الميه الخضراء

**hobby10** · 30-12-2009 03:05 AM

متابعة باهتمام

**original** · 30-12-2009 06:24 AM

المياه المقطرة لوحدها ممتازة وملوحتها بتزيد جدا مع الوقت لأن بيكون فيه أملاح مترسبة فى دورة التبريد كمان بتتعرض لبخر مع الحرارة..
أنا لسه مغيرها من 6 شهور مياه مقطرة ولما قست ملوحة المياه اللى مفروض كانت 1ppm أول ما حطيتها أصبحت 1300ppm مش عارف الأملاح دى كللها جت منين!!
هيا المشكلة ممكن تكون فى إنك محتاج مادة ملينة لطرمبة المياه والكاوتشات الداخلية!!
بس المياه المقطرة أهم حاجة إنها مش بتضر أى حاجة..
نسيت أقول إن المياه بعد سنه كانت نازلة شفافة زى ما إتحطت وبعد 6 شهور برده نازلة شفافة..
معتقدش المياه اللى فى السوق فيها موضوع التليين ده!!
طيب لو الإيثيلين جليكول الخاص بموضوع التجمد وده مش مفيد بالنسبالنا هوا القائم بدور الملين فى المياه يبأا ممكن نشوفه لوحده!!
على فكرة الإيثيلين جليكول هوا نفسه المادة الجل اللى موجودة داخل علب التلاجات اللى هيا بلاستيك وجواها جل للاحتفاظ بالبرودة وعدم تجمده بسهولة..

**wisambasha** · 30-12-2009 09:12 AM

متاااااااااااااااابع

**KSA2011** · 30-12-2009 11:08 AM

مكتوب فى كتالوج الانترا
مزيج مضاد التجمد مع الماء ( سائل تبريد به قاعدة ايثيلين جليكول لخاصه بالادياتير الالومنيوم )
مش قايل 5 او 10 او اى نسب
يبقى النظام ايه ؟

**KSA2011** · 30-12-2009 11:09 AM

كتوب فى كتالوج الانترا
مزيج مضاد التجمد مع الماء ( سائل تبريد به قاعدة ايثيلين جليكول لخاصه بالادياتير الالومنيوم )
مش قايل 5 او 10 او اى نسب
يبقى النظام ايه ؟ ؟

**reamoz** · 30-12-2009 12:50 PM

انا بحط مياه من الفلتر أو من اللي بتنقط من خرطوم التكييف (تعبر مقطرة برده) وبزود عليها العلبة اللي زي abro أو stop اللي بيكون فيها إثيلين جيليكول ونسبة من مضاض للصدأ بس ماكنتش باخد بالي من موضوع الأملاح ده وعموما هو وظيفة الإيثيلين جليكول إنه بيقلل درجة التجمد وبيزود درجة الغليان بس لازم يكون بنسب عالية يعني مش 5% وكدة
ده جدول لبيان درجة التجمد والغليان لنسب تركيز مختلفة
نسبة التركيز درجة التجمد درجة الغليان
10% -4 102
20% -7 102
30% -15 104
40% -23 104
50% -34 107
60% -48 110
70% -51 116
80% -45 124
90% -29 140
100% -12 197

والمعلومة الأهم إنه سام يعني نخلي بالنا واللي يستعملة يغسل إيدة كويس ويتشال في مكان بعيد عن متناول الأطفال لأنة كمان طعمة حلو

**misoalex** · 30-12-2009 05:03 PM

الفلتر أو من اللي بتنقط من خرطوم التكييف (تعبر مقطرة برده)

يعنى ايه

**original** · 30-12-2009 06:21 PM

المشاركة الأصلية كتبت بواسطة reamoz

انا بحط مياه من الفلتر أو من اللي بتنقط من خرطوم التكييف (تعبر مقطرة برده)

بتحليل مياه التكييف طلعت 80ppm أملاح مش عارف يمكن الموضوع له علاقة بأملاح فى الجو!!؟
هيا المقطرة مش بتضر وبعدين فيه ناس كتير بتستعمل مياه من الحنفية فقط وإيه النتيجة؟؟ صدأ وتلف طرمبة المياه...
أعتقد مياه مقطرة واحدها كافية لحد ما نلاقى نوع مافيهوش أملاح..