتقد لو أنت بتقضي أوقات كتيرة لوحدك زي كده : تقعد لوحدك ولا تقعد مع حد ينكد عليك؟؟؟؟؟؟؟؟؟
أني حاسس أن القرار خطير جداً : واخطر بكتييير من اللى فى بالك

وعلشان ما اخدش ذنب على كلامى وتقول انى باحرض على عدم الزواج : لو ضامن انك هتلاقى الزوجه الصالحه اللى اوصى بيها الرسول عليه الصلاه والسلام ( اللى عارفه ان طاعة الزوج من طاعه الله - وتغسل وتطبخ وتكوى وماتنكدش عليك وتسيبك تنام او تسيبك تخرج لما تزهق )
وخلى بالك من الكلام اللى بين الاقواص كويس يبقى الف مبروك لو لقيتها.

حضرتك في حاجه مهمه جدا
وهي ان الاغلب في الزوجات دلوقتي وامهاتهم هم اللي بيبوظوا الجوازات
ده مايمنعش ان في رجاله عايزه قطم رقبتها بيبقي في ايديها سيدات وبنات محترمات وهم اللي بيفتروا
وحين ان تكون الزيجه مفيهاش مشاكل معضله تكون فعلا استقرار عاطفي وجسدي لا جدال في كده

المشاركة الأصلية كتبت بواسطة ahmed76

الجواز استقرار : ده على اساس اننا كنا قاعدين فى الشارع قبل الجواز؟؟
تغيير في حياتك برده : طيب لو اشتريت عربيه تبقى غيرت فى حياتك برده .

بس بدل ما الواحد يروح يطبخ ويغسل ويكوي : الغساله فول اوتوماتيك بتغسل وتعصر وممكن تجفف - والمكوجى : القميص بخمسين قرش مكوى

أعتقد لو أنت بتقضي أوقات كتيرة لوحدك زي كده : تقعد لوحدك ولا تقعد مع حد ينكد عليك؟؟؟؟؟؟؟؟؟
أني حاسس أن القرار خطير جداً : واخطر بكتييير من اللى فى بالك

وعلشان ما اخدش ذنب على كلامى وتقول انى باحرض على عدم الزواج : لو ضامن انك هتلاقى الزوجه الصالحه اللى اوصى بيها الرسول عليه الصلاه والسلام ( اللى عارفه ان طاعة الزوج من طاعه الله - وتغسل وتطبخ وتكوى وماتنكدش عليك وتسيبك تنام او تسيبك تخرج لما تزهق )
وخلى بالك من الكلام اللى بين الاقواص كويس يبقى الف مبروك لو لقيتها.

ماهو علشان كده أنا بقلك أن القرار مش سهل .ومحتاج تبذل قصارى جهدك أنه يطلع صح.بس عاوز أقلك أنك ممكن تاخد كل الأسباب وتدرس دراسة مستفيضة. وفي النهاية تلاقي نفسك في دوامة نكد أزلية (دي بأه بتاعة ربنا ونصيبك كده).
بس مش معنى كده أنلك تلغي أو تكره فكرة الزواج . لإنك كده يبقى أنت خارج عن ناموس الكون إلي ربنا وضعة.
يعني بالرغم من أن العزوبية جميلة وظريفة و... في كام واحد تعرفة بلغ الأربعينات ولم يتزوج. ولو وجد هذا الشخص ياترى عايش عيشة سوية وحاسس أن مش ناقصة حاجة ونظرة المجتمع ليه عامله إزاي .
ياراجل ده الواحد دلوقتي معظم أصحابة متجوزين لما يحب يخرج معاهم ولا يروح مشوار مبقاتش ألاقي حد فيهم متوافر . وياسلام بقى لو عاوز تروح سينما وحد جاب مراته أو خطبيته معاه وتلاقي نفسك قاعد زي العزول في نص هدومك...
بإختصار أنا مع التأني في القرار والتفكير فيه جيداً وليس العزوف عنه.

المشاركة الأصلية كتبت بواسطة mgazaly

المهم طيب بس بجد عشان انا واخد الكلام على محمل الهزار لو فى حد واخدة بجد
يا ريت يوضح دة ويقول ولو الكلام الى انا قولتة فى حاجة غلط يا ريت حد يفهمنى كدة

لأ مفيش حد واخده على محمل الجد، الكل بيهزر