اشتريت تويوتا 2009 بالسعر الجديد

**أبو عبدالله** · 30-12-2009 02:10 PM

هيا العلامة في الظل فبتدي على انها تويوتا
وشكرا للتوضيح
انا شوفت اللاسيتي عند ناشيونال موتورز في الدقي بصراحه شكلها جامد جدا

**amr_2010** · 30-12-2009 08:18 PM

ألف مبروك
السعر ده لقطة فعلا

**sherif2net** · 30-12-2009 09:04 PM

يا باشا ألف ألف مبروووك....
ربنا يباركلك فيها .... بسم لله ما شاء الله العربية تحفة بجميع المقاييس..
العربية دى كانت حلمى :)

**bassam nagy** · 30-12-2009 10:18 PM

الف مبروك وربنا يباركللك فيها

**hossam_elwani** · 30-12-2009 11:23 PM

الف مبروك عليك

بس كنت عايز اعرق ايه الكماليات الى فيها بالتفصيل

وايه مواصفات الادفانسد والبروفيشنال ؟؟؟

**ahmad2020** · 31-12-2009 01:17 AM

سلام عليكم يا جماعة
انا جديد لسه على المنتدى ,دي اول مشاركة :)
حبيت بس ابارك للاخ الف مبروك وربنا يحميهالك يارب ويديك خيرها ويكفيك شرها
احتمال الحقك قريب بس قلقان من موضوع الفتيس ده عايز اروح اعمل test drive, واجربه الاول
تنصحني بإيه عشان انا محتار جدا وقلقان ؟
وايه رايكو يا جماعة , اتمنى تردوا عليا

**waleedss** · 31-12-2009 02:11 AM

مقدرش انصح حد لاني مش متمرس وبيلينها. اللي اقدر اقوله مبدئيا ان الفتيس مش اوتوماتيك يعني تجيب على الدي وبنزين وفرامل. اعتقد لو حد بيسوق مانيوال مش هايلاقي مشكله يعني مثلا ساعة الغيار لازم تخف رجلك من البنزين ودي حاتحس معادها مع الوقت. الجير بوكس في تبديلات تروس حقيقيه انما الاوتماتيك مجموعة فرامل تتحكم في المنظومه لذلك تكون اسلس.

العربيه هاي لاين في كل حاجه . مفيش كماليه سمعت عنها ومش موجوده. انا راي الشخصي انها صفقه رابحه عربيه ثمنها من شهور كانت 165 الف ب 132 الف يعني لو قفلت اعتبرها مانيوال والغي الاوتماتيك (دا لو الدنيا اسودت في وشك). انا سالت واحد صاحبي عندو العربيه قالي اتكيف على العربيه وتعلم ازاي تسوقها متقعدش وانت سايق تستنى النتشه وتقول النتشه اهيه النتشه اهيه.
دا سعر لانسر البومه الكامله تخيل؟

انا اجرتها قبل كده سافرت بيها وكانت رائعه. مشكلة السوق المصري ان كله بيكع تحوشة العمر او جزء كبير جدا منها في عربيه فاي حاجه صغيره تمغص بطنه ويبدا يعدد للقريب والغريب. وجزء ليس بالقليل بيخزي العين ويقول انا شربت العربيه دي . انا في المعرض مكانش في وقت كتير افكر بس لما قريت انها 9 ايرباج قلت ده كفايه لوحده.

**fila_2007** · 31-12-2009 02:13 AM

يا جماعة اجيب السيراتو والا الغى الحجز واجيب التويوتا بالاسعار الجديده دى وهل تويوتا او اى ماركه تانيه هتنزل نوعية الفتيس دى تانى والا خلاص كده هيبقى حاجة نادره ومش هنلاقيله قطع غيار او حد يصلحه لو حصله حاجه او كده يعنى ياريت حد فاهم يفيدنى