مشكله في لانسر 99 كرستال الموتور وهوا بارد يخنق وتحس ان السياره في حد مسكها فجئه

**zoro007** · 14-01-2010 07:19 PM

طبعا شيء طبيعي بس ده مالوش علاقه بالسحب
كل الفكره ان و العربيه بارده بيكون الار بي ام عالي
يعني كأنك دايس بنزين بالظبط ولما تسخن ترجع لوضعها الطبيعي
علشان كده وهي لسه بتسخن بيكون كأنك دايس سنه بنزين وده اللي بيخلي العربيه تمشي لوحدها

وبالنسبه لعداد الحراره هو فعلا مابيوصلش للنص
هو بيكون قبل النص بحاجه بسيطه كده

بس ياباشا دا عكس كلامكم للراجل اللى سال لما قال انها مخنوقه وهيه لسه بارده

دا رد الأخ bmya

العربيه وهي بارده لازم تكون كده واصلا المفروض تسيبها تسخن ما ينفعش تدور وتمشي على طول كده
طالما انها بتتظبط بعد ما تسخن يبقى مفيش مشكله

ودا رد حضرتك تأكيد على كلام الاخ bmya

تمام كده
بس لو بتفضل مخنوقه بعد ما تسخن يبقي ده حوار تاني

انا عندى العكس العربيه وهيه بارده بتبقى اسرع كتير زى مبقولك وبيبقى تجميعها فى النقلات اسرع بتوصل للحد الاقصى للنقله بسرعه عكس لما تكون سخنه والاحساس دا انا متأكد منه وحسبته بالوقت

الحاجه الوحيده اللى بتضايقنى وهيه بارده صوت السخان بيبقى عالى وبيهدى لما يوصل المؤشر الحراره عند الربع تقريبا

وفعلا وهيه بارده الار بى ام بيكون عند ال 2 وهيه سخنه بيكون عند 1 فتفسيرك اكيد صحيح ومقنع فى موضوع انها تمشى لوحدها

**bmya** · 14-01-2010 08:11 PM

استاذ زورو انت قصدك
ان العربيه بعد فتره من المشي بها وطبعا بتكون سخنت بيكون سحبها اقل
ده طبيعي برده والدليل على كده انك في الشتاء او والجو برد هتلاقي العربيه سحبها احسن وتجميعها اسرع من الصيف او الحر

**HeMa_LanCeR** · 15-01-2010 01:28 AM

المشاركة الأصلية كتبت بواسطة Honda_lover

الكلام ده غير صحيح
الطبيعي العربية وهي باردة ادائها احسن

الكلام ده صحيح بناء علي حاله الاستاذ مش بناء علمي
يعني انا لما بقوله التفسير قولت علشان العربيه بتكون عاليه
وماقولتش وهي سخنه احسن من وهي بارده
لو هنتكلم علمي
شيء طبيعي وهي بارده هتكون احسن من وهي سخنه واكتر سبب لكده ان الهواء البارد بيكون فيه نسبه الاكسجين اكتر من الهواء الساخن وبالتالي نسبه الحريق هتكون احسن بكتير
احنا بنعرض حاله خاصه بعربيه معينه مش بنقول فكره عامه

**zoro007** · 15-01-2010 11:46 AM

طيب ياشباب دلوقتى الكلام اللى قلتوه فى الاول عكس الكلام اللى بتقلوه دلوقتى

يعنى الراجل اللى عمل الموضوع دا عنده مشكله ولا معندوش وانا عندى مشكله ولا معنديش

لان كدا من كلامكم انه معندوش مشكله ولا انا عندى ودا مش معقول

لو الكلام ان العربيه وهيه بارده ادائها بيكون احسن يبقى الراجل عنده مشكله فى عربيته فعلا ولو العكس يبقى انا اللى عندى مشكله فى عربيتى لان مستحيل يكون الحال دا طبيعى لينا احنا الاتنين حيث هوه عكسى تماما

**HeMa_LanCeR** · 15-01-2010 12:18 PM

المشاركة الأصلية كتبت بواسطة zoro007

طيب ياشباب دلوقتى الكلام اللى قلتوه فى الاول عكس الكلام اللى بتقلوه دلوقتى

يعنى الراجل اللى عمل الموضوع دا عنده مشكله ولا معندوش وانا عندى مشكله ولا معنديش

لان كدا من كلامكم انه معندوش مشكله ولا انا عندى ودا مش معقول

لو الكلام ان العربيه وهيه بارده ادائها بيكون احسن يبقى الراجل عنده مشكله فى عربيته فعلا ولو العكس يبقى انا اللى عندى مشكله فى عربيتى لان مستحيل يكون الحال دا طبيعى لينا احنا الاتنين حيث هوه عكسى تماما

الراجل ده حاسس بمشكله علشان السخان مش شغال عنده
وانت مش حاسس بيها علشان السخان شغال عندك
يعني هو عنده العربيه اول ما بتدور بيكون الار بي ام اقل من واحد وهو بيحاول يمشي ويقرص عليها سنه علشان كده بيحس انها مخنوقه
لكن انت السخان رافع الار بي ام فعلشان كده مش هتحس الموضوع ده وكمان عندك بتسرع اسخن من عنده

**zoro007** · 15-01-2010 01:11 PM

الراجل ده حاسس بمشكله علشان السخان مش شغال عنده
وانت مش حاسس بيها علشان السخان شغال عندك
يعني هو عنده العربيه اول ما بتدور بيكون الار بي ام اقل من واحد وهو بيحاول يمشي ويقرص عليها سنه علشان كده بيحس انها مخنوقه
لكن انت السخان رافع الار بي ام فعلشان كده مش هتحس الموضوع ده وكمان عندك بتسرع اسخن من عنده

شكرا لردك
لكن انا لسه مشغل السخان قريب من شهر مثلا او شهر ونص تقريبا

لما كان واقف مكنتش بحس ان العربيه مخنوقه اطلاقا
كانت العربيه طبيعيه

واخر مره روحت علشن اغير البوجيهات وفلتر البنزين الميكانيكى قلى السخان واقف انا هشغلهولك افضل وشغله

فنا متأكد ان الراجل عنده مشكله فعلا فى حاجه

**HeMa_LanCeR** · 15-01-2010 02:16 PM

المشاركة الأصلية كتبت بواسطة zoro007

شكرا لردك
لكن انا لسه مشغل السخان قريب من شهر مثلا او شهر ونص تقريبا

لما كان واقف مكنتش بحس ان العربيه مخنوقه اطلاقا
كانت العربيه طبيعيه

واخر مره روحت علشن اغير البوجيهات وفلتر البنزين الميكانيكى قلى السخان واقف انا هشغلهولك افضل وشغله

فنا متأكد ان الراجل عنده مشكله فعلا فى حاجه

يعني الار بي ام قبل ما يشغل السخان كان اول ما تدور علي 8 ونص ولا كان اعلي
لأن هو ممكن يكون علي السخان مش شغله يعني ممكن يكون كان شغال بس واطي زي ما انا عامل عندي كده
وعموما مشكله الخنقه والعربيه بارده من غير سخان دي مشكله شائعه في الكريستاله

**bmya** · 15-01-2010 03:13 PM

بص ياباشا انا كان معايا الكريستاله دي لمده 9سنين او اكترمن 1999 2008
المهم انا بقول وهي بارده اداءها احسن طبعا بس كلمه بارده هنا مش قصدي بها انك اول ما تدور العربيه تطلع بها هتلاقيها طياره معاك
لكن قصدي بارده هنا دي يعني اول العربيه ما توصل لمعدل السخونه العادي بتاعها اللي هو ميشغلش المروحه فاهمني حضرتك كده هتلاقي العربيه ادائها زي ( يعني برده هنا مش بمعنى ان العربيه لسه دايره لكن قصدي انها لسه ما سخنتش سخونه زياده يعني لسه بتقول صباح الخير يارب اكون قادر اوصلك انا اقصد ايه)الفل لكن جرب تمشي بها فتره جوه البلد والمروحه تبدأ تشتغل يعني العربيه بدأت تسخن هتلاقيها اداها بدأ يقل عن الاول او لو مسافر سفر طويل في الحر هتلاقي العربيه برده اداها بيقل نتيجه ان الهواء بيكون ساخن
نيجي بقه للنقطه الاولى حضرتك العربيه عندي كانت جت في فتره كنت بدور العربيه واجيب D العربيه كانت بتجري بدون مبالغه كانت بتجيب 20 مثلا من غير مدوس بنزين خالص وكنت ببقى دايس فرامل عشان اهديها
ليه بقه لان الrpm كان بيبقى على 2 يعني عالي بسبب السخان بس السخان عندي كان عالي شويه زياده عندك برده السخان لما هيبقى شغال كويس وتدور العربيه وتطلع مش هتحتاج تدوس بنزين خالص عشان الار بي ام عالي فهي هتمشي لوحدهل لحد ما تسخن ويرجع الموتور لمعدله الطبيعي هتلاقي ننفسك عايز تدوس بنزين تاني مش كده بيحصل عند برده ولا ايه
بالنسبه للاخ صاحب الموضوع هو بيقول العربيه مخنوقه وهي بارده
في حاله ان هو يقصد ببارده انه اول ما يدور العربيه بتبقي مخنوقه (يبقي 90% السخان مش شغال عنده) وهو بيحاول يطلع بها على طول وده غلط لانك لو السخان مش شغال عندك يبقى لتدوس سنه بنزين وتفضل مثبت رجلك على البنزين بحيث ترفع الار بي ام ل1.5 مثلا لحد العربيه ما تسخن شويه (يعني محرك الحاراره يرفع سنه كده) يبقي ممكن تطلع بالعربيه عادي لحد ما تسخن للمعدل الطبيعي هتلاي العربيه تمام
او الحل التاني انك تفضل سايب العربيه تسخن براححتها يعني تدورها وتسيبها مع نفسها شويه كده لحد برده مؤشر الحراره ما يرفع شويه وتبدأ تتحرك بالعربيه
على فكره السخان عندي في الاخر كان فصل وكان نفس الكلام ده بيحصل معايا
كنت اول مادور العربيه الموتور بيبقي واطي اوي وعمال يرعش كده وكنت لو حاولت اطلع بها علي طول ممكن تبطل كمان وكنت بعمل زي مانا شرحت كده الحاله الاولى لو مستعجل كنت بعملها والحاله التانيه لو مش مستعجل بسيبها تسخن براحتها
شوف كده كلامي و اسألأ تانيي لو فيه حاجه

-

-

الموضوع: مشكله في لانسر 99 كرستال الموتور وهوا بارد يخنق وتحس ان السياره في حد مسكها فجئه

LinkBack

أدوات الموضوع

عرض

-

-

-

-

-

المواضيع المتشابهه

تقطيعه وخنقه عند الدواره وهو الموتور بارد

السير بالسيارة وحرارة الموتور على 50 بارد دة صح ؟ رأيك مطلوب ف الافتى دة

تقرير يخنق بجد !

صوت تكه فى الموتور بعد تبطيل السياره

صوت تكتكة و الموتور بارد

الكلمات الدلالية لهذا الموضوع

المفضلات

المفضلات

ضوابط المشاركة