الموضوع: لو رجع بيك الزمن قبل ما تشتري اللوجان ... كنت هتشتريها برضه؟

السلام عليكم ورحمة الله وبركاته

أعزائي أعضاء قسم اللوجان الكرام

أكيد كل حد قبل ما بيشتري عربيه جديده بيقارن كتيير ويسأل كتيير ويسمع كلام وحواديت كتير وبين دي ودي طب ما تشوف دي ... فعلا من اصعب القرارات الي الواحد ممكن ياخدها في حياته نظرا لقلة الامكانيه وارتفاع ثمن السلعه ... يمكن بقى اصعب من قرار الزواج


طيب أنت دلوقتي جبت اللوجان

يا ريت تقولينا انت كنت بتقارنها بإيه؟

وهل هي اول عربيه ليك ولا كان في قبل كده؟

وأخيرا هل لو رجع بيك الزمن هتشتريها برده ؟ ولا مع الوقت بعد ما جبتها اكتشفت ان في عربيه في نفس الفئة السعريه كانت ممكن تديك الي اللوجان اديتهولك؟


هذا الموضوع لمعرفة أراء من أقتنوا السيارة بالفعل فقط

تحياتي للجميع وفي انتظار المشاركات

المشاركة الأصلية كتبت بواسطة AirForces

كنت بقارنها بالانوس والفيرنا والأفيو وكنت بدور على اى حاجة غيرهم لأن اللانوس شكلها قديم ولما سألت عرفت انه صاجها خفيف
الفيرنا كنت عاوز ابعد عن غبور بعد الشكاوى اللى كل يوم بسمعها عنه وبرضو الفيرنا كانت قريبة من الأرض اوى ومع واحد صاحبى كانت بتحك فى المطبات فلازم ياخد المطب بالورب كدا وحتى لما كانت تمشى فى طريق سريع ومحملة ويجى ياخد غرزة كنت بسمعها بتحك برضو !! دا غير انه ثباتها مكانش عاجبنى خالص
الأفيو دخلت المنتدى بتاع شيفرولية هنا لقيت ملاكها كلهم بيذموا فيها غير ان منصور ما يتخيرش عن غبور
وطبعا كنت ببعد عن كل ما هو صينى
فكنت بدور على اى حاجة كورى لأنى عارف انه لايمكن هلاقى حاجة فى رينج السعر دا واروبى لحد ما واحد صاحبى قالى على اللوجان
الموديل بتاع 2009 مكانش نازلى من زور خالص خصوصا من ورا وكنت على وشك اشيلها من دماغى لحد ما لقيت موضوع الأستاذ نادر نبيل هنا عن موديل 2010 اول ما شوفت الموضوع غيرت فكرتى عن اللوجان 180 درجة وفضلت بتاع شهرين بدرس فيها مميزاتها وعيوبها لحد ما ربنا وفقنى ليها الحمدلله
هى تعتبر اول عربية ليا كنت بسوق قبلها 128 على خفيف
لو رجع بيا الزمن كنت هجيبها برضو لأنها حققتلى كل اللى كنت عاوزه فى عربية فى الفئة دى ويمكن اكتر كمان وبحمد ربنا انه وفقنى ليها

تحياتى ليك على الموضوع الجميل دا :)

معلش هو ايه الفرق بين موديل 2009 وموديل 2010
انا عن نفسى قبل ما اشوفها كنت بقارنها بلانوس ...شكل قديم وموتور ضعيف....,فيرنا...واطية ومش ثابتة....سبيرانزا...صينى خامات سيئة, ساجا جديدة وصغيرة.
لكن لما عرفتها بقارنها باكسنت و افيو و اعتقد انها افضل.
انا فقط خايف