لا احلى ولا اروع من مرور العجوزة

**Hacker5** · 04-12-2007 10:07 AM

يوم السبت الساعة 9 صباحا توجهت انا و ابن عمتى الى مرور العجوزة لاستخراج رخصة قيادة خاصة له
و كان معانا جواب من رئيس مرور بين الصريات الى رئيس مرور العجوزة
و لما وصلنا المرور كان لسة الجو هادى و مافيش غير كام واحد فى المرور المهم روحنا اشترينا دوسيه و دخلنا لواحد معرفة جوا و خدنا الورقة بتاعت امتحان الاشارات و دخلنا لرئيس الوحدة و طلع راجل زوق جدا و بيحب يخدم يعنى المهم خد الورقة و دبس الصورة و راح خاتم على الورقة بالختم بتاعه و بعدين قالنا روح سلمها فى للعسكرى اللى واقف على باب الاشارات
و لما الساعة قاربت على العاشرة ابتدوا الشغل و قعدوا يندهو على الاسامى و كل اللى يدخل يمتحن الاشارات يخرج معيط و بيضرب كف على كف (دى اخرت اللى مايجبش واسطة )
و على 10:30 ندهو على ابن عمتى و دخل و بعد مرور 20 ثانية تقريبا لقيته خرج مبتسم و قالى الحمد لله ممتحنتش و الظابط خلانى امضى على الورقة و قالى اطلع برة عند الظابط معتز عشان يمتحنك
و روخنا بقى للظابط و قولناله احنا تبع عادل بية البنا رئيس الوحدة قالنا مافيش مشاكل بس تعالو بعد ساعة و نص و معاكو عربية ملاكى عشان فى مدرسة بتمتحن مكونة تقريبا من 18 شخص و كلهم شباب يتاوح سنهم بين 18 و 20
سيبت العربية جوا المرور و خرجنا برة عشان نفطر و نشربلنا حاجة و بعد 45 دقيقة رجعنا المرور و روحنا وقفنا عند منطقة الامتحان لقيت الظابط بيقولى طب هات قريبك و خليه يطلع بالعربية برا المرور
(حاجة سهلة اوى ) ههههه
روحت رايح مطلعها بين العربيات و جبتاهالة قدام الظابط و روحت نازل و ركب هوا و خرج بيها برا المرور يعنى مافيش 7 متر اتجاه امامى و بعدين خد يمينة عشان يطلع برا المرور و قاله بس يالا خد الورقة وروح خد رقم رخصة من شباك 8 اعتقد و بعدين اتصور و الحمدلله بعد نص ساعة كنا واخدين الرخصة و ماشين
اللى عاجبنى فى المرور دة ايه بقى؟
كل حاجة ماشية بنظام زاى ماشوفنا هههههههه
لوح جاهزة للسيارات الزيرو و سرعة التركيب و سرعة انتهاء الاجرائات
الموظفين و الظباط هناك فى منتهى الزوق
و يا بخت اللى المرور بتاعه العجوزة و انا الحمد لله واحد منهم لانى شوفت كذا مرور و العياذ بالله حاجة زاى الزفت و عقبال كل الوحدات اللى فى مصر
معلش وجعتلكو دمغكوا
سلام

**Shocky** · 04-12-2007 10:32 AM

ماشاء الله , إية السهولة دى ؟؟

اللى اسهل من كدة كمان مرور السلام :)
اسم على مسمى فهو رمز للسلام D:

**TAG_Turbo0** · 04-12-2007 10:51 AM

أية الحلاوه دى

**HESHAM AMIN** · 04-12-2007 11:04 AM

مبروك عليك الكوسة اصدى الرخصة

**الريس** · 04-12-2007 11:16 AM

مبروك بس المهم يكون قريبك بيعرف يسوق بجد

**oshy** · 04-12-2007 12:30 PM

أنا تبع مرور العجوزه و اما روحت أطلع الرخصه عملت نفس اللى قريبك عمله باختلاف بسيط انى نجحت فى اختبار الاشارات 100 % يعنى جاوبت على ال 12 سؤال كلهم صح و اما جه يختبرنى خلانى ادخله بالعربيه لحد الكرسى بتاعه و بعدين قاللى خلاص نجحت ارجع تانى لانه حس انى بسوق من زمان و يوميها خدت الرخصه و أنا ماشى سعيد جدا باللى حصل و انى بقه معايا رخصه

**meza** · 04-12-2007 02:16 PM

يا سلام على الكوسة
بجد أنا بحبها خصوصاً بالتقلية :d

**محمد المشد** · 04-12-2007 02:24 PM

والله ان كان قريبك اخذ الرخصة عن حق وبيعرف يسوق كان بها ولا مانع من الواسطة اللى تخلص الورق بسرعة ، ولكن المصيبة اذا كان قريبك مبيعرفش يسوق !!! هى ديت المصيبة والداهية الكبرى !! فأستلام الرخصة بالشكل دة يظهر ان هناك خلل لابد من اصلاحة بأدارات المرور بمصر
وكل ما اتمناة إلا يقترب قريبك من قيادة اى سيارة إلا بعد ان يكون على مستوى قيادة جيد حتى لاتقع اى اضرار يصاب بها الاخرين من جراء الرخصة اللى بواسطة ان كانت !