الموضوع: عيب يا استاذ وائل

بسم الله الرحمن الرحيم
رجعت من السويس الحمد لله منذ دقائق وكنت متلهف معرفة اخبار الانتخابات ولكن.......
يا جماعة بجد انا مش عارف اقول اية لأن الاستاذ وائل عمري متخيلت اني اقف معاه هذه الوقفة بس غصب عني لازم اكتب الكلام ده...
يا استاذ وائل عيب الكلام اللي انت قلتة ده. عيب تتهم حد بالكذب وبحاجات ثانية.
اولا يا استاذ وائل انا سني 20 عاما وحضرتك قلت انك وائق اني عندي 19 سنة من مصادر موثوق منها... اعتقد لما انت تسأل عن سني 19 ولا عشرين يبقى حضرتك مش لاقي حاجة تقولها غير انك تدور على بعض الاشياءء التافهة التي من وجهة نظرك قد تؤثر عل الانتخابات.
ثانيا انا مش مكسوف اني اقول اني رايح السويس علشان الكلية ولكن لكل من خصوصياتة فمن حقي اقول لظروف خاصة ومش مطلوب مني اني اقدم لحضرتك جدول وبرنامج بمواعيدي....
ثالثا انا مش مكسوف اني اقول اني في هندسة بترول وتعدين السويس لأنها مش معهد يا استاذ وائل. ومش ذنبي جهل حضرتك بالكليات في مصر... الحمد لله رب العالمين الكلية دي الاولى في مصر وتعلوا هندسة وطب وصيدلة واذا كنت مش مصدقني يمكن انك تسأل حد عارف يعني اية بترول وتعدين.....
رابعا: انا امتلك سيارة اسبيرانزا a516 وهي باسم والدي وانا مش محتاج اعرف اني لست من حقي امتلاك سيارة لأن والدي مستشار واعتقد هو ادرى بمثل هذه الاشياء.
خامسا اعتدت في الكلية او اي مكان ان يقال لي يا بشمهندس وانا افخر بهذا الاسم ولذلك اكتبة في كل مقالاتي وعلى فكرة دي ثالث سنة لي في الكلية وباقي عامين.
سادسا بالنسبة لموضوع التأمين فانا لم افتخر بيه انا قلت ان دي خدمة للاعضاء فقط لا غير ولما انت قلت انه حرام انا قلت اني مفكرتش فيه بالطريقة دي واني هعيد التفكير ولم اجزم انه حرام.
عيب يا استاذ وائل
-عيب تتهم حد انه كذاب وانت لا تعلم الحقيقة الاكيدة.
-عيب تتخذ حيل رخيصة للفوز بهذه الانتخابات.
-عيب لما تحاول تكسب الانتخابات لمجرد سن منافسك.
-عيب انك تعمل كل ده في الشخص اللي دعاك لدخول المنتدى مع اخويا جنيدي وبعثت لك ايميلين دعوتك للانضمام الى المنتدى وسألت اذا كنت زعلان من حاجة نقدر نعالجها مع بعض وفي الاخر تعمل فيا انا كده...تخيل لية انا عملت كده ( رد على نفسك السؤال ده وهتعرف انك غلطان)
-عيب لما تحاول كسب الانتخابات بمحاولة احباط او ضعف الخصم.... لأ يا استاذ وائل قوي نفسك واثبت انك الاجدر بيها.
-وعيب لما الكلام ده يقلهولك واحد اصغر منك بحوالي 17 او 18 سنة.
-عيب وعيب وعيب وعيب حاجات كتير اوي لم اتوقعها منك انت بالذات يا استاذ وائل... من فضلك راجع نفسك في اللي انته عملتة.
لو اعلم ان مثل هذه الانتخابات سوف تغير من وجهة نظري او رأيي في بعض الاشخاص لما خضتها.....
رسالة الى اعضاء الرابطة: يا جماعة والله العظيم انا مقلتش انتخبوني ولا انتخبوا الاستاذ وائل انا برجو كل عضو ان ينتخب الافضل ارجعو لكونتكت او nile motors شوفوا مين كان لية دور اكبر شوفوا مين نشاطة اكبر شوف مين حاول يساعدك في يوم من الايام وانتخبة.
رسالة الى الادارة: انا مش عارف الانتخابات اتأخرت لية في بدأها بلا اي داعي؟
اعتقد اي تأخير تاني ملوش اي لزمة.الاستاذ وائل قال كل الكلام اللي عنده وانا قلت كل الكلام اللي عندي يعني التأخير اعتقد ان ليس له مبرر. واسمحولي اسفا في حالة عدم بدأ التصويت غدا اعتبروني منسحب رسميا من الترشيح لأن كده الموضوع ممكن يدخل فيه مجاملات ومحاولة من اشخص اثبات الذات في وقت قصير. اعتقد ان اللي انا بطلبة ده حق من حقوقي ولم اتعدى على احد...
يا استاذ وائل مش عيب ان الواحد لما يغلط يقول انا غلط لكن العيب ان الواحد يحاول الفوز عن طريق هذه الاساليب.. ولو انت مش شايف نفسك غلط يمكن اكون انا اللي غلط... خلي صوتك عال في خدمة العضاء مش في الصراع مع المنافس.
انا مش فاهم انت بتعمل كده لية وبتحاول تطلع اي صغرة لية يا سيدي اذا كنت احق بي من هذا المنصب يا رب تفوز والله من قلبي انا بحلف.
الموضوع ابسط من كده بكتير المفروض ان الاعضاء تقول هية عايزة مين انما تدور ليا على صغرات اعتقد انك اكبر من كده...
نصيحة قالها لي والدي: الانسان مش بالسن, الانسان باحترام الناس لية وبفكرة وثقافتة, ياما فيه ناس كبار بس عقلهم صغير جدا جدا جدا والعكس....
اخيرا يا جماعة اذا كان الموضوع سيتحول الى صراع فلا داعي لكل هذا فيكفي معرفة اعضاء محترمين اكتسبت ثقتهم بي واستفدت منهم وحاولت افادتهم...
اعتزر عن عدم الرد على اي مداخله او رد حتى انتهاء الانتخابات.... ويكفيني متابعة الاخبار تليفونيا مع بعض الاعضاء المقربين لي حتى لا يتملك مني الاستفزاز المستمر...
وانا تحت امركم في اي استفسار على ايميلي aamerbebo@hotmail.com
شكرا
اسبيرانزاوي رقم 1
م/آمر يحيى

المشاركة الأصلية كتبت بواسطة aamerbebo

رسالة الى الادارة: انا مش عارف الانتخابات اتأخرت لية في بدأها بلا اي داعي؟
اعتقد اي تأخير تاني ملوش اي لزمة.الاستاذ وائل قال كل الكلام اللي عنده وانا قلت كل الكلام اللي عندي يعني التأخير اعتقد ان ليس له مبرر.
م/آمر يحيى

الزميل "آمر يحيى" تحيه وتقدير لك ولكل من يريد أن يخدم الناس

الأنتظار كان فقط من أجل حضورك العمليه الانتخابيه والأن قد بدأت الأنتخابات لذا نرجو توقف الحديث عن أي شيء يخص المرشحين

وشكرا لك وللمرشحين والأعضاء على ألتزامهم ورحهم الطيبه

المشاركة الأصلية كتبت بواسطة محمد المرسي

على ما أعتقد أن المسائل خرجت عن نطاقها الطبيعي لأنه المفروض أن يكون عمل هذه الرابطة حماية بعضها البعض وليست لتراشق الأتهامات ..

فى الحقيقة إذا أستمر هذا الوضع الذى لا أحبه أن يكون بيننا فأننى سانسحب من الرابطة بلا آسف ..

رجاء إلى إدارة المنتدى وخاصة الأستاذ /هانى بايو من فضلكم التدخل لحل هذا الموضوع بين الأستاذ / وائل والأستاذ / آمر ...

حتى لو كان هذا التدخل بألغاء الرابطة من المنتدى والأكتفاء بخدمات المنتدى لجميع أعضاءه سواء كانوا مالكين الأسبرانزا أو أى ماركة آخرى ..

العضو النشيط "محمد المرسي" تحية وتقدير لأرائك ونشاطك الملحوظ

أريد أن أوضح أن الحماس أحيانا يجرف البعض لما هو أبعد قليلا عن الهدف

لذلك سوف يتم غلق باب النقاش من المرشحين في ما يخص العمليه الأنتخابيه لحين أنتهاء الأنتخابات

وشكرا للجميع على حسن التزامهم