نيوسيراتو الخليجى

**sawsn** · 23-12-2009 08:43 AM

قرات كتير فى المنتدى على النيو سيراتو والحدفه اليمين او الشمال ايا كان ----او انها قلابه----هل النيو سيراتو الخليجى تشمل هده العيوب ولا كل النيو سيراتو سواء وكيل او خليجى--

**medoxmedox** · 23-12-2009 09:55 AM

والله العظيم العربيه زي الفل
و ماشيه معايا زي الساعه

**hobiko** · 23-12-2009 10:09 AM

مافيش فرق بين الخليجى و الوكيل غير التجهيزات و الضمان

والعربية ولا قلابة ولا حاجة كل ده ماهى الا افتراءات و افتاءات

**muradallam** · 23-12-2009 10:09 AM

العربية مافيهاش اى مشاكل وبتبيع احسن من اى عربية فى مصر حاليا ولو كان فيها عيوب ماكانش زمانها بتبيع بالشكل ده لغاية دلوقتى

**ALSHARIEF** · 23-12-2009 11:43 AM

السلام عليكم و رحمة الله و بركاته .........

والله إللى أنا أعرفه من كل اللى سمعناه و قريناه سواء كان هنا فالمنتدى أو من أصحابى إللى خارج المنتدى إنها حالات فردية .

فى ناس أشتكت من الحدفة و أخرين قالوا مشاكل فى العفشة و الكاوتش اللو بروفايل بس ده للأمانة سمعتو بس فى العربيات الوكيل ( بس تجربة الأستاذ أحمد والأستاذ نادر أكيد أثبتت شىء من الحقيقة بالنسبة للوكيل ) أما بالنسبة للخليجى فالحمد لله زى الفل لحد دلوقتى ......... والله لأعلم

**m_s_h_a** · 23-12-2009 09:06 PM

يا باشا اطمئن انا معايا وكيل لا بتحدف ولا بتقلب معايا وربنا يستر وكمان مش بتعض

**bassemforever** · 24-12-2009 05:50 PM

العربية معايا بقالها 6 شهور زى الفل وبجد احب اطمنك العربية ثابتة جدا وكمان اطمنك انك بعد متمشى بيها 5 الاف هتلاقى العفشة نعم معاك ونصيحة لو هتقدر تتنازل عن الامكنايات الزيادة متجيبش الى فيها جنط 17 علشان بيعمل مشاكل مع الكواتش فى الطرق الجميلة الى فى مصر خصوصا وانه لو بروفيل وانصحك بشدة بالعربية من واقع تجربتى ليها

**night_phoenix** · 24-12-2009 06:05 PM

ماشاء الله ربي يبارك العربيه للجميع هيا معايا من حوالي 5 اشهر وماشي حوالي 10000 و الله يكرم زي الفل ولا قلابه و لا حاجه اتكل علي الله لو عاجباك و ربنا يكرم الجميع

**egytamer** · 24-12-2009 08:02 PM

السيراتو عربية جميلة بس ياترا الفرق بين الخليجي والمصري اوبشن بس ولا اية

**ghazy12** · 25-12-2009 02:53 PM

مين بس اللي قال ان العربيه قلابه..؟؟؟؟؟؟؟؟ مفيش حاجه اسمها قلابه, و مفيش عربيه بتتقلب بدون سبب...

انا كنت مالك للنيوسيراتو و اتقلبت بيها, بس ما حصلش مني اني قلت انها قلابه ابدا, مع اني اتقلبت بالفعل, بس قلابه بشكل عام كده دي كلمه كبيييييييره جداااا...

و مش معنى ان العربيه عملت حادثه او اتقلبت يبقى كل العربيات هتتقلب يعني و طلعت سمعه على العربيه انها قلابه بشكل عام..!!!
و ناس تقول انا حاسس ان و انا ماشي المقص هيتكسر مني في اي وقت (طيب ده كلام منطقي)...

عموما احنا كان عندنا شك في المقص, و الأستاذ أحمد و الأستاذ نادر عملوا تقرير ممتاز و طمنوا الناس...

و الحدفه الشمال بناء على اخر استفتاء اتعمل في المنتدى, كانت النسبه حوالي 45% عندهم حدفه شمال و كلهم تقريبا تبع الوكيل... و انا واحد منهم, و في ناس تبع الوكيل بردو و ماعندهمش حدفه شمال...

بالنسبه لسخونة الكونسول (التابلوه), دي انا عمري خلال 6 شهور استخدام ما حسيت بيها...

غير كده العربيه مافيهاش حاجه و ((مش قلابه)) و الفرق بين الوكيل و الخليجي كماليات و سعر فقط...

ربنا يوفقك للخير ان شاء الله...