يا تري كنت هتشتريها لو كانت متجمركة ؟؟؟؟؟؟؟؟؟

**alex_life1989** · 30-12-2009 11:00 PM

كنت حجيب لوجان برده
انت عاوز الصراحة الله اعلم ساعتها كان الواحد حيقرر

**amrdiab** · 30-12-2009 11:02 PM

a- انا شخصيا كنت هختار السيمبول هي الاقرب للكمال من ناحية الامكانيات في الفئة السعرية 79000 - ولو ان مفيهاش abs- وايضا موتور حديث وخامات جيدة وتقفيل تركي زي الميجان

b- لو السيمبول منزلتش و دة فرض واستمر سعر اللوجان الروماني علي حالة 75000 كنت هشتري اللوجان برضة او هفكر في الاكسينت وللعلم دي عربية معقولة جدا

- وبعيدا عن الموضوع يمكن اللي خلي اللوجان تنتشر بالشكل اللي انا و انا بحجز مكنتش متخيلة الاسباب الاتية "وجهة نظري وليست فرض"

[gdwl]1- اخيرا بتاخد عربية بها من الامكانيات ما يعادل السعر المدفوع بها فهي ليست كالافيو _مع احترامي لكل مالكيها اللي كنت خلاص هبقي واحد منهم لكن ربنا شاء اني اسوقها واجربها_ لا مريات كهربا ,كنبة ضيقة, متور 8 صمام تكنولوجيا قديمة , كاست لازم يتغير في اقرب فرصة كل دة وتلاقيك
هتقرب تدفع 80000 طب لية وانا ممكن اخد مواصفات اكتر واعلي وامان واسم وسيارة واسعة بحر ودة كلة 67000
ممكن واحد يقولي ان موتور اللوجان برضة تكنولوجيا قديمة بس الرد ان دة موتور الميجان واحد اللي لغاية الان بيحلفوا بية من ناحية القوة انة كمان معمر.

2- العيوب اللي ظاهرة في العربية واللي الناس كلها ملاحظاها تعتبر عيوب غير مؤثره علي امان العربية زي اهتزاز عصاية الفتيس _ صوت قزازة المية_السخونة اللي جاية من ناحية الدواسات _ لما بكلم اي حد عليهم يقولي انت بتدلع مع العلم ان دي كلها مشاكل انشاء اللة هتتحل في الصيانة _ لكن االعيوب في سيارات اخري للاسف عيوب توثر علي الامان بتاع العربية وربنا يحفظنا [/gdwl]

وشكرا

**MoHaMed HaMeD** · 30-12-2009 11:14 PM

جبت من الاخر ياعمرو

**Samah AbdAllah** · 30-12-2009 11:58 PM

سيمبول او سيراتو

**amr.elsayed** · 31-12-2009 03:06 AM

ححكيلكوا على رحلة البحث عن السيارة انا فى الاول كنت بدور على عربية سيدان فى حدود السبعينات واول الثمانينات
وزى اى واحد دماغى راحت اوتوماتيك على النيو اكسينت ولما رحت شوفتها معجبتنيش بالذات المساحة الخلفية وعدم الراحة فى الكنبة والخامات العادية جدا
وبدأت ابحث عن البدائل وكانت الدايو نوبيرا البديل التانى لكن كنت مش مقتنع بيها لان سعرها زاد (شاحة من السوق) بالاضافة لشكلها القديم و شيلتها من الحسابات
بدأت افكر فى الرينو سيمبول رحت شوفتها وقارنتها بالنيو اكسينت لاقيت السيمبول روعة روعة عربية جميلة وكنت مقتنع بيها جدا بس بردو المساحة الخلفية مش مناسبة لى
دخلت على النت فى محاولة للوصول لحل لهذه الحيرة واخيرا وصلت لنايل موتورز فى محاولة للمقارنة بين السيمبول والنيو اكسينت
وقرأت عن الرينو لوجان الجديدة والبطاقة الفنية لها (موضوع المهندس سبعاوى ربنا معاه ويصبره)
ورحت رايح شايف اللوجان فى التوكيل وقولت هى دى العربية اللى بدور عليها
جمعت كل المعلومات عنها بالاضافة لفحصها فى المعرض
بالاضافة لمقارنة سعرها بامكانياتها بالاضافة لمراقبة انتشار السيارة فى الشوارع لاقيت كل حاجة بتصب فى صالحها
وكان القرار الحاسم الرينو لوجان كانت افضل سيارة مناسبة لى والحمد لله ان ربنا وفقنى لهذه السيارة
ولو كانت عليها جمارك يعنى كان سعرها 75000 جنيه كنت حشتريها بردو ايه المانع اللوجان فعلا تستاهل اكتر من سعرها كفاية انها فيها عامل امان زى الايرباج مش موجود فى عربيات اغلى منها واوسع من عربيات اغلى منها ومصممة للطرق المنيلة بتاعتنا وماتور زى الفل كل يوم اداءه بيتحسن عن اليوم اللى قبله يبقى ماشتريهاش ليه انتو مش ملاحظين ضرب النار اللى على العربية داخل التوكيل والاوفر برايس خارج التوكيل طول الفترة اللى عدت انا كنت فاكرها هوجة وحتخلص لكن اتضح العكس كل دة ليه لانها فعلا عربية ممتازة والحمد لله على هذه النعمة وربنا يباركلكوا جميعا فى عربياتكم

**Eng.Geo** · 31-12-2009 10:43 AM

شكرا جدا لردودكوا الكريمة
الواضح من اغلب الردود أن مينفعش كانت تنزل ب 94 خالص ولو نزلت بالتمن ده كانت مش هتبيع
انما لو نزلت ب 75 كان في ناس هتجيبها هي أو سيمبول أو اكسنت
هي الحقيقة العربية تستاهل الفلوس
ربنا يباركلكوا فيها
ويهديني للعربية المناسبة

**neemmohamed** · 31-12-2009 03:33 PM

ماكنتش ها توصل ل 94 الف ... بس لغاية 70 الف كنت بردوا ها اشتريها فى ظروفى الحالية كا اول عربية زيرو لى ... اولا لجودتها المعقولة جدا بشكل عام فى كل مكونتها ... الوكيل المضمون ... الماركة العريقة اللى ليها اسم و تاريخ قوى ...عربية عائلية كبيرة ... و كمان من اهم العناصر طبعا السعر!!!!!!!! شىء ممتاز بالمقارنة باسعار السوق و المنافسين ... انا كنت فى الاول محتار بين اللانوس و الفيرنا على اعتبار انهم مضمونين او ليهم وجود و توافر قطع الغيار و غيره .... لكن النصيب انه من اول لما رحت شوفتها فى المعرض عجبتنى و بعد سنة بحث و انتقال من اكتر من شريحة و من المستعمل الى كسر الزيرو ثم اخيرا الى الزيرو ....

بجد عربية ممتازة .. اعتبرها معادلة ناجحة ... النصيب .. و كرم ربنا فعلا ..انا مقتنع بيها و ربنا يبارك لنا فيها.

و قبل ما انسى .. انها عربية ناجحة عالميا و ليه تواجد فى اكتر من دولة و بتتصنع من كذا سنة ... و معدل نمو مبيعاتها الضخم فى العالم (على ويكبيديا) يؤكد على كدا عالميا

و مبروك علينا و ربنا يحفظها لنا

**bishoy02010** · 31-12-2009 06:14 PM

لو بعد الجمارك ب 75 الف تأكد انى كنت هشتريها بردة

**Eng.Geo** · 31-12-2009 07:22 PM

انا حطيت استطلاع للموضوع
ارجو من الاعضاء التصويت

مشاهدة نتائج الإستطلاع: يا تري هتشتريها لو كانت متجمركة ؟؟؟؟؟؟

الموضوع: يا تري كنت هتشتريها لو كانت متجمركة ؟؟؟؟؟؟؟؟؟

LinkBack

أدوات الموضوع

عرض

-

-

-

-

-

-

المواضيع المتشابهه

لو رجع بيك الزمن قبل ما تشتري اللوجان ... كنت هتشتريها برضه؟

مرحبا بالديموقراطية ان كانت علمانية او ليبراليه و سحقا لها ان كانت اسلاميه

سعر الاسترا 2003 1600 لما كانت جديده في منصور كانت بكام؟؟؟؟

لو اللوجان بجمارك...كنت هتشتريها ؟؟؟؟

كيف كانت مراهقتك ؟

الكلمات الدلالية لهذا الموضوع

المفضلات

المفضلات

ضوابط المشاركة