الموضوع: مشكله في إستهلاك البنزين

المشاركة الأصلية كتبت بواسطة pharonicking

اكشف على كهربة العربية ممكن تكون عالية
عداد الار بى ام بيكون على كام وهى واقفة ودايرة؟

موضوع الكهربه العاليه دا بعرفه إزاى ؟؟؟
عداد rpm لما بتكون دايره أول مابتدور بتكون علي تقريباً 1200 بعد كدا لما بتسخن بتنزل لوحدها علي 750

المشاركة الأصلية كتبت بواسطة Ahmed Hassan

1- البوجيهات (استبعدناها)
2- فلتر الهواء (ممكن عايز يتنضف او يتغير)
3- حساس بايظ (هل فيه لمبه اعطال منوره في الطابلوه؟)
4- الفرامل قافشه حاجه بسيطه او بلي العجل وحش (عامل مقاومه فمزود استهلاك البنزين).
5- بتحط بنزين وحش (جرب تغير المحطه و شوف الوضع اتغير و لا لأ ).
6- ممكن عوامة البنزين بايظه و بتديلك قرايات غلط

لو افتكرت حاجه تانيه هقولك

2 فلتر الهوا بعملوا بالكمبريسور كل تقريباً شهر
3 بالنسبه لي موضوع حساس بايظ فا أنا ماعرفش و مافيش اي لمبه بتاعت أعطال منوره في الطبلوه
4 الفرامل كنت بشيك عاليها عند بتاع الفرامل و غسلي الطنابير و ظبط الدنيا و مافهاش حاجه بلي العجل دا ماعرفوش و مش عارف عامل مقاوه ولا لأ
5 بحط بنزين 92 و أكيد غيرت كذا محطه لأن أنا بلاحظ إن البنزين بيفرق من محطه لي للتانيه فا كانت أحسن واحده و البنزين بحس انه نضيف في بنزينه موبيل إلي في جسرالسويس
6 القرايه تقريباً صح بنسبه 10000000000000% :D


بس أنا حاسس إن المشكله دي من oxygen sensor عملت سيرش كتير علي النت عليه كنت عاوز أعرف دا ايه قالوا دا بيفرق في أستهلاك البنزين
المهم قولت خلاص أغيره روحت للكهربائي قولتله عاوز أغير oxygen sensor قالي ياعنى ايه قولتله دا سينسور بيكون الشكمان قالي لأ دا بتاع الميكانيكى هو إلي يغيرو روحت للمكانيكى قالي لأ مش أنا إلي بعمله فا طنشت عاليه لحد دلوقتى مع إنى مش عارف بايظ ولا سلايم فا لو تعرف حد أغيره عنده او اجيبه منين و بكام مثلاً او أكشف عاليه أشوفوا بايظ ولا لأ
وفي حاجه كمان شاكك منها الإسطوانه و الدسك , هل ليهم عامل في إستهلاك البنزين ؟؟؟
معلش طولت عليك

اااااااااا

المشاركة الأصلية كتبت بواسطة Moe86

١- البوجيهات (استبعدناها)
٢- فلتر الهواء (ممكن عايز يتنضف او يتغير)
٣- حساس بايظ (هل فيه لمبه اعطال منوره في الطابلوه؟)
٤- الفرامل قافشه حاجه بسيطه او بلي العجل وحش (عامل مقاومه فمزود استهلاك البنزين).
٥- بتحط بنزين وحش (جرب تغير المحطه و شوف الوضع اتغير و لا لأ ).
٦- ممكن عوامة البنزين بايظه و بتديلك قرايات غلط

الله ينور

المشاركة الأصلية كتبت بواسطة ahmed hassan

مهو لو ال oxygen sensor بايظ لمبة الاعطال هتنور.

بالنسبه للاسطوانه... هل بتحس ان صوت الموتور بيعلى لما تدوس بنزين و العربيه مش بتستجيب؟

عموما لازم تروح لحد بتاع بي ام يكشفلك على العربيه لان انا قولتلك كل اللي جه في دماغي.

معلش يا أحمد تعبتك و صدعتك أنا عارف و إن شاء الله كام يوم كدا افضا ليها و هانزل بيها الحرفين و ربنا يسهل و مايكونش حاجه كبيره و هاخلي الناس تكشفلي علي إيل إنت قولت عاليه و ياريب تطلع حاجه منهم

انا اسف اننى مش هفيدك فموضوعك بس والله لسه مش خبير فى العربيات بس انا عايز رأيك فى حاجة انا معايا 70000 ومحتار جدا بين (الاسبرنزا516 والفرنا واللوجان والساجا) دماغى وجعتنى من كتر الحيرة وانا شاب وبحب الجرى اوى والثبات على السرعات العالية وكان مبدأ مرفوووووض انى اجيب مستعمل بس اللى شوفتوا من موديلات ال بى ام دبليو خلانى افكر لأن حلم حياتى اركب بي ام زى معظم الشباب وامامى سيارة بي ام 318 موديل 1991 طبعا 1800 سي سي جميع الكماليت مانيوال فتحة سقف كهرباء جنط17 معدلة بالكامل من الخارج والصالون والعفشة m3 فابريكة دواخل بالكامل وعاملة 200 الف كيلومتر...والسعر 66000 ايه رأيك,,,وكمان انا لسة بدرس وانا هبقى المسئول عن البنزين وكمان قطع الغيارو...كل حاجة..عايز اعرف هتفرق المصاريف عن السيارة الجديدة ولا ايييييييييييه,,يعنى انته معاك نفس العربية تقريبا بس موديل 1994 يعنى تقريبا خبييير انا عايز نصيحة لوجه الله من أخ,,,,معلش طولت عليك

المشاركة الأصلية كتبت بواسطة homos99

انا اسف اننى مش هفيدك فموضوعك بس والله لسه مش خبير فى العربيات بس انا عايز رأيك فى حاجة انا معايا 70000 ومحتار جدا بين (الاسبرنزا516 والفرنا واللوجان والساجا) دماغى وجعتنى من كتر الحيرة وانا شاب وبحب الجرى اوى والثبات على السرعات العالية وكان مبدأ مرفوووووض انى اجيب مستعمل بس اللى شوفتوا من موديلات ال بى ام دبليو خلانى افكر لأن حلم حياتى اركب بي ام زى معظم الشباب وامامى سيارة بي ام 318 موديل 1991 طبعا 1800 سي سي جميع الكماليت مانيوال فتحة سقف كهرباء جنط17 معدلة بالكامل من الخارج والصالون والعفشة m3 فابريكة دواخل بالكامل وعاملة 200 الف كيلومتر...والسعر 66000 ايه رأيك,,,وكمان انا لسة بدرس وانا هبقى المسئول عن البنزين وكمان قطع الغيارو...كل حاجة..عايز اعرف هتفرق المصاريف عن السيارة الجديدة ولا ايييييييييييه,,يعنى انته معاك نفس العربية تقريبا بس موديل 1994 يعنى تقريبا خبييير انا عايز نصيحة لوجه الله من أخ,,,,معلش طولت عليك

بص ياباشا
إنت قولت إنك بتحب الجري و الثبات و أنا بصراحه ماشوفت أحسن من الب ام في كدا عن واقع تجربه هاثبتلك كدا من غير فتى طبعاً أنا في مره كنت مسافر إسكندريه من الطريق الصحراوي و بلليل و ماشي 160 -170 و فجأه طلع الأقى حجر من بتاع الرصيف قدامى كان جاي في وش العربيه من النص بسرعه لفيت في أخر لحظه وخت الحجر علي الجنب اليمين ياعنى طلعت عاليه بالعجل بتاع الجنب اليمين كل دا و أنا ماشي 160 العربيه إترفعتى و نزلت تانى علي الأرض ماقلبتش و كل الي باااظ الجنطين الحمدلله طبعاً دي لو كانت أي عريه تانيه كانت شكراً بالسلامه
ثانياً إنت بتقول إنك لسه بتدرس فا إنت إلي هاتصرف علي العربيه
هنا بقى مش عارف إنت ظروفك ايه لأن المسمار في البي ام بفلووووس حاجتها غاليه طبعاً لأن دا بيرجع للجوده و النظافه عن اي عربيه تانيه فا دا بيعود للعمر الإفتراضى بيكون أطول أنا لما بغير حاجه بغيرها وبنساها :d مع العلم أنا بجيب أستيرااااد
ثالثاً إستهلاك البنزين لو العربيه مظبوطه هاتلاقى إستهلاكها تمام مش هايفرق كتير عن اي عربيه تانيه "إلا في حالتك إنت هاتحرق و تخمس" كدا الإستهلاك بيكون كتيير طبعاً بي الإم فيها حاجه مش موجوده في اي عربيه "عداد إستهلاك البنزين" بيوريك بتستهلك بنزين قد ايه في ال100 كيلومتر
رابعاً لو هاتشتري بي ام مستعمله اهم حاجه الحااااله لو لاقيت فبريكه بره و جوه و زياده مثلاً 5000 مش مشكله هاتها و بلاش الب ام إلي فيه لعب كتير دا بيكون معظمه متهااان بس طبعاً مش كله و يا سلام لو كانت بتعمل صيانه في التوكيل دي كدا تبقى لقطه
"ماتتسرعش لما تيجى تشتري حتى لو مش بي ام"
و طبعاً الجديد بيفرق عن المستعمل في المصاريف
يارب أكون فدك بي اي حاجه و لو عوزت أي حاجه إسأل و إن شاء الله هاجوبك