استاذ احمد اسماعيل
بجد بجد
الله ينور عليك
متفق معك فيما ذكرته فى الرد على عمرو اديب
--------------
اتمنى ان القاك فى السويس قريبا
عرض للطباعة
استاذ احمد اسماعيل
بجد بجد
الله ينور عليك
متفق معك فيما ذكرته فى الرد على عمرو اديب
--------------
اتمنى ان القاك فى السويس قريبا
مين في العالم لا يملك توجه سياسي ؟؟ رفضي او تأييدي للجدار في الغالب سيكون نابع و معبر عن توجهي السياسي، هكذا انا و كذلك انت و الجميع.
و لاختصار الوقت لضيقه بالنسبة لي، تأييد النظام المصري لأبو مازن او حماس لا مجال فيه لالقاء التهم او اللوم، فكما يؤيد البعض حماس، فمن حق الاخرين تأييد فتح، او اللا-تأييد للطرفين، كل علي حسب توجه، و عن نفسي استطيع ان اتفهم تأييد النظام المصري لجانب ابو مازن، و اسمحلي ان اعطيك مثال بسيط، و سريع، لو لك جار بلطجي (او فلنقل ان شقة جارك احتلها بلطجي) له من النفوذ و المال متسعه، جربت معه كل الوسائل للحصول علي حق جارك صاحب الشقة الاصلي مع الحفاظ علي سلامة شقتك، و لم تجدي معه نفعاً، فجربت البلطجة و كان تأثيرها محدود، جربت الوسائل القانونية، و لكنه صاحب نفوذ هائل لدي القضاة ...الخ، و في النهاية ادركت ان الحل الاوحد هو المفاوضات و بدأت فعلاً في الحصول علي بعض الحقوق، و مازال في الطريق هناك الكثير من الامال، و قد صرفت من مالك و جهدك و دمك الكثير للحصول علي بعض الحقوق المسلوبة، ثم يظهر ابن اختك الصغير الطائش الواهم قليل الخبرة و ذو الصداقات المشبوهة و يبدأ في افتعال المشاكل تلو الاخري بإيعاذ من اصدقائه المشبوهين بغرض ارجاع القضية لنقطة الصفر، و كأن تعبك و دمك ووقتك علي وشك الذهاب سدي، حيث ان عدوك البلطجي لا يتمني غير ذلك و هو اكبر المستفيدين بالرجوع للنقطة صفر، فماذا انت فاعل بابن اختك يا صديقي ؟؟
بغض النظر عن موضوع ابن اختك الظريف ده طبعا قياس باطل
لكن انت جبت مربط الفرس انت شايف ان حل القضية الفلسطينة بالمفاوضات و ده مش حقيقى لو كان حقيقى كانت المفاوضات جابت حل من ثلاثين سنة لكن اديك شايف الوضع زى ما هو و ديه القناعة اللى عند الشعب الفلسطينى و على الاساس ده تم اختيار حماس اختيار لخيار المقاومة
انت بقى بقيت مشارك فى حفلة العقاب الجماعى اللى بتمارس على الشعب الفلسطينى لختيارة
شخصيا انا شايف ان الناس في العالم كله بدأت تحس بالشعب دا و بالناس هنا في المنطقه دي من العالم :)
عموما شوف الخبر دا :)
Ultra-Orthodox Jews make rare visit to Gaza - Israel News, Ynetnews
مش عارف الموقع اليهودي دا ليه مرضيش يكتب الحكومه المقاله , او بلطجه حماس او جليطه حماس :)اقتباس:
بالنسبه لباقي كلام حضرتك , انا فاهم انت مقتنع بأيه , بس السياسيين الاسرائيليين مبيبطلوش كلام عن السلام و المفاوضات , و مش حيجي سلام الا في حاله الضغط عليهم , اذا كان اتفاقيه كامب ديفيد متعملتش الا بعد حرب , و كمان لسه فيها شروط مجحفه جداا في حق السياده المصريه !!!
خيار المقاومةالمسلحة
اسرائيل هربت من غزة و عملت موضوع الانفصال احادى الجانب ده بعد ما شافت الويل و اصبحت غزة هى بيت الرعب بالنسبة ليهم و محدش عايز يروح يخدم هناك فى الجيش
اصل انت مش بتقوله سيب حته الارض ديه و حتعيش سوا
لا موضوع فلسطين
يا انا اعيش يا انت تعيش
بدات فعلا الحصول على بعض الحقوق وهى حصار غزة وتجويعها وقتا 1400 شهيد ومنع جميع المساعدات لها بناء مستوطنات جديدة فى الضفة الغربية والقدس الشريف
تهويد القدس وتهجير المقدسيين واعتقال الفلسطنيين والزج بهم فى سجون الاحتلال
مازال فى الطريق الكثير من الامل اللهو طبعا هدم المسجد الاقصى واقامة الهيكل الزعوم طرد جميع الفلسطنيين من القدس وتهويد المدينة بشكل كامل قتل اللسطنيين فى غزة بالاسلحة المحرمة دوليا طبعا بعد مايخلصو على فلسطين هاييجو مصر ليحققوا حلم دولة اسرائيل الكبرى
واالاسف لسه فى ناس منا مش فاهمة حاجة وماشية ورا الحكومة وخلاص واجوا من الذين يكررون كلام الحكومة ان يحكموا عقولهم اولا
اللى مش فاهمين بيكلموا وخلاص واحنا مش معاهم
اذا كنت انا مشارك في حفلة العقاب الجماعي، فمايسترو الحفل هي ايران و قائد الاوركسترا هي حماس، و اذا كانت حماس علي ثقة من اختيار الشعب لها فلتقبل بالانتخابات مرة اخري، و لكن حماس لا تعترف الا بانتخابات المرة الواحدة،، و نرجع نقول ليس كل شئ تآتي به الانتخابات هو الصالح بالضرورة، فهتلر و الذي ظنته المانيا يوماً انه بطل جاء ايضاً عن طريق الانتخابات،، و لو عاد الزمن بالألمان لكانوا وضعوه في مستشفي المجانين قبل ان يعطوه اصواتهم مرة اخري...
اما كونك لم تذكر اسباب فساد قياسي بالنسبة للمثل الذي اعطيته، فاسمحلي ان اسألك، الم تختلف مع صديق لك يوماً و تخبره ان طريقك غير طريقه و اختيارك غير اختياره ؟ اختيارنا و رهاننا كان علي السلام، في حين ان اختيارك و رهانك كان علي المقاومة، اذن لا انت مجبر علي اختياري، ولا انا مجبر علي اختيارك، و طريقك غير طريقي، و ليس من حقك ان تجبرني علي السلوك في طريق بعينه اذا كنت انا اري نهايته خراب و دمار لمجهودي في الخمسين سنة الاخيرة.....
بغض النظر عن الجدار...وهل هو قرار سليم ام لا...
بعض الحقائق الجديرة بالذكر عن هذه الأنفاق...(لست واثق من مدى صحتها)
يتم انشاء الأنفاق بالاتفاق بين جانب فلسطيني وآخر مصري...تبلغ تكلفة انشاء النفق الى ما يزيد عن مليون دولار...ومنها ما يتسع لعبور سيارات محملة بالبضائع...
يصل طول النفق احيانا الى ما يقرب من الكيلو متر...
المواد التي تعبر عبر الأنفاق يتم دفع مبالغ مالية مقابل عبورها...ويتم التقييم على اساس الحجم وليس المحتوى...مهما كان
ويقال ان تكلفة انشاء النفق تجمع خلال 3-4 اشهر...
اذن هي انفاق مجهزة ويتم حفرها بكل تأكيد بمعدات حديثة...وليس بالفأس والمعول...
كذلك الجانب الفلسطيني هو الذي يتولى عملية الإنشاء بالكامل...
والجانب المصري يتحمل جزء من التكلفة ويأخد من الأرباح...
بيزنس ضخم جدا...
وددت ان اوضح الصورة للأعضاء ليدركوا ماهية الأنفاق محل الخلاف
و مين قال ان حماس مش قابلة بانتخابات مرة تانية
ديه فضايح السلطة و فتح بقيت على عينيك يا تاجر و خلاص بقى الموضوع رسمى و شعبية فتح بقيت فى الحضيض
و مين قال ان الانتخابات لا تاتى بالصالح طيب يا ترى ديه احطها فى خانة ازدواجية التفكير يعنى الانتخابات كويسة طالما بتجيب اللى انا عايزة ووحشة لما متجيبش اللى انا عايزة
ممكن بقى تفهمنى ازاى حماس هى الللى بتقودالاوركيسترا عشان مش فاهم هو الناس مطلوب منهمانهم يرضخوا ليك و يتذلوا عشان ياكلوا لو كده يبقى ده اسلوب حقير
حقول لحضرتك قياس فاسد ليهاقتباس:
اما كونك لم تذكر اسباب فساد قياسي بالنسبة للمثل الذي اعطيته، فاسمحلي ان اسألك، الم تختلف مع صديق لك يوماً و تخبره ان طريقك غير طريقه و اختيارك غير اختياره ؟ اختيارنا و رهاننا كان علي السلام، في حين ان اختيارك و رهانك كان علي المقاومة، اذن لا انت مجبر علي اختياري، ولا انا مجبر علي اختيارك، و طريقك غير طريقي، و ليس من حقك ان تجبرني علي السلوك في طريق بعينه اذا كنت انا اري نهايته خراب و دمار لمجهودي في الخمسين سنة الاخيرة..
انت بتتكلم عن شخصين او افراد لكن اللى على ارض الواقع حال شعب باكملة ءموج بجميع الاراء و له اتجهات مختلفة
فى فريقين رئيسيين فيه لكن كل فريق بيمثل جزء صغير من الشعب
الشعب هنا بيختار الفريق اللى بيعبر عنه و عن مصالحة مش بالعافية عايز تاخد القضية ناحية التسوية الشاملة و تسي حقوق الشعب ده
و الشعب قال كلمته و رفض الاتجاه الاخر
و اظن الديموقراطية هى حكم الاغلبية مش حكم اللى حضرتك شايفة صح او احق
اما بقى مجهودك خلال خمسين سنة هو فين على ارض الواقع اللى المكتسبات اللى اخدتها
لما الاقيك بتحاول تفنش القضية و بتبيع لا يبقى لازم افرملك اوقلك استوب عندك
في حقيقة الامر يا صديقي ان الموضوع اكثر تعقيداً من ذلك، و هو ما تدركه القيادة المصرية، ففي حقيقة الامر لا يتمني احد منا اقل من زوال اسرائيل بالكامل و رجوع الارض للفلسطينيين بشكل كامل، و لكن في حقيقة الامر ان الاحتلال الاسرائيلي يختلف اختلاف تام عن اي احتلال مرت به مصر او اي دولة عربية او غيرها، فالاحتلال الاسرائيلي مبني علي خلفية دينية، و لا تكتمل الديانة اليهودية بدون تلك الارض، و ليس احتلال مصالح او استراتيجي، اذا ما صعب تحقيق المصلحة او الهدف الاستراتيجي ينفض الاحتلال.... كما ان القيادة المصرية بخبرتها في هذه القضية تعرف ان المقاومة المسلحة لا تشكل تهديد حقيقي لاسرائيل، بل تنتج بعض التحركات الشبيهة بحركة قطع الشطرنج، و اذا ما حدث تهديد حقيقي و فعلي، فستجد كل القوي العظمي من امريكا للاتحاد الاوروبي للتحالفات العسكرية في صف اسرائيل،، و اذا استطعت التغلب عل كل هذه القوي، فلن تترك لك اسرائيل الا ارض محروقة قد لا تستطيع العيش فيها لبعض المئات من السنين، و ارجوك يا صديقي افهمني، فانا لا اثبط الهمم و العزائم، و لكني احذرك من ان عدوك مجنون تحركه الايدولوجية و ليست المصالح، و ذلك يتطلب حكمة و خبرة في التعامل معه.....
كل واحد شايف الموضوع من وجهة نظره , لكن بس محدش يفتكر ان فلسطين هتتحرر .
فلسطين ستظل محتلة الى يوم القيامة الى ان تقوم القيامة و يحررها المسلمين و طبعا محدش محتاج شرح عن ايه الى هيحصل .
دى الحقيقة اللى مش عايزين نشوفها و عمالين نجلد فى ذاتنا و نشتم فى الحكومة المصرية و نختلق اى سبب علشان نقول ان مصر هى السبب و تواطيء مع الجانب اليهودى .
اكررها , حكومة مش محتاجة شهادة انها حكومة ............ , و لكنها مع الجانب الفلسطينى بالذات مأثرتش نهائي و لو فى جريمة يبقي العرب كلهم شركاء و ده الاخر ..
عموما انا لم اقصدك انت بالذات بس واضح ان انت قاعد بره واتاثرت بيهم ومتعرفش حاجة عن مصر ولا الى بيحصل فيها من جراء حكومة متخلفة فى كل القطاعات
وواضح كمان ان حضرتك متعرفش كتير عن فلسطين ولا الى يحصل فيها ولا المفاوضات الى حضرتك بتكلم عنها لدرجة ان ابو مازن ودا اكتر واحد مع اليهود يأس من خداع اليهود وقرر انوا يستقيل
وعلى فكرة انا دكتور يعنى مش فى ثانوية عامة ولا حاجة
بس اللى بيضايقنى الناس الى عايزة تموت القضية الفلسطينية وملهمش دعوى بالاقصى الاسير الذى يئن توجعا من دنس اليهود وغفلة من المسلمين البعيدين عن دينهم
بالعكس انت مش بتثبط همه و لا حاجه انت اصبت كبد الحقيقة
عدوك بيتحرك على اساس دينى عقائدى
والقاعدة بتقول لا يفل الحديد الا الحديد
الحل الوحيد لزوال دولة اسرائيل
لا مفاوضات ولا يحزنون
الحل هى عقيدة اقوى و ارسخ من العقيدة الاخرى تنتصر عليها
هى حرب عقائدية عندما يفيق المسلمين من سباتهم حتما ستقذف اسرائيل فى البحر المتوسط
{وَلَقَدْ أَرْسَلْنَا مِن قَبْلِكَ رُسُلًا إِلَى قَوْمِهِمْ فَجَاؤُوهُم بِالْبَيِّنَاتِ فَانتَقَمْنَا مِنَ الَّذِينَ أَجْرَمُوا وَكَانَ حَقًّا عَلَيْنَا نَصْرُ الْمُؤْمِنِينَ} (47) سورة الروم
ديه سنة من سنن الله فى الارض
و ربنا مش حينصرنا الا لما
{يَا أَيُّهَا الَّذِينَ آمَنُوا إِن تَنصُرُوا اللَّهَ يَنصُرْكُمْ وَيُثَبِّتْ أَقْدَامَكُمْ} (7) سورة محمد
سنن الله فى الارض لا تتغيير ولا تتبدل
حنتمسك بديننا و ننصر الله
حيكون النصر حليفنا
هو خيار المقاومة يا صيدقى
و ان لم نفعل
حيكون ده النتيجة
{إِلاَّ تَنفِرُواْ يُعَذِّبْكُمْ عَذَابًا أَلِيمًا وَيَسْتَبْدِلْ قَوْمًا غَيْرَكُمْ وَلاَ تَضُرُّوهُ شَيْئًا وَاللّهُ عَلَى كُلِّ شَيْءٍ قَدِيرٌ} (39) سورة التوبة
{هَاأَنتُمْ هَؤُلَاء تُدْعَوْنَ لِتُنفِقُوا فِي سَبِيلِ اللَّهِ فَمِنكُم مَّن يَبْخَلُ وَمَن يَبْخَلْ فَإِنَّمَا يَبْخَلُ عَن نَّفْسِهِ وَاللَّهُ الْغَنِيُّ وَأَنتُمُ الْفُقَرَاء وَإِن تَتَوَلَّوْا يَسْتَبْدِلْ قَوْمًا غَيْرَكُمْ ثُمَّ لَا يَكُونُوا أَمْثَالَكُمْ} (38) سورة محمد
سنن الله واضحة وضوح الشمس
لكن كثر الكدخلات و الوش الكتيير اللى بقى حوليين دماغنا بيخلينا ننسى ابسط قواعد اسلامنا
اممم معتقدش ان في حاجه مثاليه في الفتره دي , لما نحرر نفسنا الأول , ساعتها حيبقي عندنا خيارات و "القدره" :) اللي علينا الفتره دي اننا نحاول نرحمهم و منزودش الحصار عليهم و نحاول دعمهم . مش اكتر :)
اكيد حضرتك لو تعرف في يهود كتير جداا ضد اسرائيل , حاخامات و سياسيين و ناس عادييناقتباس:
في حقيقة الامر يا صديقي ان الموضوع اكثر تعقيداً من ذلك، و هو ما تدركه القيادة المصرية، ففي حقيقة الامر لا يتمني احد منا اقل من زوال اسرائيل بالكامل و رجوع الارض للفلسطينيين بشكل كامل، و لكن في حقيقة الامر ان الاحتلال الاسرائيلي يختلف اختلاف تام عن اي احتلال مرت به مصر او اي دولة عربية او غيرها، فالاحتلال الاسرائيلي مبني علي خلفية دينية، و لا تكتمل الديانة اليهودية بدون تلك الارض
خلاص جميل، الشعب اختار الطريق اللي هو شايف فيه مصلحته، و اللي هو طريق غير طريقي و بيضر بمصلحتي، دعواتنا القلبية بالنجاح و التوفيق، بس احنا اسفين عندنا ظروف ما تسمحلناش نمشي معاكم في الطريق ده، بعد اذنك انا مضطر اقفل الباب علشان جايب برد علي العيال عندي في البيت، بس اوعي تقول اني اتخليت عنك، انت اللي اخترت الطريق الغير مناسب لي و ربنا يوفقك....
و بالمناسبة، في الدول الديمقراطية بتتعمل الانتخابات كل فترة لاعادة تقييم اداء الحكومات، فاذا كانت حماس علي الشعبية الجارفة اللي حضرتك بتقول عليها، يدخلوا الانتخابات تاني و يتثبتوا من شعبيتهم و يا دار ما دخلك شر
ديه روح انهزامية اتكالية غلطت انها تكون موجودة فينا
فلسطين سوف تتحرر لا محالة
وعد الله لينا
{وَعْدَ اللَّهِ لَا يُخْلِفُ اللَّهُ وَعْدَهُ وَلَكِنَّ أَكْثَرَ النَّاسِ لَا يَعْلَمُونَ } (6) سورة الروم
النصر حليفنا فى النهاية
كل اللى بتحاول اسرائيل و امريكا و الصهيونية العالمية انها تاخر موضوع هزيمتهم فقط
و افتكر مقولة لجولدا مائير لما سُئلت سؤال انها عارفة ان مصير اسرائيل الى زاول
قالت يكفى اننا راينها تقوم ولياتوا من بعدنا ويروها تزول
شايف همتها عالية ازاى صاحبة العقيدة الفاسدة
هما عندهم قناعة انهم مش مكملين فيها
كل اللى بعملوا بياخروا يوم خروجهم
واحنا للاسف بنساعدهم على كده باستسلامنا و خنوعنا و خضوعنا لمخطاطهم
لكن ربنا حينصرنا فى النهاية لا محالة
استاذ توت
كيف حالك اولا ...
ثانيا رأيك بالطبع علي العين و الراس
و رأي حضرتك بالذات له احترام زائد لدي لما لمسته في شخصيتك الكريمة من رقي بالغ و المام بأداب الحوار في مواقف سابقة
فجزاك الله خيرا ...
لكن علي الارض يختلف الواقع تماما ...
طبعا هناك موضوع سابق تحدثت فيه مطولا عن الخطة الاسرائيلية لالحاق او تدبيس غزة لمصر
و لن نكرر الكلام مرة اخري منعا للملل
نأتي للجديد ...
ما هي معلومتنا كمصريين عن الواقع الامني في سيناء ؟!
و اسمح لي و ليسمح لي الافاضل بتوضيح الصورة علي الارض و مقارنتها بخمس سنوات مضت ...
منذ سنوات قليلة مضت كان الامن بشكل كبير يعم شوارع و مناطق سيناء ليس بصورة مطلقة و لكن بشكل كبير يسمح لك و كمصري اقمت في العريش كبري مدن سيناء كثافة بالسكان 17 عاما ان اترك سيارتي مفتوحة ليل نهار و طوال الليل مفتوحة تماما و الزجاج غير مغلق لأصعد الي مسكني و اهبط اليوم التالي فأجد كل شئ في مكانه
امان مطلق تمشي في اي مكان لا مشكلة
اليوم او بالتحديد منذ عامين
زادت الجرائم بشكل مخيف و اصبحت في عز الظهر
ليس بسبب الفقر او البطالة
فمن يرتكب الجرائم هم فئة من البدو " تحديدا من يعمل بالتهريب"
لنبحث معا في الاخبار منذ عاميين لنري كيف قامت قوافل من البدو بسياراتهم الغير مرخصة موديل العام بالنزول الي ثاني اكبر ميدان عام في العريش بالبنادق الالية امريكية الصنع موديل العام علي مقربة من قسم شرطة لتطلق الاعيرة النارية و تحطم المحال لخلاف بسيط علي شراء موبايل من احد المحلات هناك لشخص ينتمي لعائلة الفواخرية
و انتهي الامر بمقتل شخصين كما اتذكر و تدمير ممتلكات ناس ابرياء
و كانت هذه الحادثة هي البداية لسلسلة من حوادث العنف و السرقة و اختطاف الاناث من قلب الميادين العامة في عز النهار " اخرها محاولة اختطاف بميدان جامع التصر "
من اناس يمتلكون احدث السيارات و الكثير من المال اي انهم لا يشتكون من فقر او عوز
انما زاد عليهم المال الوفير نتيجة التهريب و السلاح الذي يأتي من الانفاق للاسف
و للعلم المخدرات و السلاح تدخل الي غزة من اسرائيل وكله بثمنه
و منها الي مصر عبر الانفاق !!
قلة منهم اصبحت تسطو علي السيارات علي طريق العريش القنطرة بالاسلحة
و الاخرين اصبحوا يقطعوا الطريق مما استلزم تجريد حملة من قوات امن بورسعيد و الاسماعلية لتطهير الطريق منهم بالقوة
و هم يقاتلون بالسلاح !!!
المصيبة ان الحكومة مهما فعلت لن تستطيع ان تسيطر علي هولاء القلة الخارجة عن القانون مثيري الشغب
لأن الوضع هناك غير الوضع في وادي النيل " كما يقول اهل البلد "
ففي الوادي انت انسان معروف له محل اقامة معروف و محل عمل و معروف اقاربه و اماكنهم و معروف ان يمكن ان تذهب او تختبئ عند من
اما هناك حيث افراد العائلة كلهم سلمان و سلمان و سليمان و سالم الي اخر هذا التشابه
و ليس هناك مكان لهم محدد
فهذه خيمة و جوارها خيمة
و هناك مغارات في الجبال
و وديان
و دروب لا يعرفها الا هم و ابناء جلدتهم ...
فما العمل غير قطع الطريق الاساسي عليهم
و لا يهمني صراحة من يدفع لتمويل الجدار
كما لا يهمني ايضا كيف ستنقص الاموال لدي الفلسطنين علي الطرف المقابل من الانفاق
و ما يهمني هو ان تنتهي الفوضي التي تجعل ابي في سنه هذه يتحمل الجلوس في سيارته انتظارا لانتهاء درس اختي الصغري خوفا عليها من المضايقات
بعدما كانت اختها الاكبر منها منذ سنوات خلت تستطيع العودة الي البيت شتاءا بعد انتهاء الدرس في العاشرة مساءا دون ان يمسها سوء هي و زميلاتها
و ما اعرفه ان هناك معبر اسمه معبر العوجة " كرم ابو سالم " مجهز تجهيزا كاملا تعبر اليه كل يوم شاحنات البضائع بكافة انواعها من مصر الي اسرائيل و منها الي غزة
هل سمع به احد ؟!
للاسف هناك من يتلاعب بالامور لصالحه
و مثلما تظاهر غربيون سابقا في قلب اسرائيل ضد اسرائيل فلماذا لم يذهبوا هذه المرة
و لماذا كبري الصحف البريطانية اليوم تتهم مصر بارتكاب جريمة
و لماذا دعاوي مقاطعة البضائع المصرية
خطة قذرة
و اسرائيل صامتة و امريكا تشاهد
و نحن للاسف نضغط و نتهم من غير ان نعلم ما يجري علي الارض
و سيدي الكريم العقيد خالد انت محق بالفعل فالعرب لا يستحقون منا اي جهد او محاولة استرضاء لاحد
و للعلم تأكيدا علي حديثك
كما ذكرت سابقا كان جدي لامي معلما و انتدب في الستينات تحديدا في منتصفها للعمل بالجزائر براتب له و لزملائه من المصريين تتكفل به خزينة الدولة العبيطة - اعتذر - اي مصر
و بالطبع اصطحب جدي اولاده معه هناك للاقامة
و لن احكي عن صنوف الاهانة التي كان يتعرض لها جدي و اولاده بدءا بولد الفول و الطعمية و انتهاءا بالسب و القذف
و كل هذا و مصر كانت وقتها من كانت
و عبد الناصر ملئ السمع و البصر
لكن لا فائدة هم هكذا
و سيظلوا هكذا ...
و نحن لسنا بحاجة لأحد منهم و هذا حقيقة
هم بحاجة الينا و هذا هو حالهم امة منتهكة بعدما تراجعنا
دعونا لا نتأثر و نخلط الاوراق ببعضها دعونا ننظر الي مصالحنا و اهدافنا اولا
و لا نجعل نظرتنا السيئة " و هي علي حق في امور كثيرة" الي من يحكمنا تصبغ كل افكارنا
نعم من يقود مخطئ و يقودنا من فشل الي فشل حتي ما يحدث من ازمة المتظاهرين و طريقة ادراتها السيئة تدل علي ذلك
لكن في بعض الاحيان يجب الاعتراف ان ما يفعل الان لصالحنا
نحن مهانون و مكروهين مهما فعلنا
فدعونا لا نتلفت اليهم و نمضي الي مصالحنا
عندما ننتبه الي مصالحنا عندها فقط ..
ستحل القضية من جذورها و لن يكون هناك وجود لمشكلة اسمها اسرائيل ..
و يمكن للعرب وقتها البحث عن مشاكل جديدة ليغرقونا فيها كعادتهم المقيتة
مفيش حد بيعمل كده
هو اللي بيعمل كده مش بيحاول تثبيط عزيمة قدر ما هو مقتنع بما يقوله
بالاضافة الي ان الخلاصة مع احترامي لكافة الاراء المعارضة
لا حل و لا سبيل الا بالقتال
اما خلاف ذلك فهو تضيع للوقت
لكن السؤال الحقيقي
كيف و متي تقاتل و ليس السؤال
اسنقاتل ام لا
و القتال ليس دفاعا عن احد
فلا احد يستحق للاسف
انما نقاتل في سبيل الله و دفاعا عن قضية عادلة و عن خطر يتهددنا
اما غير ذلك و مع احترامي لأي اراء مخالفة
لا يوجد اي حل ...
اخيرا لا يوجد اي دليل علي ان المواجهة المقبلة ستكون هي النهاية التي تحدث عنها القران الكريم
و اري ان الاعتماد علي مثل هذا فيه نوع من التواكل لربما يفسر واقعنا
خالص احترامي للجميع
حماس منذ عام كامل و شعبيتها تتراجع بشكل مخيف
و هذه اقوال اسمعها بنفسي من فلسطنيين يخرجون من غزة الي مصر عبر رفح
و اسمعها كثيرا
و تحديدا عن الفساد المنتشر و الثراء الذي لحق بأصغر افرادها
لكن هذا لا يعني انه سقوط لخيار المقاومة فالمقاومة ليس ممثلة في حماس و ليست حكرا علي احد
و لربما كان اكبر انتصارات حماس و اكبر خطاياها في ان واحد هو النجاح في الانتخابات و الدخول الي معترك الحياة السياسية
سواء ده كان ردك او غيره، انا كنت كده ولا كده هكتب اعتذرلك حتي و لو كنت لسه في اعدادي، لاني ليس من طبعي الغلط في حد، بس كلامك كان استفزازي من الدرجة الاولي، و عيب لما توصف المخالفين لك بانهم مش فاهمين، بل بالعكس انت فاهم و انا فاهم، و لكننا مختلفين في وجهات النظر، انت شايف ان طريقتك هي الامثل و انا ايضاً شايف ان طريقتي هي الامثل، و كلانا رأيه يحتمل الخطأ او الصواب....
بالنسبة لوجودي في الخارج، فهو وجود مؤقت لمهمة معينة لم تزد عن ثلاث سنوات، و اعرف اخبار مصر و المنطقة اكثر ما اعرف اخبار الحي اللي انا ساكن،، حتي التلفزيون عندي مش بيشتغل غير علي القنوات المصرية و العربية،، بس تقدر تقول ان وجودي خارج مصر اداني فرصة للتفكير بصفاء و هدوء اكثر.... و في النهاية ارجوك تقبل اعتذاري
مش بقولك الموقف اكثر تعقيداً ؟؟ اولاً اني اكون علي الحياد مش معناه اني اسيب حدودي وكالة من غير بواب، و استطيع ان اعددلك اكثر من ١٠ اوجه للخطورة من هذا الوضع
ثانياً: هناك طرف في الموضوع، طريقه يتفق مع طريقي، بل انه عاني معايا فترة كبيرة من الزمن و يطلب معونتني، فكيف اتخلي عنه، في حين وقوفي علي الحياد قد يضر بهذا الطرف ؟؟؟
د \ زيزو احييك بشدة على مشاركتك القيمة دى ..
و للاسف الاخوة الاعزاء مازالوا يفكرون بعواطفهم حتى الان ..
حضرتك اتفاقية كامب ديفيد هى اللى متسببة فى وضعك الامنى حاليا فى سيناء
انت سيادتكعلى سيناء سيادة منقوصة ليك عدد معين من قوات الشرطة تتواجد فيها و البدو ( الاعراب ) بطبيعتهم عصاه و معظمهم مهربين مخدرات و لى وقعة شخصية تعرضت ليها فى سيناء و اترفع عليا سلاح من خمس سنوات هناك
متجيش حضرتك ترجع فشلك الامنى فى سيناء على الاانفاق و نوهم انفسنا ان السلاح اللى معاهم ده من غزة
حضرتك علاقات بدو سيناء مع المهربين الاسرائليين كبيرة جدا و هى السبب فى الوضع الحالى و متهيالى وضع عصابات تهريب الافارقة لاسرائيل اكبر دليل ان التهريب فى الاصل مع الجانب الاسرائيلى ومعظم علاقات البدو مع الجانب الاسرائيلى
فده مش مبرر ابدا اولا ورينا الرجولة و الشطارة على طول الحدود لكن انت قصرته على منطقة معينة فقط
يبقى الواضح من القصد مش تامين حدودك و الا كان اولى تامن حدودك مع اليهود اللى بيجليك منهم البلاوى المخدرات و السلاح لكن الواضح انه خطة لاحكام الحصار على غزة اقتصاديا فبالتالى محاولات تبرير الوضع الحالى بالمحافظة على امن مصر القومى مكشوفة اوى
حضرتك العالم كله معتقد و بقى عنده قناعة ان اسرائيل هى عدوة فلسطيناقتباس:
و ما اعرفه ان هناك معبر اسمه معبر العوجة " كرم ابو سالم " مجهز تجهيزا كاملا تعبر اليه كل يوم شاحنات البضائع بكافة انواعها من مصر الي اسرائيل و منها الي غزة
هل سمع به احد ؟!
للاسف هناك من يتلاعب بالامور لصالحه
و مثلما تظاهر غربيون سابقا في قلب اسرائيل ضد اسرائيل فلماذا لم يذهبوا هذه المرة
و لماذا كبري الصحف البريطانية اليوم تتهم مصر بارتكاب جريمة
خلينا نمشى بمنطقية واحدةواحدة
هل يا ترى اطلب من العدو انه يرأف بضحيته ولا اطلب من الجار المحايد دخلو المساعدات لمتضرر
يعنى بحارب ناس حدخلهم مساعدات اظن ابسط قواعد علم المنطق تتنافى مع ده
اقتباس:
و لماذا دعاوي مقاطعة البضائع المصرية
خطة قذرة
و اسرائيل صامتة و امريكا تشاهد
و نحن للاسف نضغط و نتهم من غير ان نعلم ما يجري علي الارض
نحن للاسف من ارتضينا لانفسنا هذا الوضع
نحن من تبنينا الاجندة الامريكية الصهيونية
نحن من اصبحت سيناء مسرح للعمليات و الاتفاقات الامريكية الاسرائيلية
حقائق لا تقبل الجدال
كلام مبهم يحتاج للتوضيحاقتباس:
عندما ننتبه الي مصالحنا عندها فقط ..
ستحل القضية من جذورها و لن يكون هناك وجود لمشكلة اسمها اسرائيل ..
و يمكن للعرب وقتها البحث عن مشاكل جديدة ليغرقونا فيها كعادتهم المقيتة
اه الكلام ده اللى مطلق على عواهنه
هو فى حد قال لما نفتح المعبر و يبقى عليه رقابة كلملة ومعروف مين داخل ومين خارج و كل مستجل ومتاييد
يبقى انا كده سايب الحدود وكالة من غير بواب
معلهش كلام مش منطقى اللى حاصل دلوقتى هو اللى من غير بواب
و انت مش قافل الحدود بمزاجك انت متبنى الموقف الامريكى صراحة و مش عايز تفتح الحدود و قافل المعبر
لو كنت فاتح المعبر من الاول مكنش حد قالك حاجه على الانفاق لكن انت موقفك وصورتك مفضوحة امام العالم
الا ترى حضرتك ان القتال فى سبيل المسجد الاقصى ليس فى سبيل الله وتحريرفلسطين ليس دفاعا عن قضية عادلة يبقى كدا المجاهدين فى افغانستان والصومال والشيشان مابيدفعوش عن قضية عادلة
وبعدين انا مش بقول اناحنا نحارب لا بس على الاقل مانحربش المقاومة فى غزة المفروض نساعدهم على الاقل وبعدين ان غدا لناظره لقريب يعنى لو احنا منعنا المقاومة دلوقتى وجت اسرائيل احتلتنا تانى لقدر الله هايبقى ساعتها ممكن نطلب منهم ان نهرب اسحلة علشان نحارب بيها اسرائيل
اولاً احيي دكتور زيزو علي رأيه المتميز كالعادة....
ثانياً: حضرتك حاول تاخد كلامي ككتلة واحدة بدون تجزئة، يعني عايزني افتح المعبر علشان ادعم نظام حماس في جليطته و مساعدته في التسويف و ابقاء علي فلسطين منقسمة لدولتين لصالح الاحتلال الاسرائيلي ؟؟ يا استاذي احنا دلوقت نسينا كل حاجة عن الاحتلال و بدلاً ما نتكلم عن المفاوضات الفلسطينية - الاسرائلية، اصبحنا بنتتكلم فقط عن المفاوضات الفلسطينية - الفلسطينية، و دخلنا مصر في اللعبة، و الله انا ابتديت انسي ان في اسرائيل محتلة اراضي فلسطينية و محاصرة غزة
انت عايز تجبر حماس على حاجات هما رافضينها
حماس رافضه تمضى على شئ مش فى مصلحتها و مصلحة من اختاروها و ده حقها
يبقى قولها بصراحة
ايوه انا مشارك فى حصارهم عشان مش راضيين يخضعوا و يرضوا يمضوا على اللى بقول عليه
يبقى كده نستاهل كل اللى بيتقال علينا و احنا نفسينا معترفيين بيه
احنا محاصريين شعب غزة لاختلاف وجهات النظر
و لتذهب المروءه الى الجحيم
اول حاجه ابدي احترامي الكامل للاستاذ توت و لكني مع الاستاذ زيزو في رايه
و عاوز اقول ان لو دم مصري واحد حتتحفظ علشان خاطر الجدار ده يبقى انا موافق عليه
لانه ممكن يكون حد من قرايبك اخوط ابنك مينفعش و خلايا حزب الله اكبر دليل
شوف احنا مسكنا كام خليه ليها علاقه بحماس دا غيرالعمليات بتاعه الحرس الثوري مينفعش طبعا الهبل ده
ثانيا غزه حاجه و حماس حاجه مش اللي بتقوله حماس هو راي القطاع يا جماعه
تاني حاجه بالنسبه لاتفاقيه كامب ديفيد
و اللي بيقول انننا اخدنا ارضنا ناقصه
احنا الدوله العربيه الوحيده اللي اخدت ارضها بالكامل سواء بالحرب او بالسلم
و اسال الاردن اخدت راضها ازاي و حق الامتياز
و سوريا اللي بتحاول تتفق مع اسرائيل
مش كل دول لو كانوا مع السادات كان الوضع اختلف ولا ايه
قولي العرب ضحوا علشان خاطر مصر في ايه
من الاخر مصر تقدر تعيش من غير العرب و الدليل لما قاطعونا و لا يفرقوا معانا و لما رجعنا برضه و لا يفرقوا معانا
اولاً: حماس وصلت للسلطة عن طريق الاتفاقات اللي هما اساساً رافضينها،
ثانياً: النظام المصري ضد حماس مش علشان هما اختاروا المقاومة، انما بغبائهم منقطع النظير عايزين يرجعوا لنقطة الصفر، قمة ما يتمناه الاحتلال الاسرائيلي.
ثالثاً: مصر اعطت المئات من الفرص للطرفين بمنتهي الحيادية لاقامة الوحدة، و لكن حماس لا تقدم اي تنازلات، و لذلك وجب اسقاطها، فوجودها اصبح خطراً علي القضية في حد ذاتها، و خصوصاً انه ثبت بالدليل القاطع ان صوتها ليس من رأسها، فقراراتها مثل تمويلها قادم من دولة الفرس
رابعًاً: مصر مستمرة في تقديم و تمرير المساعدات لغزة، و لكن سبب الهوجة ان حماس كانت بتستفيد من الانفاق في وصول المبالغ النقدية الضخمة من ايران و غيرها و كذلك تحسيلها جمارك علي المواد المهربة من الانفاق، بالاضافة للتجارة الغير شرعية في المخدرات و غيرها.... يعني من الاخر ما تقلقش علي المدنيين، فالمتضرر الوحيد من اغلاق الانفاق هم حماس....
يا سيدي الفاضل ارجوك كفاية كلام مستفز، قصدك ايه بالرجولة ؟؟ الرجولة اني ابعت جيشي لليمن و الجزائر و احرك قواتي بشكل يتسبب في احتلال سيناء مرة تانية ؟؟ ولا الرجولة اني ممكن الحق الانفاق قبل ما تتقفل و اعدي لغزة و اشارك في فصائل المقاومة ؟؟ صدقني لو انت عملت كده هتلاقي ترحيب جامد منهم .... وهي دي قمة الرجولة، و احسن ١٠٠ مرة من الكلام الحلو
تمام بس بعد موت ابو عمار ( الشهيد ياسر عرفات) ابومازن كان بياخد القضية بخطوات متسراعة نحو الحل النهائى و التسوية الشاملة بدون رجوع حقوق الفلسطنين راجع اتفاقية انابوليس
كان حتما على حماس انها تنزل الانتخابات حتى لا يفرض على الشعب الفلسطينى اتفاقيات و تسويات غير معترف بيها شعبيا اللى اساس مصدر السلطات و بالتالى دخول حماس كان لزام عليها مدفوعة من الشعب لانقاذ قضيتهم و اظن ان ده خيار شعبى
اللى هى ايه نقطة الصفر كلام مبهم محتاج توضيح مصر ضد حماس عشان اسرائيل ضد حماس و مصر و اسرائيل ولاد عم يبقى مصر ضد حماساقتباس:
ثانياً: النظام المصري ضد حماس مش علشان هما اختاروا المقاومة، انما بغبائهم منقطع النظير عايزين يرجعوا لنقطة الصفر، قمة ما يتمناه الاحتلال الاسرائيلي.
لا لا مصر مكنتش محايدة بين الطرفين مصر عقيدتها السياسية فى جانب فتح و مصر مش طايقة حماس لاعتبرات كتير اهمها انها الذراع المسلح للاخوان المسلمين فى فلسطيناقتباس:
ثالثاً: مصر اعطت المئات من الفرص للطرفين بمنتهي الحيادية لاقامة الوحدة، و لكن حماس لا تقدم اي تنازلات، و لذلك وجب اسقاطها، فوجودها اصبح خطراً علي القضية في حد ذاتها، و خصوصاً انه ثبت بالدليل القاطع ان صوتها ليس من رأسها، فقراراتها مثل تمويلها قادم من دولة الفرس
و بعدين انت ازاى تحط نفسك حكم و عاسز تسقط حماس و ازاى بتفرض وصايتك على الشعب الفلسطينى و تحدد له ايه هو الخطر على قضيته
انت عايز تفرض ارادة معينه و تنازلات لا يقبلها الفلسطنيين لانفسهم وانت بتجبرهم عليها
حماس هى الارادة الشرعية للشعب الفلسطينى
اجرى انتخابات لو الشعب مخترهاش ابقى اتكلم لكن حتى ياتى هذا الوقت لا تفرض عليها شئ
كلام مغلوطاقتباس:
رابعًاً: مصر مستمرة في تقديم و تمرير المساعدات لغزة، و لكن سبب الهوجة ان حماس كانت بتستفيد من الانفاق في وصول المبالغ النقدية الضخمة من ايران و غيرها و كذلك تحسيلها جمارك علي المواد المهربة من الانفاق، بالاضافة للتجارة الغير شرعية في المخدرات و غيرها.... يعني من الاخر ما تقلقش علي المدنيين، فالمتضرر الوحيد من اغلاق الانفاق هم حماس.
مصر قافلة المعبر و مش مسمترة فى تقديم المساعدات و المساعدات اللى جاية من برا بنقرفها ونعرقلها
و الكلام ان حماس بستفيدمن الانفاق كلام مرسل ليس عليه دليل
ميين بتقول تمويلها ايرانى ومنيين بتقول مستنية فلوس الانفاق
و بعدين ولو
قل هاتوا برهانكم