الموضوع: هل تتأثر حاله المحرك بالزحام ؟؟

لو فتحت كتالوج اى عربية من الجدلد حتلاقى المصنع كاتب ان الاستخدام الشاق هو استعمال العربية فى مشواير اقل من 16 كيلو فى كل رحلة و كثرة السير و التوقف و كثرة ادارة و تبطيل المحرك و السير بسرعات منخفضة بشكل متواصل... يعنى من الاخر سواقة وسط البلد بتاعتنا المعتادة

و تلاقى الاستخدام الخفيف هو السير بسرعة منتظمة فى حدود 90 كيلو فى الساعة على الطرق المفتوحة

المشى بسرعات قليلة و بنظام المشى متر و تقف ياثر على كل مكونات العربية و بيستهلكها بشكل اسرع... احسب كام مرة بدوس دبرياج و بتعشق و بتمور و بتدوس فرامل و بنزين و بتحود مقارنة بالمسافة اللى انت مشيتها و الوقت اللى اخدتة... ممكن يطلعوا بتاع 150 مرة فى الساعة... تعالى بقى على الدائرى و امشى 90 فى لساعة و امشى فعلا ساعة... كام مرة مورت و عشقت و دوست فرامل؟؟؟ مرتبن تلاتة؟؟

اذا استخدام داخل المدينة حمل على العربية و بيستهلكها اكتر من المشى على طريق مفتوح (من غير جرى بالعبيط)... حتى دة بينعكس على استهلاك البنزين كمان

عشان كدة لما تلاقى عربية للبيع مكتوب انها "استخدام طبيب" اعرف انها كنبة... اصل العربية دى مشاويرها كانت بين البيت و العيادة و المستشفى و الجامعة (لو دكتور بيدرس) و طالما المسافة بين الحت دى مش كبيرة ولا متوزعة على الطريق الدائرى مثلا او المشوار الطبيعى بينهم بيحتاج مشى على طريق مفتوح يبقى كل ما سبق من عوامل تؤثر بالسلب على العربية موجودة و العربية مستهلكة

النقطة الاهم من كدة ان الدكتور مالك السيارة فاكر ان كدة العربية بتاعتة متحافظ عليها و "فابريكة" بالتالى كان بيعمل صياناتها على الحد الاقصى (لو لقى وقت بين العيادة و المستشفى و الجامعة اساسا) بالتالى الو اشتريت العربية دى تبقى اشتريت عربية مستعملة استعمال قاسى و صياناتها اقل ما يمكن اذا كان فيه صيانة من الاصل

MMamdouh

حالة الموتور و الجيربوكس و الأهم العفشة .. أفضل بكتير في عربية بتسافر كتير نفس عدد كيلومترات عربية ماشية في الزحمة