مين موافق معايا انه يسيب القاهره و يعيش فى محافظة تانية

**kh_talaat** · 30-12-2009 02:52 PM

المشاركة الأصلية كتبت بواسطة emsadeck

الأدهى والأمر إنهم لما يحبوا يكرروا تجربة القرية الذكية المفروض بقى يعملوها برة

عملوها فين؟؟

في المعادي

المعادي !!!!!!!!!!

يعني كدة الكورنيش والأوتوستراد أتضربوا

أنا عايز بقى واحد يجي يقولي العيب في الشعب مش الحكومة

**dolly13** · 30-12-2009 03:02 PM

انا بقى عملتها من سنة وجينا عشنا فى العبور
طول مالواحد فى العبور مفيش اى مشكلة هدوء ونضافة وناس رايقة وكمان كارفور
لكن بمجرد ماتحب تنزل القاهرة لاى سبب يبتدى حرق الد والعصبية
الله يكون فى عون الناس اللى لسة قاعدة فى القاهرة

**menocomp** · 30-12-2009 03:08 PM

المشاركة الأصلية كتبت بواسطة zanativich

انا مثلا من المنوفية بس تخصصى وعملى مالوش مجال عندنا فاجبرت انى انزح الى القاهرة
بس بعد 4 سنوات زهقت سفر وزحمة و قرف ونفسى اقعد تانى فى المنوفية بعيد عن الوش و وجع الدماغ الى الواحد فيه كل يوم
الزحمة جابت للواحد بلاهه وعلمت الواحد العصبية و قلة الادب

أنا من نجع حمادى يعنى الصعيد بالبلدى وهناك صعب جدا انك تلاقى فرصة عمل وبسبب مجال عملى (... developer) مفيش حل غير القاهرة , الزحمة بقت غير طبيعية , والبنى ادم الطبيعى (غير مصرى) معروف عنة زيادة عصبيتة بزيادة الزحمة.
أنا أول مجيت القاهرة جديد فوجئت بعصبية غريبة عند الناس بسبب الزحمة , كلة بيزعق وكلة بشتم بسبب أو بدون.

المشاركة الأصلية كتبت بواسطة msobhy

حلم حياتى انى اعيش واشتغل فى 6 اكتوبر - ناحية الواحات - أو بمعنى اصح اقرب مكان للواحات - منه اكون للأسف قريب من القاهرة وفى نفس الوقت ابعد على قد ما اقدر

باشا أنا شارى شقة تبع مشروع الهرم سيتى دة على الواحات , ولكن بعد منزل الدائرى الجديد اللى بينزلك جنب دريم , الدنيا بقيت زحمة جدا جدا جدا جدا.

المشاركة الأصلية كتبت بواسطة EMSadeck

الأدهى والأمر إنهم لما يحبوا يكرروا تجربة القرية الذكية المفروض بقى يعملوها برة

عملوها فين؟؟

في المعادي

والله كويس انهم معملوهاش فى وسط البلد مثلا.

**محمد محمد** · 30-12-2009 03:44 PM

انا اليوم اللى بخرج فيه من العبور للقاهرة كأني طفل رايح اول يوم المدرسة.

**HanyHanyHany** · 30-12-2009 03:49 PM

فعلا الحل في محاولة البعد النسبي عن العاصمة للمدن الجديدة والاقاليم القريبة

**kh_talaat** · 30-12-2009 03:52 PM

للأسف المعيشه في العبور والقاهرة الجديدة و6 أكتوبر والشروق وكل المدن الجديدة المحيطة بالقاهرة ما هي الا مسكنات !!!

لأنك في الأول وفي الآخر كل مصالحك بتبقى مرتبطة بالقاهرة

**kareemhisham** · 30-12-2009 03:56 PM

يعنى مفيش ولا واحد طايقها :) ..

انا عن نفسى اتعود على الزحمة و الناس .. لما بسافر محافظة تانية ببقى هموت و ارجع ..

انا هنا زاى الفل :)

**محمد محمد** · 30-12-2009 04:18 PM

المشاركة الأصلية كتبت بواسطة kh_talaat

للأسف المعيشه في العبور والقاهرة الجديدة و6 أكتوبر والشروق وكل المدن الجديدة المحيطة بالقاهرة ما هي الا مسكنات !!!

لأنك في الأول وفي الآخر كل مصالحك بتبقى مرتبطة بالقاهرة

الكلام ده كان اول ما قعدنا في العبور من 6سنين كانت فعلا مصالحنا بنقضيها في القاهرة لكن دلوقتي العبور قربت تبقي مدينة متكاملة فيها كل حاجة ليها ادارة تعليمية خاصة بيها بقالها حوالى سنة ونص والمرور بتاعها خلاص قرب يفتح والمواصلات بتاعتها كل مدي في تحسن نوادي بجميع المستويات موجودة او لسة بتتعمل مدارس خاصة وحكومية زي الرز يعني عايز اي حاجة تلاقيها في العبور ونادرا لما الواحد ينزل يشتري حاجة من القاهرة من خمس سنين كنت بنزل كل جمعة انا ووالدي نجيب حاجة البيت من عين شمس (السكن القديم) او السلام وكان فيه خطين اوتوبيس بس اللى شغالين.... دلوقتي الميكروباصات بتاعت العاشر والعربيات السوزوكي والتكاتك اكتر من الناس (مع تحفظي علي التوك توك بس حل مشاكل كتير) وفيه 9 خطوط نقل عام وميني باص وقريبا جدا هيبقي فيه نقل داخلي.
واتوقع خلال السنوات العشر القادمة ان العبور هتبقي محافظة مستقلة بسبب انضمام العبور الجديدة الى مدينة العبور.

**OlaOsman** · 30-12-2009 04:24 PM

المشاركة الأصلية كتبت بواسطة kh_talaat

ياه دا انت جيت على الجرح

أنا من زمان وانا نفسي اهاجر من القاهرة .... اي محافظة ساحليه .... اروح الشغل وارجع اقعد على البحر ..... ياه ..... أحلام

لكن للأسف مجال العمل خارج القاهرة يكاد يكون معدوم

والسبب طبعا هي الحكومة .... ايوة برضه هي الحكومة محدش يقولي مش كل حاجه ترميها على الحكومة

أقوله طيب مثال بسيط جدا مين اللي انشأ القرية الذكية في القاهرة مش الحكومة برضه

يعني تنشئ أكبر تجمع للشركات في مصر داخل العاصمة عشان يهاجر المواطنين من كل المحافظات بالذمة دة تفكير برضه ..... ومحور 26 يوليو شاهد عليكي يا حكومة

تخليو لو القرية الذكية دي انشأت في سيناء ولا في الصعيد مش كان زمان الناس هاجرت لهناك وأنشأت مجتمعات جديدة وحياه جديدة

الله ينور عليك

**Abdo_Eldesokey** · 30-12-2009 06:06 PM

نفسي أعيش في محافظة برلين أو طوكيو ، أي حاجة قريبة من طنطا

الموضوع: مين موافق معايا انه يسيب القاهره و يعيش فى محافظة تانية

LinkBack

أدوات الموضوع

عرض

-

-

-

-

-

-

-

-

المواضيع المتشابهه

ساعدوني ياشباب حصل معايا مشكلة تانية سامحوني

اى اجرائات نقل الملكية من محافظة الى محافظة اخرى؟

سلمت النمر فى مرور محافظة تانية ينفع امشى بالعربية من غير نمر ؟؟؟؟؟؟

الحقققققققققققققققونى مترشحلى عروسة من محافظة تانية اعمل اى؟

الكلمات الدلالية لهذا الموضوع

المفضلات

المفضلات

ضوابط المشاركة