الموضوع: نصائح لشراء 128 والحصول على اداء جيد منها (من تحف سبعاوي )

اولا بالنسبة للشراء:
ال128 مثلها مثل ايه سيارة اخرى، لها معايير ثابتة للشراء مستعملة
اولا : لا تشترى سيارة ضاربة فيها البارومة فعلاجها سيكلفك الكثي ولن يعود بالسيارة الى حالتها الأصلية
ثانيا: لا تشترى سيارة عاملة حوادث، ويفضل تماما انها متكونش راششة دواخل، والفيصل فى هذا ان سمكرى خبير يشوفها او ترفعها فى محطة بنزين تكون ثقة فى مجال الكشف على السيارات المستعملة
ثالثا: ممكن تشترى عربية موتورها مفوت بشرط سلامة جسم وشاسية السيارة وتعمل لها عمرة، على ان ينخفض سعر السيارة عن متوسط سعر سوقها حوالى 2000 جنيه هى متوسط تكلفة العمرة ، وسيبك من فيلم "دى بس عايزالها شنبر ب500 جنيه"، مفوتة=خصم 2000 جنيه من السعر او تسيبها، والفيصل هو كشف المحطة على المحرك
ثالثا:ممكن تاخد عربية بايظة مقابل خصم 1000 جني من السعر
رابعا:ممكن تاخد عربية صالونها بايظ مقابل خصم 1000 جنيه من السعر
خامسا:حالة نضيفة بسعر عالى افضل 1000 مرة من حالة سيئة بسعر مغرى، بس بشرط تكون نضيفة فعلا مش إشتغالة

بالنسبة للاداء: الموتور ال1100 مش وحش، بس لو مظبوط على الشعرة، احسن هدية ممكن تهادى بيها موتور 128 1100 انك تجيبله كاربراتير جديد، بس طبعا بشرط ان الموتور يكون كويس وكبسه حلو،
لو عايز تصرف عندك الإقتراحات الآتية:
ممكن تغير فتيس العربية وتجيب لها فتيس ريجاتا خمس نقلات ، بيركب فى نفس مكنا فتيس ال128 ، بس لازم تغير عصاية الفتيس كمان وتجيب لها بتاعة الجراند لوكس ال1300 علشان تجيب معاك الخامس، وهتحتاج تغير ميزان العربية وتجيب لها ميزان الجراند لوكس، لأن ميزانها الاصلى بيلطش فى الفتيس ابو خمس نقلات فى المطبات

و ممكن تجيب لها كاربراتير ريجاتا او شاهين 2 باب

ممكن تجيب لها موتور 128 1300 او موتور ريجاتا او حتى موتور تيمبرا، كله بيركب عليها، بس فى حالة موتور الريجاتا او التيمبرا هاتحتاج تعمل تعديل بسيط جدا بإضافه قطعة صاج بتربط فيها شداد الموتور،

برضة من الحاجات الظريفة لل 128 انك ممكن تجيب شداد ديفرانس خلفى بتاع 131 او 132 وتخلى الحداد يتنيهولك وتعمله شداد موتور لل128 لأنه امتن من شدادها الأصلى، وخصوصا لو هتركب موتور كبير

بس نصيحتى لك، إظبط موتورها الاول وهات له كرابراتير جديد، وجربها، لو ماعجبتكش على كدة(وغالبا هاتعجبك) إبقى وسع فى المصاريف

سبعاوى