الموضوع: انزار ووحدات رفع للسيريون

المشاركة الأصلية كتبت بواسطة ahmedebed

الله يعينك يا باميه يا خويا

عموما الضفيره اساسياتها في اي عربيه واحده وثابته

الكهربائي الكويس مابيحتارش ماتقلقش لا مكوك ولا فنكوش

كله حايمشي في التمام والانذار الوولف روعه روح ركب واعتمد علي الله

بس كده انت خرجت كهربه العربيه من الضمااااااان ياحلاااااااوه

شكرا ليك يا استاذ احمد بصراحه موضوع الضمان بقيت من كتر خوف الواحد منه حاسس انه مش ميزه وانه عيب والواحد بعد كده يجيب خليجي ويريح ضميره وبعدين انا راكب عربيه ياباني يعني المفروض ان استحاله يطلع فيها عيب في الكهربه بجد عيب يعني عموما انا هتوكل على الله وهروح ابص بصه على الدسوقي الكهربائي بتاعي وانا اصلا بشوفه بيعمل عمليات قلب مفتوه لميجان و307 واكتافيا واوبل وحاجات من التقيله دي وبيركب زينون وبيظبط كهربه مش معقوله المطب بتاعي هيبقي معقد عن كل دووووول ربنا يييسير الحال
علي فكره ياباشا انا اخوك شريف بلاش باميه احسن انا والله ما بحبها

المشاركة الأصلية كتبت بواسطة MoToRiZeR

مش عارف بصراحة يا شريف بس مبروك مقدماَ.

محمود حبيب قلبي ربنا يخليك كفايه ان تشاركني بس ولو بكلمه منك(تنسيني اللي شوفته معاها )

المشاركة الأصلية كتبت بواسطة mohamed_momi88

المشكله في الضمان
لو انت العربيه معاك كويسة و حاسس ان الكهربا مش هيحصل فيها مشكله في المستقبل اتوكل علي الله
انا لحد دلوقتي نفسي اركب وحدات رفع و انذار و مستحرم اركبهم في التوكيل قلت اصبر لما الضمان يخلص

محمد باشا والله انا زهقت من كتر منا كل ما اجي افككر اظبط شويه حاجات في العربيه وافتكر الضمان ده بتخنق مووووت منا صحبي معه سيراتو 2008 وبيركب حاجات بره عادي والاجمل ان الوكيل بيقوله و عايز تبقى في السليم هات اللي انت عايز تركبه واحنا نركبهولك صح وفي مره غير الكلاكس بتاع العربيه (ناوي باذن الله اغيره نا كمان لانه عامل زي صوت العرسه) غير الكلاكس واانذار علق منه عشان كان عايز كتاوت عشان الكلاكس فرده وحده وهو ركب فردتين عاد\ي خالص راح التوكيل راحو مركبينله كتاوت وخلاص على كده ولا قالوا له بقه ايه ده وعيب عليك وانت بره الضمان والكلام الفارغ ده وبعدين عيب قوي لما نركب عربيه ياباني ليها اسمها ونبقى ماشيين خايفين احسن يحصل حاجه في الكهربه ولا معرفش اركب جنوط احسن العفشه تبوظ ولا ولا ولا هو انا شاري موتوسيكل صيني ماركه حلاوه ولا ايه ده انا هتجنن واركب زينون بجد انا لسه راجع حالا من سفر الشبوره مش مممكن شبوره رهيبه الزينون بقه بينفع اووووووووي في الوقت ده احسن من النور الظريف بتاع العربيه بس الزينون ده هصبر عليه لما ربنا يسهل شويه لانه مش ضروري اوي شكرا ياباشا لردك

المشاركة الأصلية كتبت بواسطة GMakram

شريف باشا ازيك,ديما كدا عندك الجديد للمناقشه,بص انا طبعا جديد العهد زى مانت عارف فى السيريون يعنى خبرتى ضعيفه مقارنه بخبرتك الكبيره بس مفيش مانع انى ارسم نفسى عليك شويه واعمل انى واد خبره بقى :)

بص يا شريف انا عايز اوضحلك حاجه اولا,انا لما كنت فى التوكيل اتكلمت مع المهندس على موضوع الضفيره قالى حاجه:مش معنى انك ركبت حاجه برا التوكيل يبقى كدا الضفيره خرجت برا الضمان على طول كدا لاء ده مش صح,طلما ان الحاجه اللى انت ركبتها دى مسببتش مشكله فى اى حاجه تانيه يبقى كدا انت عربيتك كلها جوا الضمان عادى بمعنى انك لو رحت مثلا التوكيل عندك اى مشكله وطلع ان سبب المشكله دى لعب فى الضفيره مثلا برا الضمان يبقى كدا ضفيرتك خرجت لكن لو مشكله مش بسبب اللعب فى الضفيره برا التوكيل يبقى كدا انت فى السليم فهمت قصدى؟التوكيل مش بيتلكك
تانى حاجه انا هنا فى القاهره ركبت سماعات وركبت جى ام وفى تركيباتهم لازم يكون فيه لعب فى الضفيره,الواد اللى ركبهملى اشتغل فى الضفيره عادى خالص مكنش فيه اى اختراعات معرفش بقى فى تركيب وحدات الرفع والانزار هيكون ايه الموضوع بصراحه خصوصا ان زى مانت عارف انتشار السيريون فى القاهره اعلى من محافظات تانى كتير علشان كدا الواد هنا كان بيشتغل فيها بمنتهى السهوله,بس اللى احب اوصلهولك ان على حسب اللى شفته الضفيره مش اختراع فى سوسو اقصد السيريون
تقبل تحياتى شريف بك

جوروووووووووووووج (التلميذ الذي تفوق على استاذه(اللي هو انا) اخبار البرد معاك ايه يا مااان بالرب تكون بقيت تمام كده
قلتلي بقه ايه ياسيدي مركب جي ام وسماعات ده انت انحرفففت اوي والمفروض يقيموا عليك الحد في التوكيييل ازاي يا مفتري تركب جي ام وسماعات هاااااااااا ازااي
بص ياسيدي انا برده اول ما جبت العربيه قالولي برده لو عايز تركب سماعات ابقه تعالا واحنا نركبلك سماعات قلتلهم هو التويترات اللي في العربيه دي بتسموها سماعااات وعايزين اجي اركب سماعتين كمان منهم وطبعا نفضلتهم اخر حاجه وروحت رازع سماعتين سوني اكسبلود وغيرت الكاسيت السوني الكحيان ده وكان عندي كاسيت بايونييييييييييير وعملت رف جديد وركبت السماعتين وره والصوت دلوقتي % من غير جي ام ولا حاجه وعلى فكره تركيب السماعات ماوش دعوه بالضفيره ولا بديل الحصان ههههههههههههههههه
ممكن الجي ام يكون عايز وصله زياده لكن السماعات عادي
شكرا ليك يا جورج وكل سنه وانت طيب ياباشا

يعني دلوقتي الجميه متفقين ان الضفيره بتاعت السيريون حلوه واموره وزي ضافير البنات الحلوين و اي كوافير (قصدي كهربائي) ممكن يسرح لها ضفيرتها عادي من غير ما يبوظ التسريحه بتاعت المصنع
طيب دي حاجه حلوه خالص
طيب محدش رد عليه في الجزء التاني من السؤال وهو ان عندي لمبه الشنطه مش بتطفي وبالتالي لمبه الصالون على طول منوره ولذلك انا جايبها على off عشان ما تفضلش منوره
هل بقه لما اركب الانذار ان شاء الله هيبقي فيه تعارض بين اللمبه والانذار يعني الانذار هيبقى شايف ان اللمبه منوره يعني فيه باب مفتوح فمش هيرضى يقفل وا ايه
مع العلم انا عندي السنتر مش بيرضى يقفل خالص وانا جوه العربيه وحاطط المفتاح في الكونتاكت كل ما اقفله يفتح اتوماتيك لكن لو شايل المفتاح بيقفل عادي مش عارف ده عادي ولا عشان اللمبه منوره ولا ايه لاني مش فاكر بصراحه اول ما العربيه جت كان ايه النظام لاني ملحقتش اتهنى بيها وراحت مخبوطه
فايه بقه