احنا مش عواجيز:Oc_sun1[1]:
انتوا اللى جيل مظلوم (على رأى اللى قبلنا)
هما لحقوا السمنه البلدى
واحنا الصناعى
انما انتوا شغالين على زيت الدره:Oc_sun1[1]:
حلاوه روح بقى قبل ما نبقى عواجيز بجد
عرض للطباعة
انا 22 سنه وفكرتني بحجات جيله والله زي كلمتين وبس وبرنامج في الراديو بتاع المشاكل ده وحجات حلوه
انتة كام سنة يا mohamedezat
اللى انت شايفه يا اكتو بس مافيش حد عنده 19 سنه متجوز ومخلف هههههههههههه الكلام ده كان زمااااااااااااااااان اوى
انت بقا تفتكر حاجه من الحاجات اللى اتقالت دى ده احنا من ايام الباندانه والشاب خالد
اكتو بيقولى ان انا 19 سنه يا يحيى بذمتك حد عنده 19 سنه ويفتكر الحاجات دى ؟
انا تاريخ ميلادى 3/10/1981 ياعنى حضرت السادات لمده 3 ايام = مخضرم
زيت الذرة صحى اكثر من السمن البلدى ههههههه احنا على ايامنا ظهرت الموبيلات والذى منة انتوا على ايامكم ظهر البيجر ههههههاقتباس:
احنا مش عواجيز:oc_sun1[1]:
انتوا اللى جيل مظلوم (على رأى اللى قبلنا)
هما لحقوا السمنه البلدى
واحنا الصناعى
انما انتوا شغالين على زيت الدره:oc_sun1[1]:
حلاوه روح بقى قبل ما نبقى عواجيز بجد
هههههههههه ربنا يخيلك اياد انا شفت صورتة زى القمر ماشاء الله طالع لابوة ههه هاشوفلة عروسة واشوف لابوة كمان (يارب الحكومة ماتسمعيش ) هههاقتباس:
اللى انت شايفه يا اكتو بس مافيش حد عنده 19 سنه متجوز ومخلف هههههههههههه الكلام ده كان زمااااااااااااااااان اوى
انت بقا تفتكر حاجه من الحاجات اللى اتقالت دى ده احنا من ايام الباندانه والشاب خالد
انا افتكر البنطلونات الشارستون والكوتشى الاميجو والساعة الكاسيو المضادة للماء وبرنامج عالم الحيوان وسينما الاطفال وكابتن ماجد ومازنجر وباور رينجيرز وفولترون وهركليز وزينا وماوكلى والاتارى السيجا والصخر وهدوم شركة بيع المصنوعات المصرية و كورنيش العجوزة زمااان وحديقة سفنكس حد فاكرها وشارع جامعة الدول لما كان فاضى وواسععععععععععع والجواكت القطيفة والجزم الشامواة وشنط المدرسة المربعة الى شكلها كان غريب والقلم الى بيكتب 4 اللوان دة كان حاجة جديدة عليا وجيلاتى عزة فى اسكندرية وكبابجى العربى فى العجوزة ومطعم البرج زمااان لما كان نظيف وباخرة نايل كروز القديمة لما كانت 7 ستارز وحاجات حلوة كتيير استنى هافتكر وارجعلك
برافو عليك با اكتو بس ميدان سفنكس ده كان زمان اوى وكوبرى 15 مايو كان اخره هناك ومكانش فى نفق فى شارع وادى النيل
في الاختراع الجبار
لوليتا بـ 15 قرش
و الكبيرة بـ 25 قرش
الجواكت الجينز اسمها كوينز تقريباً
حديث الروح بعد المسلسل بتاع الساعة 8 ( كان بيبجي قبل نشرة 9 على طول )
كان تعديل السيارات بلزق كمية استيكرات رهيبة على العربية
كان في صعوبة بالغة انك تتعرف على واحدة انت معجب بيها ما كنش في موبايل و لا انترنت كان الحمام الزاجل هو الموبايل و الانترنت في الوقت ده
لما تلاقي واحد مربي نوع الحمام ده تعرف انه مصاحب و كذلك البنت
زرعة الحلبة في البلكونة في غطاء برطمان مربى
و البرطمان نفسه نزرع فيه بصل
دود القز و ورق التوت في شم النسيم ( نجيبة في كرتونه و نقفلها و نخرمها كذا خرم علشان الدود ما يمتش و الناس كانت بتبيعه على الرصيف )
الصلصال و فن النحت و التشكيل
الاتاري ابو دراع عامل زي فتيس العربية
الفيديو و كان نوعين من الشرايط كبير و صغير و لما تروح تأجر شريط كان الشريط الصغير اغلى من الكبير علشان الفيديو بتاع الشريط الصغير كان احدث
و لما نزل الكاسيت الدبل كان ثورة في عالم الكاسيتات
و الكمبيوتر يعني بيزك بس
ما كانش في مترو الانفاق
و الاتوبيس الأحمر
و الجزم الكوتشي ( كان انظف نوع كوتشي شوز ) و لوتو
و لا اختراع الوكمان بقى كان اخر روشنة و الواحد سايق العجلة و حاطط السماعات في ودانه و عايش
في سنة 2000 كنت بركب تاكسي من اول فيصل لحد الجامعة بـ 1 جنيه بس
دول الي افتكرتهم دلوقتي
اه مرة روحت السعودية و انا صغير سنة 1987 و لقيت هناك فيديو جيم في مول أسمه الحمرا في جدة كنت هعيط من الخضة
ههههههههههه حديقة سفنكس دى انا فاكرها اكتر من اسمى كنت ساكن ورا فندق شهرزاد على طول قصاد حبيب العادلى وكانت دايما اخد والدتى واروح للحديقة كل يوم بعد العشاء واليوم الى والدتى ماترضاش اخد والدى واليوم الى والدى مايرضاش اخد الغفير ههههههه وفى مرة مالقيتش الغفير واخدت عسكرى من الى كانوا واقفين حراسة تحت بيت حبيب العادلى وجابلى فيشار من محمصة سفنكس حد فاكرها ...وكل يوم الخميس كنت اروح السيرك القومى واشوف محمد وفاتن ومحاسن (كلهم ولاد الحلو ) وكنت من عشاق فرقة رضا ولحد دلوقتى عندى تسجيلاتهم ليهم وكنت دايما اشوف فقرات فرقة حبيبى انا لمحمد فتحى وكنت من عشاق مسرحية بودى جارد دخلتها 8 مرات ونفسى ادخلها تانىاقتباس:
برافو عليك با اكتو بس ميدان سفنكس ده كان زمان اوى وكوبرى 15 مايو كان اخره هناك ومكانش فى نفق فى شارع وادى النيل
ههههههههههههههه دودة من يومى ههههههههههههه ايام تحححححححفة ومن يوم ماجيت اكتوبر (من 9 سنين وانا محروم )
ماتيجوا نروح فى مرة السيرك القومى مع بعض نجمع نفسنا ونروح بس انت شوف الناس
انا عندى 19 سنه وفاكر بعض الايام ده يعنى مثلا من سنه 95 لغايه سنه 2002 كانت لسه الحياه لذيذه بالنسبه لى دلوقتى صدقونى اتقلب 180 درجه عن ماضى فات
انا 20 سنة وفاكر الحاجات دى برضة
ونسيتوا اهم لعبة لعبة ماريو بتاعت الاتارى ماريو الطائر وماريو فواكهة ولعبة الدبابات
وعندك التلفزيون احلى برنامج كنت بحبة برنامج اخترنالك وعندك برنامج مواقف وطرائف والفيلم العربي بتاع يوم الجمعة اللى كان بيجى على القناة 2 قبل الصلاة وسينما الاطفال
ياااااااااااااااه كانت ايام جميلة
وفاكر برضة المترو ايام زمان لما كنت تركب كل محطة ليها ثمن مكنش موحد وايام مكانت تذكرة المينى باص ربع جنبة وغليت بقت بنص وبعد كدة ب75
وفاكر برضة كان عندنا 128 لونها احمر مكنش لسة نزل الكاسيت ولا مرايات الجنب واياميها اللى كان معاه عربية 132 دة يبقى غنى واياميها كانت تقريبا عربية معظم المقاولين
وفاكر برضة ميكروباصات الفلوكس العجيبة دى
والشوارع اياميها كانت فاااااااااااااااااااضية ونضيفة ومش مكسرة
وفاكر اغانى لطيفة ونادية مصطفى ومحمد فؤاد اغنية قلبك طايرة ورق
وطبعا الشعراوى
وطبعا كمان كوتشي اميجو والاحذية الشمواة
لما افتكر تانى هكتبلكم
بجانب الحاجات الجميله والحاجات المؤلمه اللي فكرتوني بيها كان فيه حاجات تانيه
الكوتشي اللي لسانه لازم يبقي بره البنطلون
وكان عامل زي الليفه طالع متر من الجزمه
وكان فيه الاسكوبي دو تقعد تعمل بيه ميداليات الوان
والميداليات اللي بتعملها بمنشار الاركت في البيت وقعد تسخن مسمار وتحرق اطرافها علي البوتاجاز لحد ما تتلسع
الكوتشيهات البمب اللي كان فيها مضخه تنفخ الكوتشي (لحد النهارده مش فاهم ليه)
البنطلونات الجينز اللي فيها كسرات زي البنطلونات العاديه
الاستيك الملون اللي كانت الساعه بتتحط فيه
بواكي االشمعدان اللي فيها ارقام تقعد تهري نفسك تجميع فيها
لما افتكر حاجات تانيه حبقي اقولكم