انت صحالاخوة الاعضاء الكرام ...
أسعد الله يومكم بكل الخير ووقاكم ووقانا من كل شرور الطريق
بالامس كنت متوجه الي الاسكندرية لحضور عزاء و معي بعض الاصدقاء و الزملاء بالعمل و طبعا أتحركنا من القاهرة علي حوالي الساعة العاشرة و النصف , المهم كنت عامل حسابي أن الطريق هايكون مليان رادارات و فعلا حاولت أمشي بهدوء و ألتزم قدر المستطاع لكن و لأول مرة أقع و أيه
مرتين ....
أيوه مرتين كالاتي :
- الاولي .. السرعة 113 كم/ساعة
- الثانية .. السرعة 111 كم/ساعة
طبعا دفعت ال 300 جنيه زي الباشا من سكات و بصراحة مش أنا بس ده معظم العربيات اللي ماشية لدرجة أن كان فيه معايا عربيتين (ألنترا - بي أم ) دفعوا في اللجنتين
المهم رحلة الامس كانت صعبة جدا في الذهاب و كانت أصعب في العودة نظرا لحالة الطريق من تحويلات و أصلاحات و كمان .... النقل و اللي بيعمله و أضافة لكده و ده الاهم تصرفات اللي راكبين معايا و اللي كانوا مستغربين جدا من تعليمات الامان اللي بأطبقها خلال السفر أو السير داخل المدن و الالتزام بقواعد المرور لدرجة أني شعرت و للمرة الاولي أني غلط و الناس هيا اللي صح لكني ما أقدرش أعمل زيهم
بصراحة الرحلة دي جابت لي عقدة و شعور بالذنب و أحساس بالندم و الخيبة , بس برضه مش هأتغير و أعمل اللي الناس بتعمله لأني مقتنع أني بأعمل الصح
معلش طولت عليكوا النهاردة بس كنت عايز أفضفض و أطلع الهم و الكبت اللي حصلي امبارح
و تقبلوا تحياتي
م/ سمير الشهاوي
مش معني إن كل الناس تعمل الغلط أننا نقلده
المفضلات