مبارك يا حاج شريف
ولكن معلش اسمحلي اوضح بس شوية حاجات
أولا عاوز اعرف انت روحت التوكيل في العبور ولا ابو رواش ولا مركز معتمد علشان تفرق كتير
ثانيا المشكلة بتاعتك دي من غير ما اشوف العربيه او اعرف حاجات اكتر من اللي انت قولتها
كل المشكلة تتلخص في ان باب الشنطة بتاعك مكنش بيقفل القفلة التانية بتاعته
انت عارف ان الأبواب كلها بتاعت العربيه بيبقى لها قفلتين القفلة الأولى لا تسمن ولا تغني من جوع
يعني لو الباب قفل القفلة الأولى بس ومقفلشي التانية هيتسبب ذلك في :
1- السنتر مش هيرضى يقفل كل الأبواب خالص
2- الأنوار هتفضل شغاله لحد ما تقفل بعد تقريبا 10 دقائق لوحدها علشان الحفاظ على البطارية
يعني لو نسيت باب مش مقفول مظبوط النور يفضل شغال 10 دقائق وبعدين يفصل لوحده
فدي المشكلة اللي عندك بالظبط
وبما انك بتقول انك مخبوط في الشنطة قبل كده
فطبيعي ان يبقى الباب احتمال انه متأثر بالخبطه
ومش بيقفل القفلة التانية بتاعته وبيفضل معلق على الأولى بس وممكن تكون الخبطه مخزنة
فبتخلي الباب يقفل القفلة الأولى بس ويبقى مظبوط على كده فأنت بتبقى مش حاسس او مش شايف ان الباب مش مقفول للأخر لأن عضم العربيه مخزن الخبطه ومش بيخليه يقفل للأخر
ويارب اكون وضحت الموضوع
بس مسألة ان التوكيل مش فاهم حاجه زي دي فأظن وده ظن مني الى ان يثب العكس صعب شويتين
لأن انا مالك للسيارة وعارف ان السنتر مش بيقفل لو فيه باب مش مقفول للأخر او نور الصالون برضه واي صنايعي شغال في التوكيل وركب انذار على لااقل هيبقى عارف الكلام ده
وبعدين الفنيين بتوع التوكيل يا أخواني مش بيجيبوهم ويشغلوهم عالطول كده
الناس دي بتاخد دورات في العربيه وبيبقى عارف كل حاجه فيها فده شئ صعب جدا جدا جدا
وتحياتي لك
المفضلات