الموضوع: صور حادثة سيراتو و سأترك التفسير للمشاركين

بصراحة مالكى السيراتو بدأوا يعملوا زى أصحاب الاسبرانزا زمان مع الفارق الشاسع وعدم جواز المقارنة بين العربيتين
أصحاب الاسبرانزا كانوا بيعتبروا أى حد يتكلم عن العربية كأنه بيهين صاحبها لحد ما شوية شوية انعزلوا تماما عن باقى الناس وراحوا عملوا منتدى لوحدهم محدش يهاجمهم فيه
اللى عنده معلومة يقولها سواء مع أو ضد ، غير كده أى كلام عن الأشخاص ومفروض ومش مفروض فأكيد الإدارة كمان شوية هتتدخل مش بغلق الموضوع لكن بوقف الأسلوب ده بأى طريقة

الأساتذة الأفاضل (KSA 2011 - Cameeron - QMax - Ahmed Samy)
شاكر ليكم جدا تفهمكم لوجهة نظرى و الدفاع عن فكرة نقاش أى موضوع بشكل عام, و أظنه حق مكتسب لاى فرد فى المنتدى بدام لا يتعدى أو يتطاول على العقائد أو الأفراد أو الأديان, لكن ميين يفهم و مين يقرأ أساسا كل يدخل يشوف الصور لا بيقرأ كلام الناس و لا الردود لا ده يديها تريقة علطول و تطاول فى بعد الأحيان (كل اناء بما فيه ينضح), و للأسف احتراما للمنتدى الواحد بيتعمد عدم الرد و شد لجام اللسان (والله أعلم لو واحد فى الشارع وقفنى وقلى "ممكن تريح نفسك عشان الموضوع ده من الاول ملوش معنى ولا لازمة وإنت عمل تاوح مش عارف ليه " أنا ممكن أعمل معاه ايه) بس ما علينا مش موضوعنا يا جماعة و يا أخوة الكيا أنا دعيت لكم ربنا يحفظكم أنتم و سيارتكم لكن حط هحاول أصور القصة جت ازاى يمكن حد يتعب نفسو و يتصور الأتى:
عربية قريت عنها كل جميل و قيم و الناس بتشكر فيها و بالتالى بما انك واحد بتحب تقرأ كثير فى السيارات و تجرب و اتقرصت كثير بردو, فالناس البتعرفك بتسأل عن رأيك عند شرائهم لسيارات, و بالتالى فى وقت من الأوقات كنت بتنصحهم بالسيراتو عشان القريتو عنها فى المنتدى, جميل.

طيب يحصل ان واحد عمل حادثة فيها شىء من الغرابة بهذه السيارة من ملاك السيارة فى هذا المنتدى و حكى عنها, و أخ أخر باع عربيتو بسبب قلقوا و بعديها اتحكى مرتين تقريبا عن حادثتين بنفس السيارة لنفس العيب (و هو المقص) و حكاها و كله كدبوا و دخل فيه شمال .
بقالك كام يوم شاف مجموعة من الحوارات ديه (البتوصل لخناقات), و نازل الصبح رايح شغلك و من طريق مختلف عن البروح منو كل يوم (عشان كنت بوصل صديق قريب من طريقى) و أذ تلاحظ سيارة سيراتو عملة حادثة و مرمية و تشاء الصدف والله ان أشوف العجلة اليمين مكسورة (واضح انها مشكلة مقص أو ما يوازيه) فرد فعل طبيعى جدا أفتكر الخناقات الحصلت فى المنتدى على الموضوع ده و أروح مصور و عارضها للتفسير بدون حتى معلق.
الاقى بأه ناس محترمة بتناقش و تنفى او تجادل بعقل و احترام و مجموعة أخرى لطيفة كل واحد يدخل يأطم بكلمتين و يتريق و يقول كلام ملهوش لازمة و يقول ال فى نفسو (طبيعة الشعب المصرى "بيزيط فى الزحمة" و يطلع الكبت الجواه فى أول خناقة قدامه و طبعا غالبا بيروح للجانب الأكثر عددا).
اللطيف ان الادارة تقريبا ادت التنبيه للراجل "KSA 2011" البيدافع عن حقى فى النقاش و يعترض على التطاول على و مفيش اى تنبيهات للتطاولو عليا أساسا (و له فى هذا حكم).
و بما انى "بقاوح" فده بالنسبة ليا حق مشروع بدام لا بغلط ولا أتطاول على (أفراد - معتقدات - أديان) و من حقى أناقش أى فكرة أو مشكلة و أقول رأيى فيها أو ما أعتقده بدام لا بكدب ولا بفتى (والا كان الأولى أقول انى شفت الحادثة و عشان كده صورتها و هو ما لم يحدث حيث انى مشوفتش الحادثة و هى بتحصل)و من حق غيرى يغلطنى براحتو فى حدود الأحترام.
متهيألى أى فرد مش متقبل فكرة نقاش أى فكرة فى حدود الاحترام المتفق عليه يبقى لا يعلق أحسن أو حتى يريح نفسو و ميدخلش المنتدى من الأساس

و شكرا

أخوكم "المقاوح"


[info]

العضو الفاضل

رغم عدم حقك فى التعليق على التنبيهات الادارية من قبل ادارة المنتدى طبقا للقواعد

وكذلك السخرية الواضحة فى كلامك المميز باللون الازرق وحرصا على ان يظل المنتدى

مكان يسعنا جميعا للنقاش والتحاور بدون تجاوز ,نود ان نوضح لك و لباقى الاعضاء ان التنبيه

لم يكن يخص شخص بعينه كما اشرت انت ولكن كان عاما ويشمل جميع المشاركين فى الموضوع

وكون أضافة التنبيه فى مشاركة العضو KSA 2011 لانها فقط كانت المشاركة الاخيرة فى

الموضوع وقت اضافة التنبيه وهو العرف المتبع
_______________________

مشرف القسم

[/info]

المشاركة الأصلية كتبت بواسطة dr ahmed abdelghany

بصراحة مالكى السيراتو بدأوا يعملوا زى أصحاب الاسبرانزا زمان مع الفارق الشاسع وعدم جواز المقارنة بين العربيتين
أصحاب الاسبرانزا كانوا بيعتبروا أى حد يتكلم عن العربية كأنه بيهين صاحبها لحد ما شوية شوية انعزلوا تماما عن باقى الناس وراحوا عملوا منتدى لوحدهم محدش يهاجمهم فيه
اللى عنده معلومة يقولها سواء مع أو ضد ، غير كده أى كلام عن الأشخاص ومفروض ومش مفروض فأكيد الإدارة كمان شوية هتتدخل مش بغلق الموضوع لكن بوقف الأسلوب ده بأى طريقة

شكرا لحضرتك, و يا رب نصل لمرحلة التمدن وتقبل الرأى الأخر

الراجل فعلا ماشتمش حد
هو جاب صورة عربيه عامله حادثه وبيقول تعليق
بس عجبتني كلمة العربيه الحرراااااااقه هههههههههههههه
احنا بنقولها في منتدي كوره لما الكلام يجي علي عدلي القيعي ويخلص صفقه كانت رايحه للزمالك او الاسماعيلي كالعاده
او بنقول علا الحراق علي علاء صادق ههههههههه
روقوا وياريت ماحدش يغلط في حد وبلاش العدوانيه الغير مبرره من اي عضو انا لا اقصد شخص معين
شوفوا الأيه ده (وهدوا إلى الطيب من القول و هدوا إلى صراط الحميد)
والحديث ده (عن أبي الدرداء رضي الله عنه أن النبي صلى الله عليه و سلم قال : ما من شيء أثقل في ميزان المؤمن يوم القيامة من حسن الخلق و إن الله يبغض الفاحش البذيء)
وده (عن أبي أمامة الباهلي رضي الله عنه قال رسول الله صلى الله عليه و سلم : أنا زعيم بيت و ربض الجنة لمن ترك المراء و إن كان محقا و ببيت في وسط الجنة لمن ترك الكذب و إن كان مازحا و ببيت في أعلى الجنة لمن حسن خلقه .)
وده ( عن جابر رضي الله عنه أن رسول الله صلى الله عليه و سلم أن رسول الله صلى الله عليه و سلم قال : إن من أحبكم إلي و أقربكم مني مجلسا يوم القيامة أحاسنكم أخلاقا و إن أبغضكم إلي و أبعدكم مني يوم القيامة الثرثارون* المتشدقون* و المتفيهقون *

(( الثرثارون : كثير الكلام تكلفا , المتشدق : المتطاول على الناس بكلامه و يتكلم يملئ فيه تفاصحا و تعظيما لكلامه , المتفيهق : الذي يملأ فمه بالكلام و يتوسع فيه و يغرب به تكبرا و ارتفاعا و إظهارا للفضيلة على غيره )) )
وده (ورد في الصحيح قوله صلى الله عليه وسلم : إن الرجل يتكلم بالكلمة من سخط الله ما يظن أن تبلغ ما بلغت فيهوى بها في النار سبعين خريفا و إن الرجل يتكلم بالكلمة من رضوان الله تعالى ما يظن أن تبلغ ما بلغت فيرفع بها في عليين )

وده ( قال رسول الله صلى الله عليه وسلم : من كان يؤمن بالله و اليوم الآخر فليقل خيرا أو ليصمت .)

وده (عن أبي هريرة رضي الله عنه أن رجلا قال للنبي صلى الله عليه و سلم أوصيني , قال (( لا تغضب )) فردد مرارا قال ((لا تغضب ))

فانظر ماذا تفعل أخي القارئ .....

Dr. Amr, مش عارف أرد و أقول ايه, ربنا يفتح عليك