الموضوع: محتاج معلومات عن مازدا 3 2006

بالنسبة لفئاتها : هم تلاتة
1- مانيوال , جميع الكماليات الاساسية زى التكيف و البور الهيدوليكى و مرايات كهرباء و خلافة + ABS +EBD + Dual Air bags
طبعا موتور 1600 يخرج 105 حصان
2- زى 1 بس اوتوماتيك
3- الهاى لاين و دى زى 2 + زينون + حساسات مطر و نور + جنوط و عتب + فتحة سقف

عيوبها المشهوره --->1- واطية لما اى حد يركب وراء و تحك فى المطبات
2- لا يوجد وكيل معتمد ليها
غير كدة العربية فلة و حلوة جدا

اسعار قطع الغيار --> نار نار اغلى حاجة فى اليابانى زى الهوندا

بص يا باشا ، مبدأياً مبروك مقدما وان شاء الله ربنا يوفقك وتلاقي عربية حالتها حلوة ،

1- خليك في 2007 وطالع لأن 2007 يعتبر فيس لفت وفيه اختلافات عن 2006

2-بالنسبة للفئات فهي
1- أول فئة ودي مانيوال وفيها الكماليات الأساسية زي التكييف " بكر " ، زجاج كهرباء ، كاسيت عادي ،

2- تاني فئة : زي أول فئة بس ستيبترونيك

3- ثالث فئة : زي التانية ويزيد عليها جنوط 16 ، تكيييف تاتش ، كاسيت سي دي ، وتقريبا تحكم في التارة

4 - رابع فئة : "ايرو" ودي هقولك عليها بالتفصيل عشان معايا : جنوط 16 ، تكييف تاتش ، تحكم في التارة ، فتحة سقف ، عتب نيكل ، سبويلر ، زجاج ملون ، حساس نور ومطر ، زينون ، شبكة امامية بلون السيارة ، متهيألي بس كده !!

مميزات العربية : ثبات ممتاز جدا ، عفشة قوية وناعمة ( ملتي لينك امامي وخلفي ) ، شكل روعة ، تكييف محترم لا يؤثر مطلقا على السحب ، صوت تحفة ، عزل جيد جداً ، سحب رهيب

عيوبها : مش عاية بس مش واطية قوي يعني ، لو على المطبات العادية مفيش مشكلة ، لكن لو مطب رخم ومعاك حد في العربية لازم تاخده بزاوية وبردو سهل التعامل معاها،
موضوع قطع الغيار اصبح مش مشكلة خالص وموجودة في اماكن كتيرة ، وفيه مراكز صيانة كتيرة متخصصة فيها افضلهم عن تجربة سمارت كار ، يعني قصة التوكيل دي بصراحة مش فارقة خالص معايا شخصيا ،

والخلاصة العربية من وجهة نظري ومن تجربتي معاها لحد دلوقتي ممتازة جداً ما شاء الله ، وتقفيلها ياباني 100% وفعلا تعتبر افضل عربية ياباني في فئتها من وجهة نظري

بص هو طالما قالك إنه بيعمل صيانتها في التوكيل يبقى بيشتغلك
توكيل إيه بس؟؟

المشاركة الأصلية كتبت بواسطة ezy

يقصد سمارت كار بس هما كلهم بيجيبوها من الخليج وسمعت ان غبور شغال في الكلام ده عموما ما علينا يعني

ابقى طمنا يا باشا عملت ايه؟؟