الموضوع: هي اللوجان شكلها صغير ليه؟

المشاركة الأصلية كتبت بواسطة frhateg

هي كده فعلا شكلها صغير بس لكن لما تركبها تلاقيها واسعة .. اعتقد علشان عالية فتوحي اليك انها صغيرة .

+111

المشاركة الأصلية كتبت بواسطة hamadamdph

انا ححاول اقتبس مشاركة كتبتها في موضوع ثاني

البحث في الارقام العربية فعلا سقفها عالي: وسع داخلي وراحة

ولكن قاعدة عجلاتها اطول بكتير (المسافة بين العجلة الامامية والخلفية) يعني مفرووووووووووووووووودة من اولها لأخرها
لو بصيت على اللوجان ودققت فيها حتلاقي ان العجلة الادامانية يادوبك بعد الاكصدام على طول, العجلة الخلفية في آخر الشنطة
كل ده يساوي ثبات تام عن اي فيرنا او لانوس

حقولك على مفاجأة مش حتصدقها
انا معايا لانسر بومة : قاعدة عجلات اللانسر (اللااااااااااانننننننننن� �سسسسسسسسسسسسسسر) اقصر من قاعدة عجلات اللوجان : 264 سنتي مقابل 260 سنتي
تخيل

الحاجه الثانية ودي برضه حتكون مفاجأة ليك
عرض اللوجان أعرض من عرض اللانسر بوما (متخيل دي برضه)
عرض اللوجان 173.5 سنتي (195 بالمرايات) في مقابل 169 سنتي في اللانسر(مش عارف حتى اذا كان بالمرايات ولا لأ)

يعني الخلاصة عرض اعرض من اي عربية في الفئة دي
قاعدة عجلات اطول من اي عربية في الفئة دي
= ثبات ثبات ثبات اكتر اكتر اكتر

نيجي للطول
اللانسر مترامية الاطراف في طول الكبوت والشنطة (انا مش بتكلم على فيرنا, انا بتكلم على لانسر بوما عشان مسقتش الفيرنا)
فيه فرق طول بين اللوجان واللانسر بوما 30 سنتي
كلهم زيادات في الكبوت والشنطة وده بيعمل صعوبة في ركنة اللانسر, ويخليك لما تيجي تركن تلاقي نفسك حكيت من ادام خصوصا لانها عاملة زي الحربة (مدببة من النص)

مفيش سنتي في اللانسر زيادة في طول الصالون او الوسع الداخلي (يعني زيادة مبتستفدش بيها )

استاذ
احب اضيف أن اللوجان اطول من اللانوس ب 5 سم
هو يمكن الى بيدى الشعور ده هو
1 - صغر حجم الكبوت والشنطه من الخارخ طبعا ( الشنطة من جوه بحر ) الى حصل عشان يعمل الزيادة الكبيرة فى حجم صالون العربية
وأنا هعمل ايه بزيادة طول الكبوت مثلا ده عيب مش ميزة زى ما الدكتور أحمد قال
2- ارتفاع العربية عن الارض وارتفاع السقف وارتفاع سقف الشنطه ممكن زى ما الاخوه قالوا يكون هو الى بيدى الايحاء ده

يعنى الواقع أن حجم لوجان كبير بس هى ابعادها بتدى ايحاء بانها اقل شويه

هو الموضوع له علاقة من ناحية ما بالخداع البصرى ..
واللى بيساهم فى الـ illusion دملكة الشنطة والكبوت ، وارتفاع السقف.

فاكر لما كانوا يجيبوا خطين ويقولوا أى واحد فيهم أطول من التانى ، كلنا كنا بنختار الخط اللى واضح جداً انه طويل، وفى الآخر يطلعوا أد بعض ..

أبعاد اللوجان شبيهه بالـ illusion اللى فى الصورة دى ..



وزى ما انت شايف بالرغم من الخط a واضح انه أطول من الخط b ، إلا ان بالمسطرة الاتنين طول بعض.

المشاركة الأصلية كتبت بواسطة egyzizo

هو الموضوع له علاقة من ناحية ما بالخداع البصرى ..
واللى بيساهم فى الـ illusion دملكة الشنطة والكبوت ، وارتفاع السقف.

فاكر لما كانوا يجيبوا خطين ويقولوا أى واحد فيهم أطول من التانى ، كلنا كنا بنختار الخط اللى واضح جداً انه طويل، وفى الآخر يطلعوا أد بعض ..

أبعاد اللوجان شبيهه بالـ illusion اللى فى الصورة دى ..



وزى ما انت شايف بالرغم من الخط a واضح انه أطول من الخط b ، إلا ان بالمسطرة الاتنين طول بعض.

والله برافو عليك
ده نفس الى كنت باقصده بكلمة ايحاء بس أنت وصلت الكلام ببساطة ووضوح واختصار