لو عاوز نصيحتى أنا مش موافق على تعلية العربيه و لو عاوز مقاس عجل يزودلك الثبات يبقه 195/50/r15 وهو ده المقاس المكافىء ل175/70/r13 عشان قطر العجله ما يتغيرش و عداد السرعه قراياته تبقه غير صحيحه و طبعا المقاس ده مش هيختلف فى قطره عن الأصلى و مش هيعلى العربيه زياده ولكن هيبقه أعرض على الأرض و إرتفاع جنب الكاوتش هيبقه أقل بالقدر اللى يعوضه كبر الجنط ال15 عن ال13 وبس......
خلى بالك بقه من حاجه مهمه و هى إن مقاس العجل الجديد هيبقه ماسك فى الأرض أفضل بكثير و مع علو العربيه المشكله مش هتبقه فى عومان العربيه و لكن المشكله انك لو كسرت جامد و إنت ماشى بسرعه أو بتاخد غرزه العربيه مش هتعوم و لكن هتتقلب علطول بدون إنذار لاقدر الله لأن مركز ثقل العربيه مش فى مكانه المزبوط مع تصميم العربيه.
المفضلات