الموضوع: انخفاض حاد ف سعر الشارك المستعمل

انا كنت بشترى شارك من كام شهر ولقيت اعلان فى موقع كونتاكت كار عن شارك موديل 2008 ب 86 الف جنيه لونها اسود مانيوال فاتصلت بصاحب العربيه قالى انه باعها قولتو كانت حالتها ايه قالى فابريكه براو جوه قولتلو طب بعتها على كام حضرتك قالى راحت على 83 الف جنيه مع العلم ان العربيه دى زيرو ب 114 الف جنيه عموما دا انهيار للعربيه دى ودا المتوقع فى ظل السعر المبالغ فيه فى الزيرو وطبعا فيه ناس بتطلب فى عربياتها 125 و 120 الف فى موديل ال 2008 بس دول بيحلمو طبعا والكيبورد واخداها الجلاله وقاعد قدام الكمبيوتر بقى وبيكتب اللى نفسه فيه لكن التنفيذ والفعل كلام تانى خالص كلام واقعى لسوق غريب فى مصر بصراحه انا كنت بفكر اغير البومه اللى جبتها زيرو موديل 2008 بالشكل الجديد لكن بعد ما سمعت الاسعار المستعمل بتاع الشارك رجعت فى كلامى نهائى فى ظل السوق العجيب دا فى مره كنت رايح لتاجر عربيات اشوف الدنيا ماشيه ازاى لو هغير عربيتى قالى منصحكش قولتلو ليه قالى انت معاك بومه صح قولتلو صح قالى حالتها ايه قولتلو فبريكه زيرو قالى تحب تعد فلوسها دلوقتى قولتلو يا راجل قالى والله بكلمك بجد لو بتبعها اعدلك فلوسها حالا انما لو معاك الشارك صدقنى مش هشتريها منك ولو لفيت على كذا معرض مش هيشتريها منك عليك وعلى السوق علشان كل التجار بيقلقو من العربيه دى الكلام دا فى المنصوره على فكره ومفيش ولا شارك جديده فى معرض واحد بس فى المنصوره ولا زيرو ولا مستعمل