هل فعلا الزيرو افضل من المستعمل؟ المفاجأة!!! لماذا المستعمل افضل في مصر؟؟

**mmffor** · 18-07-2011 01:16 PM

مميزات المستعمل في مصر:

1- سعر اقل
2- سهولة الصيانة في اي مكان خارج التوكيل
3- عدم الاضطرار الى القيادة 60 كم ذهابا و مثلهم ايابا ( لان معظم التوكيلات في ابو رواش ) و
4- تضييع يوم او يومين من العمل لعمل صيانات دورية تافهة اي ميكانيكي يقدر يعملها في ساعة زمن اخر النهار بعد ما ارجع من الشغل ( تغيير بوجيهات و فلاتر و غيار زيت او حتى تيل فرامل او اسطوانة و ديسك او سير كاتينة ) و بربع تكلفة التوكيل سواءا في المصنعيات او الخامات
5- تناكة الوكيل و اشتراطاته التي لا تنتهي - بعدم اجراء اي تعديلات ميكانيكية او معدنية او حتى كهربية في السيارة حتى و ان كانت تغيير كاسيت التي تشعرك ان السيارة ليست ملكك و انك مستلفها من واحد صاحبك
6- عدم مصداقية اغلب التوكيلات المصرية و ساعة الجد يشيل ايده يا اما يلبسك العمة و يقولك عيب استخدام يا اما يقرفك و يزهقك و يخليك تيأس ان العيب يتصلح - عن طريق الادعاء بان قطع الغيار غير متوفرة او محاولة اصلاح الجزء المعيب او تلصيمه مرارا و تكرارا حتى مرور فترة الضمان و انتهاءها - محاولة الايحاء للعميل ان العيب تهيؤات و انه لازم يشرب كوباية لبن دافية بالليل قبل ما ينام و يستغطى كويس - عمل صيانات غير ضرورية فقط لزيادة الفاتورة المستحقة
7- رعونة قائدي المركبات الاخرى و عدم احترامهم ليك و لاولويتك في الطرق عند رؤية سيارتك الزيرو
8- الحسد على ودنه
9- اكثر عرضه للسرقة لانها اكثر قيمة
10 - خسارة ما بعد البيع امر اساسي على عكس المستعمل ممكن تشتري و بعد سنة تبيع زي ما اشتريك او اعلى كمان انت و شطارتك في الشراء و البيع

مستني ردود يا شباب

**Khaled Online** · 18-07-2011 01:34 PM

المشاركة الأصلية كتبت بواسطة mmffor

مميزات المستعمل في مصر:
7- رعونة قائدي المركبات الاخرى و عدم احترامهم ليك و لاولويتك في الطرق عند رؤية سيارتك الزيرو
8- الحسد على ودنه

عندك حق
بس الاتنين دول عجبوني الحقيقة

**mmffor** · 18-07-2011 02:13 PM

والله الموضوع ده حقيقي و هو السبب الوحيد اللي شايل فكرة الزيرو من دماغي خالص

كل ما احب اغير العربية او اشتري جديد و معايا فلوسها اقوم في اخر لحظة اجيب مستعمل

كنت حجيب فيرنا - بس كاره التوكيل

الساجا - قطع غيارها غالية

اللوجان - او ما نزلت واحد شغال في التوكيل حذرني من مشاكل في الدريكسيون و الفتيس دا غير ان سعرها كتير جدا على عربية من غير جمارك اصلا

**ahmedhawas** · 18-07-2011 03:46 PM

بس كل شيء وليه عمر!!
يعني مجيش أشتري عربية عاملة أكتر من 250 ألف كيلو ... واكون متوقع اداء محترم من الموتور
وكل الرولمان بلي بيكون متصمم على عدد معين من اللفات ..... بعدها بيخرب
كذلك الخراطيم ...... لما عمرها بيخلص بتنشف وتتشقق

أنا شايف لو معاك فلوس الزيرو ... يبأى تجيب زيرو أحسن وتريح دماغك من المستعمل
وخصوصا ان احنا هنا عندنا سوق المستعمل """ شغال بدون ضمير """ وخصوصا التجار
لكن أحيانا بيكون في حاجات تستاهل.

اه صحيح بخصوص الحسد ... طبعا الحسد موجود .... بس العربيات الجديدة أصبحت كتيرة جدا وبالتالي مبقتش حاجة ملفتة ان فلان جاب عربية جديدة.

**medododo** · 18-07-2011 03:56 PM

معاك حق في كل كلمة اخويا كان هيجيب فيرنا علي الزيرو
دخل شوية علي المنتدي وقعد يقرأ
مشاكل التقفيل والتوكيل والتطبيل (شاعر يابني والله)
ريح دماغه وجابها كسر زيروا عاملة 15000
وريح دماغه وكانت نظريته ان صاحبها الاولاني كأنه كان شغال عنده وراح علي التوكيل كذا مرة يصلح الاصوات والازاز اللي مش شغال واستهلاك البنزين والسماعات اللي فيها زنة ومشاكل التقفيل المعتاده
وجه هو اشتراها على الجاهز فعلا عمار يا مصر

**mmffor** · 18-07-2011 04:27 PM

المشاركة الأصلية كتبت بواسطة medododo

معاك حق في كل كلمة اخويا كان هيجيب فيرنا علي الزيرو
دخل شوية علي المنتدي وقعد يقرأ
مشاكل التقفيل والتوكيل والتطبيل (شاعر يابني والله)
ريح دماغه وجابها كسر زيروا عاملة 15000
وريح دماغه وكانت نظريته ان صاحبها الاولاني كأنه كان شغال عنده وراح علي التوكيل كذا مرة يصلح الاصوات والازاز اللي مش شغال واستهلاك البنزين والسماعات اللي فيها زنة ومشاكل التقفيل المعتاده
وجه هو اشتراها على الجاهز فعلا عمار يا مصر

فعلا كسر الزيرو او الحالات الشاذه افضل حاجة في مصر

**yassin_samir** · 18-07-2011 04:47 PM

مش شرط كسر زيرو تبقى حلوة كتير بيكون فيها عيب و صاحبها غلب منة و عايز يخلص منها او اى حاجة تانية مش بتبان الا مع الوقت

**yassin_samir** · 18-07-2011 04:47 PM

و مكنش حد غلب و كل الناس جابت كسر زيرو

**elbeheri** · 18-07-2011 04:52 PM

موضوع الحسد ده مهم جدا
لان اهم عيب فى المصريين عموما هو " ان كل واحد يبيص على التانى "

**SYD** · 18-07-2011 04:58 PM

المستعمل افضل لعدة اسباب
اهمها
اعادة البيع
لو حد جرب يخسر في عربيته اكتر من 40,000 جنيه في اقل من 7 سنين هيأيد كلامي ويوافقني الرأي

ثانيا
تخيل حاجة مستعملة من 10 سنين وبسعر حاجة تانية جديدة علي الزيرو يبقي ايهما أفضل ؟؟؟؟؟؟؟؟؟؟

يعني مثلا بي ام ب 120,000 موديل 2001 بثمن السيارة الخرافية المهولة المستحيلة المتحدية للزمن التي لم يأتي لها مثيل في المجرة اللولبيه مجرة التبانة السيارة كيااااااااااا سيرااااااااااااااااتو

تفتكر ايهما احسن ؟؟؟ بي ام 318 ولا سيراتو ؟؟ او كارينز !!!! او كروز ؟؟؟

انا رأيي ان لو هتجيب عربية تكشف عليها كويس تجيب قطع غيار اصلية وتحط في حسبانك انك هتفضل لمدة سنة كل شهر بتصلح فيها حاجة وانشاء الله السنة الثانية هتستمتع بعربية جميلة احسن من الي كانت زيرو وبنفس الثمن

والله المستعان
،
،