الموضوع: صور حادثة سيراتو و سأترك التفسير للمشاركين

المشاركة الأصلية كتبت بواسطة m.mostafa80

منا قلتلك يانجم فى مشاركه سابقه فى الصفحه اللى فاتت كبر دماغك وسيبك من الحوار ده من اساسه
ومسير اى حد لما يقع فى المشكله بنفسه منهم هيجرى ويقول الحقونى الوحيد اللى اتكلم فى الموضوع ده بمنتهى الموضوعيه وبناء على تجربه هو البشمهندس غازى اما الباقى كلو بيدافع وخلاص من غير ما يركز فى الكلام ولا يحاول يفهم
سؤال ايه اللى هيستفادو الأخ تولا أو غيرو فى أنو يسؤ سمعه عربيه معينه وهو لا شغال فى العربيات ولا توكيلات وكل اللى عايز يعملو انو يلفت نظر الناس ان لو فى مشكله عيب صناعه فى العربيه دى نوصلها عشان الناس حقها مايضعش بعض الناس بقى


بهيئلها عقلها ان دا حقد او غيره فانا عايز اقول ان الراجل هيغير من ايه دا ماشاء الله راكب عربيهمن العربيات المحترمه جدا ونتمنى نشوف السيراتو بعد مرور 9 ولا 10 سنين كدا هتكون بحاله عربيته دى ولا هيبقى حالها ايه

ربنا يخليك يا باشا يسلم كلامك و يهدى النفوس, و المشكلة انى قعدت أهاتى و أقول يا جماعة ربنا يحفظكم و يبارك فى عربياتكم و أنا مجرد بتكلم فى نقطة معينة و كمان ولا الهوا و يطلعوك غيران منهم, و الذيذ كنت بهزر معاهم و أقول ده عربيتى طلعة فى الصورة اهى (و مكونتش أعرف أساسا والله و أنا بصور انها طالعة) لقيت واحد طالع يقولك ده بيتنطط علينا و فرحان بعربيتو, يالا الحمد لله.

المشاركة الأصلية كتبت بواسطة great_eagle

انا احد مالكي السيراتو 2010 كويس
وبعدين صاحبها نزل و قفل الباب بس الظاهر رزعه سنه قامت حدفت شمال او يمين حسب موقع كوكب الزهرة ودخول عطارد في مجاله قام ايه المقص اتكسر ال ايه المقص اتكسر واضح
طبعا

بيعوا السيراتو وشوفوا اخوانا المشتركين الجداد الي طبعا فاهمين كل حاجه و سعاده المخبرين الجدد علي راي صديقنا في المنتدي ممكن نسال سعادتهم ايه الماركه الجديده الي تشبه ماركه الوحشه ام حدفه شمال و مقص بلاستيك - مقص الاظافر انشف من مقصها مش كده برضه- وناويين يروجوا لانتشارها نسالهم ونشتريها بدل السيراتو... بجد كلام ممل واصبح موضوع سخيف وممجوج و الكلام فيه كتر من الغير متخصصين ويمكن غير مالكي السيارات اصلا.


واسف لااطاله بس الواحد اتخنق خلاص وانا عن نفسي اتمني لما حد يشوف حادثه وطبعا السيراتو هيه بس الي بتعمل حوادث ميتعبش نفسه و يصورها انا عن نفسي واثق في سيارتي واتمني لكل مالكي السيراتو الخير والبركه

QUOTE=great_eagle;3872244113]انا مفهمتش هل التعليق الي علي كلامي معناه اني انا بشتغل في توكيل كيا؟؟
انا مفهمتش
وهل السيد الكريم الي علق علي كلامي مع رايي ولا ضده
ممكن التوضيح[/QUOTE]

يعنى حضرتك داخل عمال تتريق علينا, و بعدين تقول المشتركين الجدد لكن للأسف راجع بياناتى أو بيانات د/ عمرو أو أ/ غازى, هتلاقى حضرتك أجدد واحد فينا داخل المنتدى و أقل اشتراكات كمان.

جميل و كمان تقريبا متعبتش نفس حضرتك و قريت الردود لأ خت الموضوع و دخلت تتريق و تخبط فى الناس علطول.

و طبيعى معندكش صبر فى القراية فحتى مستوعبتش الأخوة العلقوا كانوا بيتكلموا بحيادية ولا كانو بيساندوك, عموما ربنا يباركلك فى عربيتك و يحفظك و أنا على فكرة مش النية مهاجمة السيارة خالص و لو قريت تفاصيل الردود ممكن توصل أنا قصدى كان ايه.

Quote]

المشاركة الأصلية كتبت بواسطة dr.nemo

هو انا شايف
ومش عارف ده صح ولا غلط
ان العجلة اللي قدام جنط حديد
مش الومنيوم


وده مش موجود في استبن السيراتو
علشان فيه جنط خامس للاستبن
فربما يكون الجنط مقاسه اقل من ال17 اللي راكب
في باقي العربية مما اثر على توازنها ونتج عنه الحادثة

ده رأيي المتواضع

رأى يحترم و ان كنت أعتقد ان الجنط ال 15 لا يعيب ده بالعكس يمكن بيريح العربية زيادة بس على حساب ثبات السيارة طبعا, و انا مكونتش بعترض انها عملت حادثة طبعا, لأن ده طبيعى فى أى عربية فى الدنيا, أنا كان كلامى على الاصابات ال فى العربية و خصوصا العجلة الأمامية يمين, و عموما منعا للقيل و القال مش هدخل فى تفسيرات تانى لأن الله أعلم بالحصل و شاكر لك مداخلتك.

المشاركة الأصلية كتبت بواسطة solom_eslam_2008

بصوا يشباب انا في واحد كنت عملتة صيانة في عربيتة الكيا وهيا هاي لاين وقالي علي مشكلة الحتفة قالتة مفيش مشكلة انا هغير اماكن الكاوتش وتبقي تجرب العربية وتعرفني ظبط ولا لاء المهم بعدها بكام يوم انا اتصلت بية وقالي انا بعت شكوي لشركة كيا في كوريا المهم شركة كيا اتصلت بية وقالتة انا المشكلة في الموضوع دة ان العربية وهيا متحملة في المراكب ممكن تكون مركونة بزاوية ميل يعني بأثر علي الكاوتش وقال المفروض ان الوكيل لما يستلم العربية يظبط ليها زوايا وهو دة الي الراجل قالة
وتصحيح ل الي بيقول انا العربية الاسكودا دي الماني الاسكودا ياباشا صناعة تشيكي المتور والفتيس الماني بس

الاسكودا تشكى المانى ..
كل المكونات الاساسيه من فتيس و عفشه و موتور و كل الى حواليهم المانى و عليه ختم فولكس و اودى و سيات ...
التقفيل و بعض القطع تشيكى ...
و مستوى الجوده فى فولكس فاجن جروب مش هيسمح بقنطره ماشيه بنظام خبطه و كل سنه و انت طيب ..
و انا قلت تجربتى معاها ..
و اعتقد عمرنا ما سمعنا عن اوكتافيا خدت مطب اتقلبت او المقص اتعوج او القنطره اتكسرت

المشاركة الأصلية كتبت بواسطة khaled ayman

الاسكودا تشكى المانى ..
كل المكونات الاساسيه من فتيس و عفشه و موتور و كل الى حواليهم المانى و عليه ختم فولكس و اودى و سيات ...
التقفيل و بعض القطع تشيكى ...
و مستوى الجوده فى فولكس فاجن جروب مش هيسمح بقنطره ماشيه بنظام خبطه و كل سنه و انت طيب ..
و انا قلت تجربتى معاها ..
و اعتقد عمرنا ما سمعنا عن اوكتافيا خدت مطب اتقلبت او المقص اتعوج او القنطره اتكسرت

روح يابنى وتعالى بسرعه ههههههههههههههههههههههههه ه
ربنا ينجحك انت وكل الطلبه فى المنتدى وبره المنتدى

المشاركة الأصلية كتبت بواسطة hosam_optrawy

العربيه فعلا lx بجنوط عاديه 15

ودا باين من العجله الاماميه ومن الطاسه اللى ورا

المشاركة الأصلية كتبت بواسطة toola

quote]



رأى يحترم و ان كنت أعتقد ان الجنط ال 15 لا يعيب ده بالعكس يمكن بيريح العربية زيادة بس على حساب ثبات السيارة طبعا, و انا مكونتش بعترض انها عملت حادثة طبعا, لأن ده طبيعى فى أى عربية فى الدنيا, أنا كان كلامى على الاصابات ال فى العربية و خصوصا العجلة الأمامية يمين, و عموما منعا للقيل و القال مش هدخل فى تفسيرات تانى لأن الله أعلم بالحصل و شاكر لك مداخلتك.

انا كنت مفكر انه جنط 17 لانه نفس الشكل

شكرا على الافادة والمعلومة الجديدة