الموضوع: البنات و الكمبيوتر ( موضوع كوميدي )

المشاركة الأصلية كتبت بواسطة R A N A

واضح انكوا مش عاوزني اسكت ومصرّين تخلوني اتكلم
بس افتكروا انكم انتو اللي طلبتوا ردي شخصياً وبالاسم كمان
واعذروني لإني مكنتش فاضية اليومين اللي فاتو ولسة شايفة الردود الجديدة حالاً
عموما انا هارد وامري لله

وعلى فكرة مش سؤال وللا اتنين يمكن الحصول على اجاباتهم من على النت بمنتهى السهولة هما اللى هيخلو اي رجل يحكم على ان البنات بتفهم او مبتفهمش لأنه فى البداية يجب على من يتصدى للحكم على شئ ان يرى فى نفسه ويثبت للآخرين انه قادر على الحكم على هذا الشئ، لكن ان يفترض هذا او ذاك ان من صلاحياته او من حقه ان يصدر احكاما فتلك مسألة تدخل بنا فى اطار العشوائية
من اراد ان يحكم على شئ عليه ان يثبت اولاً انه صالح لأن يحكم عليه

وبالنسبة للسؤال الأول بتاع العربية ال فيها اعلى معدل تسارع

فبغض النظر عن نوعية اسرع سيارة فى العالم واللي ممكن تكون بوجاتى فيرون او كونيج سيج او اى شئ وهى معلومة مش هاتفيد حد وتقل كثيرا فى اهميتها عن اجادة الاسعافات الأولية (على سبيل المثال) اللى انا بتحدي اي حد يعرف عنها حاجة (لو ماكنتش دراسته طبية) ، فياريت تتفرجوا على الفيديو ده علشان تعرفوا ان السيدات يقدن اسرع سيارات العالم - سيارات الدراج ريس الصاروخية، يعنى مش بس نعرف ايه اسرع سيارات فى العالم، لأ بنسوقها كمان

عقبالكم كدة ان شاء الله

وادى لينك الفيديو
http://www.youtube.com/watch?v=IgEn0_HlZLc


وعموما دي اجابة السؤال برده
السيارة هي بوجاتي فيرون 16.4
صاحبة معدل تسارع من 0-100 خلال 2.5 ثانية ودي مواصفاتها
سعة محرك الفيرون 8000 سى سى 16 سلندر مرتبة فى صفين كل منهم 8 سلندر كل سلندر له 4 صبابات بمجموع 64 صباب المحرك يعمل ب4 عمود كامة و 4 تيربو تشارجر سعة المحرك بدقة هى 7993 سى سى قطر البستم الواحد 86 مللى متر مشوار البستم 86 مللى متر نظام نقل الحركة نظام ثنائى الكلاتش بتحكم اوتوماتيكى ، وسبع نقلات زمن الغيار اقل من 150 مللى ثانية

وزن السيارة 2034 كيلوجرام قدرة المحرك 1000 حصان طول قاعدة عجلات السيارة 2710 مللى طول السيارة الكلى 4462 مللى عرض السيارة 1998 مللى ، ارتفاع السيارة 1204 مللى ، السيارة بها عدد 4 ردياتير للمحرك انتركوولر(ردياتير لتبريد هواء التيربو لتحسين الاحتراق(عدد1) 2 سربنتينة تبريد للتكييف 1 ردياتير لزيت الفتيس 1- ردياتير لزيت الكورونة 1- ردياتير لتبريد زيت المحرك بمجموع 10 ردياتير ، سرعتها القصوى 407 كم فى الساعة وعلى هذه السرعة لا تتحمل اطارات السيارة اكثر من ربع ساعة لكن لا مشكلة هناك لأنه اصلا على هذه السرعة ينفذ الوقود بعد 12 دقيقة

سعرها حوالي 890 ألف جنيه إسترليني


الشركة المصنعة للمحرك هي فولكسفاجن (فولكس واجن الألمانية)
اما الشركة المصنعة للسيارة ككل هي شركة بوجاتى اوتوموبيل إس إيه إس(Bugatti Automobiles SAS) (تملكها فولكس فاجن) لكنها شركة مستقلة وتقع فى مدينة مولسهايم بمنطقة الإلزاس بفرنسا


بس في مفاجأة سيئة
اما المفاجأة السيئة فهى إن البوجاتى فيرون رغم كل المواصفات بتاعتها ليست اسرع سيارة فى العالم
حيث كانت بوجاتي فيرون اسرع سيارة فى العالم لعام 2006 و 2007 بتسارع قدره 2.5 ثانية من صفر الى 60 ميل(100كم) وسرعة قصوى 407 كم/ساعة

لكن في (22مارس 2007) استطاعت السيارة إس سى سى إيرو ان تحقق رقم من صفر الى 100 كم /س فى وقت يقل قليلا عن 2.5 ثانية وسرعة قصوى قدرها 408 كم/س

ورغم ذلك فالموقع الرسمى للسيارة يقول انها اسرع سيارة حتى الآن مع ان السيارة الأمريكية إس سى سى إيرو كسرت رقمها بحيز ضئيل فى 22 مارس 2007
اما عن مواصفات السيارة فهي كالاتي:
العربية 6350 سى سى
1183 حصان
محرك الومنيوم
عدد 2 شاحن تربينى ( 2 تيربو يعنى)
وزنها 1300 كيلوجرام
تتميز بأمكانية ظبط ضغط الخروج للشاحن التوربينى بواسطة سائق السيارة

المحرك 8 سلندر من انتاج شيفرولية (جنرال موتورز)
اما الشركة المصنعة للسيارة ككل هي شركة شيلبي سوبر كار SSC

سعرها حوالي 670.000 دولار



اما بالنسبة لموضوع الكورة، والسؤال الثاني بتاع كام فريق خد الدورى في مصر

فهل ادراك كم فريق من المكسحين اخذ دورى المعاقين ذهنيا المصرى هو الأمر الذى يحكم على كون البنت بتفهم وللا لأ، طب انا اعرف رجال كثيرين جدا على هذا المنتدى ومن خارجه لا يعرفون هذه المعلومة ولا يهتمون بها اصلا ولو تحب استشهدلك بيهم معنديش اي مانع فهل معنى ذلك انهم اغبياء ؟

وعلى فكرة هما 7 فرق حصلوا على الدوري ده من بداية الدوري في مصر من سنة 1948 لو تحب تعرف هما مين وحصلوا عليه كام مرة معنديش مانع
بالنسبة لسؤال الكمبيوتر العبقري (3-الرامة بتعمل ايه)

مبدئياً هي مكتوبة غلط
وعلى فكرة اسمها (RAM) بالعربي رام وليست رامة

وعموماً الاجابة اهي برده

كلمة RAM هي اختصار لـ
Random Access Memory وتعني بالعربية ذاكرة الوصول العشوائي وهي تحتفظ بالمعلومات والبيانات اثناء عمل الكمبيوتر وتتم مسحها عند اطفاء الجهاز

أما عن وظيفة الرام فهي بإختصار تقوم بحفظ البيانات والملفات اثناء تشغيل الكمبيوتر لحين حفظها في الـ ROM

وختاماً احب اضيف معلومة

للاسف ان طبيعة المجتمع بتاعتنا خلت اى شاب لما بيفكر يتجوز مش بيقبل يتجوز بواحدة ذكية او ناضجة علشان دايما يحس بالفوقية والسيطرة عليها
فالبنات علشان يرضوا فيهم حتة الغرور العبيطة دى بيعملوا عبط علشان يحصلوا على حقهم الطبيعى فى الحياه بالزواج
لكن اللى فيهم يقدر يطلع على احداث اى قعدة بنات مافيهاش ولاد هتصعب عليه نفسة لما يشوف ان كمية العبط اللى انتم بتشوفوها دى كلها مدبرة وان العبيط الحقيقى هو........ ولا بلاش اقول
عشان بس متقولوش اننا مالناش بس غير في

وزي ماقلت قبل كدة اننا مختلفين (ذكور وإناث) عشان نكمل بعض مش عشان نحارب في بعض وندخل مع بعض في منافسات ونشوف مين فينا الأقوى في العقل والذكاء والقوى العضلية ومش عشان نقعد نعاير بعض بنواقصنا اناث وذكور

المشاركة الأصلية كتبت بواسطة R A N A

:POINTI~2[2]::POINTI~2[2]::POINTI~2[2]::POINTI~2[2]:
كنت متوقعة الأجابة دي برده
طب افتح اللينك ده وبعدين نتكلم
http://www.....bysupercars.com/downl...ertificate.pdf

ودي شهادة رسمية من جينيس ريكورد ان السيارة التميت ايرو هي اسرع سيارة في العالم اظن مفيش احسن من كدة بقي




وماله مش عيب
سواء اني طلعت الكتاب او جبتها من على النت او من مجلة او من اي مصدر ايا كان فأعتقد ان ده لاينقص من قدري اي شئ لإن دي معلومات عامة يعني اكيد حضرتك بتحصل على معلوماتك من نفس المصادر ومتهيألي انك مش صديق مقرب لصاحب الشركة المصنعة للسيارة بوجاتي وعرفت من خلاله المعلومة دي وبرده معتقدش ابداً انك على معرفة ولو سطحية بالسائق اللي احرز بيها الرقم القياسي في الوقت ده وحصلت على معلومتك دي من خلاله برده ولا إيه؟


في مقولة بتعجبني اوي وفيها رد شافي لتعليقك ده
"من ظن نفسه بلا عيب حوى في ذاته سائر العيوب"
وبرده معتقدش ان في اتنين ممكن يختلفوا على إن " الكمال لله وحده"

اولا بالنسبة للسرعة اللينك مبيفتحش
ولازم تاخدي بالك اني مقولتش ان هي اسرع عربية
البوجاتي تاني اسرع عربية في العالم بس اعلى معدل تسارع في العالم الفرق كبير بين اسرع واعلى معدل تسارع لان اسرع دي ال هي السرعة القسوة

المشاركة الأصلية كتبت بواسطة نور القمر

بالظبط زي الرجالة ملهمش في المطبخ والطبيخ
هيجي واحد دلوقتي يقولي معظم الطباخين واشهر الشيفات رجال ماعلينا
بس كل واحد عنده معلومات على حسب اهتمامته الشخصية او حسب دراسته
عشان كدة نادر لما تلاقي بنت بتفهم في الكورة
ولو سألناكم سؤال بسيط في المطبخ هتغرقوا في شبر ميه
خلينا ساكتين احسن

رنا ........... دايما رافعه راسنا وكايدة الاعادي

المطبخ دا لعبتي
بالذات الشاي او النسكافيه

المشاركة الأصلية كتبت بواسطة sab3aawy

برافو رنا ، هو ده العهد بيكى ، ارفع القبعة احتراما،

وحقيقى بستغرب على اللى بيسأل مجموعة اسئلة وبعد ما يحصل على اجابتها الشافية الوافية يقول جوجل ترانسليتور وكوبى وبيست، يعنى هى لو مجاوبتش على مجموعة الأسئلة العقيمة دى تبقى بنت ساذجة ومبتفهمش، لو جاوبت تبقى جوجل ترانسليتور وكوبى بيست؟ طب هو ايه المطلوب منها بالضبط؟ مطلوب منها تثبت لكم انكم صح وهى غلط علشان تكون بنت مهذبة وأخلاق يعنى وللا ايه؟

ربنا يبارك لك يا بنتى ويبارك لكل البنات اللى زيك

بالمناسبة : انا معرفش كام فريق خد الدورى المصرى، ومع ذلك لو حد جرؤ على اتهامى بالغباء او الجهل بسبب عدم معرفتى بهذة المعلومة القيمة العظيمة اعتقد اللى هيحصل بيننى وبينه ببسبب هذا الاتهام هينتهى فىالسجن او المشرحة

حضرتك مش انا ال قولت ان هي جابت الاجابات من جوجل
انا كل ال قولته ان هي طلعت الكتاب
ولو قريت الموضوع من اوله لاخره مفيهوش اتهام واحد للبنات بالغباء
ممكن الجهل شوية بس مفيش غباء دا خالص
وبالنسبة للاسئلة فهي في مستوى الطالب المتوسط مع وجود اسئلة توضح الفارق بين الطالب العادي والمتميز
شغل الوزراة بقى

المشاركة الأصلية كتبت بواسطة ashouhdy

يا رنا فى اية بس مانا بعمل كوبى و بيست و ترانسليتور و كل الناس بتعمل كوبى و بيست مالك ذعلتى اوى لية الموضوع كلة هذار فى هذار دة بالعكس انا مش حيكون عندى طيقان حتى اعمل كوبى و بيست لكل اللى انتى عملتية دة ههههههههههههههههههههههههه

وربنا معاكى و تخلصى شغلك بسرعة و انتى مبسوطة

لا لا انا مزعلتش خالص بالعكس حطيت سمايليز عشان الرد ميظهرش حاد وحد يفتكر اني زعلت ولا حاجة
وانا عارفة ان الموضوع من البداية هزار في هزار وضحكت جدا جدا على اصل الموضوع لإني عارفة انه مجرد كوميديا ساخرة ليس الا
لكن لما لاقيت الردود الجميلة بتاعة الناس اللي ماصدقت تشتم في البنات وتتهمهم بأقذع الصفات وبإننا مخلوقات غبية خلقنا بس عشان ناكل ونشرب وننام اضطريت اتدخل واقول ردودي دي رغم اني كنت مصرة احتفظ بيها لكن اعمل ايه هما اللي نكشوني وكان لازم ارد بقي .
وعموما ميرسي على دعوتك ليا ولو ان ال Task بتاعة العقد دي تقيلة على قلبي اوي بس اعمل ايه مديري ومهندس زميلي في المكتب (مع انها المفروض وظيفته بحكم انه المساعد الفني للمدير العام ومهندس وعلى دراية بالتعاقدات الهندسية وانا المساعد الاداري للمدير العام و مش مهندسة يعني ) لكنهم مدبسيني فيها عشان معندهمش حد غيري يقوم بيها

المشاركة الأصلية كتبت بواسطة sab3aawy

برافو رنا ، هو ده العهد بيكى ، ارفع القبعة احتراما،

وحقيقى بستغرب على اللى بيسأل مجموعة اسئلة وبعد ما يحصل على اجابتها الشافية الوافية يقول جوجل ترانسليتور وكوبى وبيست، يعنى هى لو مجاوبتش على مجموعة الأسئلة العقيمة دى تبقى بنت ساذجة ومبتفهمش، لو جاوبت تبقى جوجل ترانسليتور وكوبى بيست؟ طب هو ايه المطلوب منها بالضبط؟ مطلوب منها تثبت لكم انكم صح وهى غلط علشان تكون بنت مهذبة وأخلاق يعنى وللا ايه؟

ربنا يبارك لك يا بنتى ويبارك لكل البنات اللى زيك

بالمناسبة : انا معرفش كام فريق خد الدورى المصرى، ومع ذلك لو حد جرؤ على اتهامى بالغباء او الجهل بسبب عدم معرفتى بهذة المعلومة القيمة العظيمة اعتقد اللى هيحصل بيننى وبينه ببسبب هذا الاتهام هينتهى فىالسجن او المشرحة

انا مبسوطة جداً ان حضرتك رديت على مشاركتي رغم الظروف اللي حضرتك بتمر بيها حالياً
حمد الله على السلامة يابشمهندس
وبجد دي شهادة اعتز بيها جداً من حضرتك
ومعلوماتي دي ماتجيش حاجة في معلومات حضرتك ده من بعض ماعندكم يافندم

المشاركة الأصلية كتبت بواسطة aly_hosny

اولا بالنسبة للسرعة اللينك مبيفتحش
ولازم تاخدي بالك اني مقولتش ان هي اسرع عربية
البوجاتي تاني اسرع عربية في العالم بس اعلى معدل تسارع في العالم الفرق كبير بين اسرع واعلى معدل تسارع لان اسرع دي ال هي السرعة القسوة

انا عارفة ان معدل التسارع حاجة والسرعة حاجة تانية وذكرت في مشاركتي ان السيارة ايرو وصلت لمعدل تسارع من صفر ل 100 في زمن اقل من 2.5 ثانية بقليل (يعني ضربت الرقم القياسي اللي حققته البوجاتي وادخل على مواقع السيارات واتأكد بنفسك) البوجاتي حصلت على الرقم القياسي لعامي 2006 و 2007 لكن الايرو كسرته في عام 2007 تحديداً في 22 مارس 2007 الظاهر انك مبتقراش الرد كله

بالنسبة للينك الظاهر ان فيه مشكلة بس هو المفروض بيفتح فايل PDF في شهادة رسمية من جينيس ريكور بتأيد الكلام اللي بقوله عموما اللينك الصحيح موجود على جهازي في الشغل لما اروح هابعتلك اللينك السليم.

المشاركة الأصلية كتبت بواسطة aly_hosny

حضرتك مش انا ال قولت ان هي جابت الاجابات من جوجل
انا كل ال قولته ان هي طلعت الكتاب
ولو قريت الموضوع من اوله لاخره مفيهوش اتهام واحد للبنات بالغباء
ممكن الجهل شوية بس مفيش غباء دا خالص
وبالنسبة للاسئلة فهي في مستوى الطالب المتوسط مع وجود اسئلة توضح الفارق بين الطالب العادي والمتميز
شغل الوزراة بقى

حضرتك راجع الردود كويس وشوف كمية الصفات من حماقة وغباء وسوء تصرف وفهم بطئ اللي حضرتك والأخوة الأعضاء وصفتونا بيها وحتى صفة الجهل ليست وسام شرف يعني فعشان كدة كان لازم نرد عليها وننفي وجودها وتعميمها على كل البنات.

المشاركة الأصلية كتبت بواسطة A.Saad

رنا
ردك ده مش حلو
كن اللى فيهم يقدر يطلع على احداث اى قعدة بنات مافيهاش ولاد هتصعب عليه نفسة لما يشوف ان كمية العبط اللى انتم بتشوفوها دى كلها مدبرة وان العبيط الحقيقى هو........ ولا بلاش اقول

لكن ده حلو وزي ماقلت قبل كدة اننا مختلفين (ذكور وإناث) عشان نكمل بعض مش عشان نحارب في بعض وندخل مع بعض في منافسات ونشوف مين فينا الأقوى في العقل والذكاء والقوى العضلية ومش عشان نقعد نعاير بعض بنواقصنا اناث وذكور

الرد اللي مش حلو ده عذراً كان رداً على الردود السيئة اللي شوفتها في الموضوع

بعد كل الكلام ده انا عندى حاجة اقولها،

تخصصى فى الجامعة هندسة ميكانيكة و أصلاً الدفعة فيها بنت واحدة بس و فى نفس الوقت الأولى على الدفعة رغم ان طبيعة الدراسة صعبة شوية على بنت بس أربع سنين متواصلة مفيش ولد جاب اعلى منها فى اى حاجة حتى فى الأمتحانات العملية زى اللحام و الخراطة و الليزر.

فأنا شخصياً شايف أنو مهما كان نوع الانسان, لو حط حاجة فى دماغه حيتفوق فيها و أنا مثلاً ولد بس أكتر حاجة بكرهها فى الدنيا هى الكورة و اعرف بنات بتفهم فى الكورة اكتر من ولاد كتير.

الرجل و المرأة جناحا الحياة و بدون احدهما لا تستمر الحياة ، مش عارق مييت اللى قال كده بس لو مفيش حد قال كده قبلى يبقى سجل يا تاريخ

المشاركة الأصلية كتبت بواسطة aly_hosny

اولا بالنسبة للسرعة اللينك مبيفتحش
ولازم تاخدي بالك اني مقولتش ان هي اسرع عربية
البوجاتي تاني اسرع عربية في العالم بس اعلى معدل تسارع في العالم الفرق كبير بين اسرع واعلى معدل تسارع لان اسرع دي ال هي السرعة القسوة

على فكرة هي السرعة القصوى وليست القسوة