أولا مبروك العربية مقدما.. رينا يديك خيرها ويكفيك شرها ويملاها لك بركة
سعر المصري من التوكيل 119 ألف وانا حالا كنت داخل اعلن للأعضاء عن خصم خاص من التوكيل لأعضاء المنتدى 1000 جنيه خلال شهر يناير بشرط وجود استيكر نايل موتورز مع المشتري
انا مش عارف سمير ريان اتفق معاك على كام (هو موزع معتمد للمصري) واعتقد عنده الخليجي كمان ، المهم لو الخصم افيد لحضرتك يبقى تنتظر للجمعة اول يناير ولو سمير ريان عمل خصم اكبر يبقى خليك مع الخصم الأكبر بالطبع
الأفضل تستلم العربية نهارا للتأكد ان مفيهاش اي خدوش او جروح ، وهيكون معاها الطاسات الأربعة والولاعة والاستبن و مفتاح العجل وكتيب دليل المالك الأزرق الكبير وكتيب الضمان والخدمة الأزرق الصغير
مش عارف موضوع الغطاء ده (ربما سمير ريان بيقدم غطاء هدية)
بخصوص فترة التليين وهي الألف كيلو متر الأولى (قبل صيانة الألف) بتتطلب عدم زيادة السرعة عن 90 كيلو متر وبالتحديد عدم زيادة عداد rpm عن 3000 لفة في الدقيقة مع امكانية تشغيل التكييف بلا مشاكل
المفضلات