بمناسبه الطائرات احب ابشرك
ان مصر استطاعت شراء 24 طائره اف 16 بلوك 52 اخيرا بعد تعنت اداره بوش لسنيين
يبقى فاضل نجيب الاف 15 و سوخوي 35 و الرادار التشكيكي و منظومه الصواريخ s400
و يبقى كده خلاص عدينا و لا حتى امريكا تقدر علينا
بس قولوا يارب
عرض للطباعة
بمناسبه الطائرات احب ابشرك
ان مصر استطاعت شراء 24 طائره اف 16 بلوك 52 اخيرا بعد تعنت اداره بوش لسنيين
يبقى فاضل نجيب الاف 15 و سوخوي 35 و الرادار التشكيكي و منظومه الصواريخ s400
و يبقى كده خلاص عدينا و لا حتى امريكا تقدر علينا
بس قولوا يارب
حاجة حلوة طبعا
بس للاسف تظل طرازتها اقل من الطرازات الموجودة في الترسانة الاسرائيلية لحد ما
اضافة الي ان هذه الصفقة كان لابد من تسليمها منذ فترة لولا التعنت من بوش فعلا
كما انها ليست اضافة في اعداد الطائرات بل هي استبدال لطائرات اف 16 قديمة او سقطت اثناء التدريبات علي مدار السنوات الماضية
و بعدين ربنا يسهل في موضوع الطائرات الاخري
بس واضح ان هيبدأ تصنيع طائرة مقاتلة في مصر حسب الاخبار الاخيرة
و نخلص بقي من الاستيراد
شكرا لحضرتك علي الاضافة و المتابعة :vctry:
مع اني مكنتش عاوز اشارك في الحوار تاني
بس بصو الشرطه المصريه عملت ايه معاهم ايه "للاخوه اللي شاكيين في النوايا" !
YouTube - Egyptian police beat Gaza peace activists
لا غلطانين طبعا
ما يسيبوهم يعبروا عن رأيهم ........ إيه يعني لما شارع حيوي و رئيسي يتعطل
المهم يعبروا عن رأيهم ، و لا علشان مش عايزين يسيبوا الشارع بالذوق يقوم يفتروا عليهم و
يستعملوا معاهم العنف
و إللي وراه حاجة يتعطل أو ينط في النيل ما هو النيل قريب مش بعيد
لا طبعا عندهم حق , بعد ما بذلو كل غالي و نفيس في سبيل تسهيل حركه المرور علي المواطن المصري و بكل ايمانهم من ان المواطن و مصالحه لازم متتعطلش لأن "الوزاره اللي وراه حتضيع" , و اداره المرور قالت سمعتنا كأسرع بلد بتوصل فيها من اي مكان لأخر حتبوظ !!!
يوووووم لما يبقي مفيش في تشريفات علي الاقل , يبقي كلام حضرتك علي الشارع الحيوي منطقي :)
بعدين اساسا لو حتضرتك تركز في الفيديو , مفيش عربيات اساسا واقفه !!! و دا طبعا راجع للدور المحوري و الرائع لظباط المرور في انهم انتبهو بسرعه و نقلو خط السير "للنيل" عشان قريب :)
حضرتك ماخدتش بالك من عنوان الخبر المتعلق بموضوع الطائرات دى كان مكتوب :
مصر توافق على شراء الطائرات ... يعنى الطائرات دى كانت امريكا هتوديها مصانع الخرده علشان طلعت بره اسطولها الجوى واصبحت قديمه ...وبدل ماتخردها عرضتها علينا واحنا تكرمنا ووافقنا على شرائها علشان احنا طيبين وبيصعب علينا نزعل ماما امريكا
يا فندم أنا كتبت عن إللي شوفته في الفيديو و لا أجرؤ على تقييم كلام أحد من السادة
الأعضاء بالمنطقية من عدم المنطقية كما تفضلت حضرت مشكورًا .
أما عن جزئية : لا طبعا عندهم حق , بعد ما بذلو كل غالي و نفيس في سبيل تسهيل حركه المرور علي المواطن المصري و بكل ايمانهم من ان المواطن و مصالحه لازم متتعطلش لأن "الوزاره اللي وراه حتضيع" , و اداره المرور قالت سمعتنا كأسرع بلد بتوصل فيها من اي مكان لأخر حتبوظ !!! ، فبالأصالة
عن نفسي قدامي حاجة من لإتنين ...... إما التكيف مع الوضع أو أسيبها و أرحل
فالإختيار لي وحدي .
و صدقني شوفت إن مفيش عربيات لأن منطقي مش معقول يبقى في عربيات حتعدي
في أي مكان فيه تجمهر سواء المرور لحق يتدخل أو ما لحقش ، و في حالة الناس
بعربيات دخلوا و لقوا تجمهر الناس بتتصرف تصرف أي شارع واقف و إللي قدام
بيجيب مارشدير و يحاول يشوف طريق غيره .
شكرًا لك على أي حال .
حضرتك لو دورت شوية علي يوتيوب هتلاقي احداث شبيه بكده او يمكن افظع كمان في مظاهرات في امريكا و اوروبا و استراليا، و لو كمان تلاحظ ان الاوروبيين او الامريكان "اللي بذلوا الغالي و النفيس" هم في الاصل فلسطينيين او عرب ذوي جنسية مزدوجة،، بس دخلوا بالجنسيات الامريكية و الاوروبية علشان يخلقوا حالة من الوهم ان مواطني الدول الغربية هم اصحاب هذا الموقف، في حين انها ورقة حماس الاخيرة كنوع من الفرفصة قبل سقوطهم الموشك بعد اغلاق الانفاق..... علي العموم إن كنت الوم علي الشرطة المصرية، فألومهم عدم ترحيل هولاء الغوغاء فوراً بعد القيام بالواجب المصري في قسم الترحيلات، حيث ان كلهم يعتبروا مخالفين لشروط تأشيرة السياحة التي دخلوا بها
اولي بشاير سور مصر العظيم:
هنية يدعو لتوقيع المصالحة مع فتح في مصر وفق ترتيبات جديدة
غزة (ا ف ب) - دعا اسماعيل هنية رئيس الحكومة الفلسطينية المقالة التي تسير شؤون قطاع غزة السبت الى توقيع ورقة المصالحة مع حركة فتح في مصر "بترتيبات جديدة" وصولا الى تشكيل حكومة توافق وطني.
وقال هنية القيادي في حركة حماس التي تسيطر على القطاع خلال حفل اقامه المجلس التشريعي في غزة لاحياء ذكرى مرور عام على الحرب الاسرائيلية في غزة "نريد مصالحة حقيقية وحكومة فلسطينية بشروط فلسطينية ومؤسسة امنية أمينة"، مشددا على "الجمع بين العمل السياسي الملتزم والمقاومة".
واضاف هنية موجها كلامه الى حركة فتح التي يتزعمها الرئيس محمود عباس "تعالوا نتفق ونوقع على ورقة المصالحة بترتيبات جديدة وان يكون التوقيع في مصر وليس في عاصمة اخرى كما حاول البعض ان يشير الى هذا الموضوع"، في اشارة الى تصريحات للرئيس محمود عباس المح فيها الى ان حماس تريد توقيع المصالحة في دمشق.
وتطالب حركة حماس باستئناف الحوار بهدف تعديل وتوضيح بعض البنود في الورقة المصرية خصوصا ما يتعلق ببعض المصطلحات التي تقول انها "فضفاضة" و"المرجعيات وسلاح المقاومة والامن". وترفض حركة فتح اعادة فتح الحوار لانها تعتبر ان جلسات الحوار التي استمرت لحوالي سنتين انهت عملها.
طبعا مع كامل احترامى وتقديرى لرأى حضرتك
بس كان عندى سؤال اشمعنى المرور دلوقتى خايف على مصالح الناس تتعطل
طب ماهى الناس كل يوم بتتعذب علشان تروح شغلها والطلبة بيتاخروا على جامعاتهم
دانا سعات ببقى جاى من مروح فى شارع قصر العينى الاقيهم قافيلن الشارع تماما من عند مجلس الشعب لحد ميدان التحرير على الرغم من ان الشارع كله يبقى فاضى يعنى لافى ناس معطلة الطريق ولا حاجة يبقى الواحد قاعد ملطوع فى العربية ساعة مع ان الشارع فاضى اداموا والكلاكسات تشتغل ولا هما هنا وخد زى دا من عندك كل يوم
مختوش بالكوا ان الحاجات دى اتصورت هيبقا شكلنا ايه ان لما الحاجات دى تتذاع بره ودول ناس كل ذنبهم انهم جاءوا من كل حتة فى العالم لدعم غزة فى الوقت الى احنا اتخلينا فى عنهم
والمشكلة كلها هتتحل لو دخلناهم غزة ممكن حد يقولى احنا ليه منعينهم من دخول غزة بس محدش يقولى اصل الامن القومى المصرى ومش عارف ايه الناس لامعاها متفجرات ولا مخدرات
اظاهر ان الشرطة من كتر ماتضرب فى المصريين مابقتش تفرق بين المصريين والاجانب
مش عارف حضرتك عرفت منين انهم في الاصل فلسطينيين او عرب !! اه في جزء منهم عرب و فلسطينيين بس مش كلهم !! الفرنسيين اللي كانو معتصمين قدام السفاره كان مش اقل من 80% منهم فرنسيين native مش عرب
و كان في جايين تبع حزب العمال البريطاني و جماعه جورج جالاوي و قابلت ناس منهم في الشارع و اتكلمت معاهم !
الفرنسيين رجعو بلدهم و حيعملو اعتصام قدام السفاره المصريه هناك , و بصراحه لو ولعو فيها هناك حيبقي عندهم حق من الضرب اللي اخدوه !!!
ولا تعليق علي الواجب من قسم الترحيلات و الغوغاء !
جميل، اذا كانوا فرنسيين و انجليز Native، يعني يقدروا يدخلوا و يخرجوا من اسرائيل بمنتهي الامان، ليه مركبوش اول طيارة رايحة علي اسرائيل و يعملوا مظاهرات براحتهم هناك، علي الاقل البوليس بتاعهم احن من الشرطة الوحشة بتاعتنا ؟؟ ولا يمكن محدش قالهم ان اسرائيل هي المحاصرة لغزة و هي المتحكمة في اكبر عدد من المعابر الموصلة لغزة ؟؟
بترجعنا برضه لأول نقطه ! و حرجع اقول اذا كان الكل مقتنع ان اسرائيل هي العدو و اسرائيل هي اللي محاصره غزه ازاي حيروحولها يقولوها عاوزين ندخل مساعدات لغزه ؟
فا مقدامهمش غير المعبر المصري و واحد في الاردن "اللي دخل بعضهم منه" !!
غير كدا حضرتك مبتدورش علي دورهم في الضغط علي اسرائيل و بتدافع بأستماته عن مصر !
لو تعرف برضه واحده يهوديه من اللي نجو من الهولوكوست اضربت عن الطعام ضغطا علي اسرائيل عشان تفك الحصار عن غزه !
AFP: Holocaust survivor stages hunger strike for Gaza
و محكمه في انجلترا أمرت بتوقيف تسيبي ليفني عشان تورطها في ارتكاب جرائم حرب علي غزه "لو قلت لسياسي مصري الموضوع دا ممكن يبعتك لمستشفي المجانين"
و المنتجات الاسرائيليه في حملات مقاطعه ليها ! و منظمات يهوديه ضد الصهيونيه بتضغط علي اسرائيل !
شرف و فخر ليا لا ادعيه....
كلها حاجات جميلة، و مصر مش بتتآخر في تقديم المساعدات لغزة و تمريرها من المعابر بشكل شرعي، يبقي ايه سبب المظاهرات ؟؟؟ مصر وضعت شروط تنظيمية من البداية، و هم ملتزموش بيها، هل يقدر حد فيهم يخالف نظام بلادهم الاصلية ؟؟ في الحقيقة لا يجرؤ شخص فيهم علي مخالفة اي قواعد وضعتها بلاده و حتي إن لم يقتنع بها....
فكرتني بالصين من حوالي سنتين، كان الاجانب اللي فيها بيسموها المكان اللي ممكن تعمل فيه كل شئ متقدرش تعمله في بلدك، لحد لما الحكومة الصينية عملت حملات تأديبية علي الاجانب المتواجدين فيها بشكل رهيب لدرجة اني مكنتش بحاول انزل الصين، و محدش قدر ينطق بكلمة، فمش هنستني لحد لما الناس دول يقولوا كده كمان علي مصر
[quote=col. Eng. Khaled;3872245645]]
طب مع احترامى لحضرك ياسيادة العقيد طب مافى حل ثالث ليه ماقعدش فيها واحاول اصلحها
ممكن حضرتك تقولى بعد ماحركات المقاومة الاسلامية تفرفص وتقع زى ما حضرتك عايز هندافع عن الاقصى والقدس ازاى القدس الى بتحصل فيها دلوقتى اكبر عملية تهويد فى تاريخها ولا يمكن هانصعب على اسرائيل فتديلنا القدس ولا حاجة
واجب المسلمين نحو القدس
للتذكرة بالقدس\
إن الأقصى المبارك يمرّ في أخطر اللحظات خلال هذه الحقبة الأخيرة من تاريخه, فالاستكبار اليهودي قد بلغ أوجه، فالقتل، والتشريد, وهدم المنازل, والحصار الاقتصادي الرهيب، وقد بيّت الخطر الصهيوني أمره, وحدد هدفه, وأحكم خطته لهدم الأقصى المبارك, وبناء الهيكل على أنقاضه, ولم يجد من أمة الإسلام على امتدادها واتساعها من يصده ويرده.
لقد حثّ النبي صلى الله عليه وسلم المسلمين على التواصل المستمر بينهم وبين بيت المقدس, وذلك بإتيانه ومسجده الأقصى, وإكرامه بالصلاة فيه, أو بإرسال الزيت للإسراج في قناديله وإضاءتها, وهذا من المبشرات بأن القدس سيفتحها الإسلام وستكون للمسلمين, وقد كان؛ ففتحت القدس في العام الخامس عشر للهجرة.
روى الإمام أبو داود في سننه بسنده عَنْ مَيْمُونَةَ مَوْلَاةِ النَّبِيِّ صلى الله عليه وسلم أَنَّهَا قَالَتْ: يَا رَسُولَ اللَّهِ أَفْتِنَا فِي بَيْتِ الْمَقْدِسِ ؟ فَقَالَ: "ائْتُوهُ فَصَلُّوا فِيهِ". وَكَانَتْ الْبِلَادُ إِذْ ذَاكَ حَرْبًا, "فَإِنْ لَمْ تَأْتُوهُ وَتُصَلُّوا فِيهِ, فَابْعَثُوا بِزَيْتٍ يُسْرَجُ فِي قَنَادِيلِهِ".
وإن الواجب على المسلمين اليوم أن يهبوا لإنقاذ مسرى رسول الله صلى الله عليه وسلم , والذود عن المسجد الأقصى, والدفاع عنه بكافة الوسائل, بعد أن دنسه المحتلون؛ وهذا واجب عقدي وديني, لأن الأقصى جزء من ديننا, جزء من عقيدتنا, جزء من آي القرآن الكريم.
فالمطلوب من المسلمين شدّ الرحال إلى المسجد الأقصى والصلاة فيه, فإن عجزوا عن ذلك قدموا له المساعدة بكل وسيلة, ولو زيتاً يسرج فيه.
ولقد أسرج الشعب الفلسطيني المسجد الأقصى المبارك بدمه, وبدم قادته ومؤسسيه, وهم مستعدون أن يجعلوا أشلاءهم ممراً نحو النصر والتمكين لأمتهم لتحرير الأقصى من دنس المحتلين بإذن الله سبحانه وتعالى.
إن أي انتقاص من الأقصى والقدس هو انتقاص من آي القرآن الكريم, ومس بالعقيدة والثوابت الشرعية, من هنا يجب أن يسعى المسلمون جاهدين في البحث عن كافة الوسائل المتاحة, ليحمل كل مسلم وثيقة العهد النبوي, ووثيقة العهد القرآني, ووثيقة العهد العقدي, للدفاع عن المسجد الأقصى, وأن يعلّم أبناءه وكل من حوله بأن يحمل هذه الوثيقة, وأن يوقع على هذه الوثيقة وإن استطاع بالدم, لتبقى قضية الأقصى قضية حية في قلوب الشيوخ, والعجائز، والرجال، والنساء، والشباب، والفتيات، وأن نغرس هذا الحب في قلوب أبنائنا وأطفالنا بإذن الله سبحانه وتعالى.
أيها المسلمون في مشارق الأرض ومغاربها.. هبوا لنجدة إخوانكم المستضعفين في فلسطين، إن من أراد الأقصى فليدفع بكافة الوسائل والتي أسماها أن يسرجه بدمه, ويعبد الطريق بأشلائه وبكافة الوسائل, حتى يبقى الأقصى مشعلاً للنور والإيمان والحرية والتمكين والنصرة والعزة والكرامة بإذن الله سبحانه وتعالى.
وواجب المسلمين تجاه القدس متمثل في جوانب متعددة مبيّنة في المطالب الآتية :
المطلب الأول : بناء الجبهة الداخلية القوية, والتصدي لمحاولات تفتيتها.
المطلب الثاني : الجهاد حتى التحرير. وفيه :
أولاً : الجهاد من الداخل.
ثانياً : تربية الأمة على الجهاد الشامل.
ثالثاً : تقديم الدعم المادي والمعنوي لشعب فلسطين. وفيه: 1- الدعم البشري إن أمكن. 2- الدعم المادي. 3- الدعم الإعلامي. 4- الدعم الإيماني: والمقصود به الدعاء.
المطلب الثالث : المقاطعة الاقتصادية من المسلمين لكل من يدعم الكيان الغاصب.
ليكون كلامي واضحاً، انا لست ضد حركات المقاومة، بالعكس، يوماً ما كنت مؤيداً لحماس، انما اللي حصل من حماس ده كان نوع من الجنون و اصبح ضررها اكبر من نفعها، فلزم استئصالها، و خاصة انه لاحت في الافق عدة بوادر للامل، و كان من الواضح ان حماس تستهدف اجهاض كل المجهودات التي تمت في العقود الماضية و ارجاع الحالة لنقطة الصفر
طبعا انا عارف ان حضرتك راجل محترم وبتحب تساعد الناس لوجه الله ومن الناس المشهود لها بحسن الاخلاق
لكن حضرتك طبعا عارف ان البلد دلوقتى بتمر باخطر مرحلة فى تاريخها الحديث فلازم نشجع الناس انها متبقاش سلبية ويبقى ليها دور لان غير كده يبقى عمر البلد ماهتتقدم
شكرا جزيلا لحسن كلامك و ذوق حضرتك
رجاءا يا دكتور ألا تؤاخذني ، و لم و لن أعني الجدال مع أحد ....
هناك قول بأن (الإنطباع الأول يدوم) فما بالكم بما نشأت عليه كما أوضحت في أول
صفحة من هذا الموضوع المثير :-
أضف إلى ذلك ما رأيته من الزملاء الوافدين أثناء دراستي بالكلية الفنية العسكرية .
لن أدعي النخوة حين أكتب لكم بأنه عند مقابلة أي عربي في مصر أراه في موقف
يستدعي العون فأعاونه بما يمليه عليّ الواجب راجيا من الله أن يرعى أولادي في
حياتي و مماتي .... أكاد أجزم بأنها من خصالنا جميعا .
أرجو عدم أخذ كلامي على محمل التعنت شاكرا أياكم على حسن متابعتكم و سعة
صدركم .
اليمين المتطرف وصل للحكم كنتيجة لوصول حماس للسلطة (و قد اكون مخطئ في هذه النقطة) و لكن لعلك تتذكر ان اتفاقية كامب ديفيد وقعت مع حكومة من اشد الحكومات تطرفاً في اسرائيل، و علي العموم لن تستطيع ان تري اذا كانت هناك بوادر للامل من عدمه الا اذا ناقشت بينك و بين نفسك تصورك للحل النهائي للقضية الفلسطينية، فهل انت مؤيد لالقاء اسرائيل في البحر (مقولة حماس الشهيرة)، ام مؤيد لحل الدولتين، ام لدولة اسراطين (احدي شطحات تعميرة القذافي) ام ابقاء الوضع علي ما هو عليه الي قيام حرب يستطيع فيها المسلمين الانتصار ....الخ من الحلول، ؟؟
انا فيه سؤال دايما بيخطر ببالي
حماس الطيوبه المسكينه ضحت بايه قبل كده
يا رجاله دا هان عليها الدم الفلسطيني في الحرب الاخيره و قالوا ان هما اللي انتصروا
و اسرائل فرحانه كانت بتعمل عمليه تطهير عرقي جوي و موقفهاش غير تكاليف الحرب فقط
شوفوا بقى مصر ضحت قد ايه من الاخر الجدار ده حيربي ناس كتير اوي في المنطقه و حيخليهم حيعيدوا حساباتهم خصوصا
فكره المساومه مع مصر
اولا نتن ياهو مسك اسرائيل قبل كده فى التسعينات يعنى قبل ما حماس تفكر تدخل الحياة السياسية
ثانيا بخصوص اتفاقية كامب ديفيد ايامها كنا احنا المنتصرين والطرف الاقوى واسراائيل كانت فى اضعف حالتها يعنى كان سلام قائم على القوة والحق ورغم ذلك اخذت اسرائيل تماطل طيلة عشر سنوات بعد الحرب لكن الان الوضع تبدل واصبحت اسرائيل هى الطرف الاقوى الان والعرب فى اضعف حالاتهم
ياعنى احنا معرفناش ناخد القدس ايام انتصار مصر واتحاد العرب وضعف اسرائيل
يبقى هل من المعقول انوا يبقى فى بوادر سلام دلوقتى واسرائيل فى اقوى عهدها وبتتحدى العالم كله فى قتل الفلسطنيين وتهويد القس والعرب فى شدة الانقسام والضعف اعتقد الى بيكلم عن سلام دلوقتى يبقى مش منطقى خالص
ثالثا حماس ايدت الاعتراف باسرائيل والعيش فى دولتين شرط ان تنسحب اسرائيل من كامل الارض المحتلة عام67 ودا عمروا ما هيتحقق الا بالمقاومة الى حضرتك عايز تلغيها
سبق و ان قلت لك اني ليس ضد المقاومة بغرض تحقيق سلام نهائي، و لكن حماس بتقاوم فتح و ليست اسرائيل، و تحركات حماس و توقيتها تثبت ان لها اغراض اخري غير مقاومة الاحتلال، و كما قال الدكتور زيزو سابقاً، ان المقاومة ليست حكراً علي حماس.... ثم متي ايدت حماس حل الدولتين، الم تكن بعض التصريحات من هنا و هناك و يتم نفيها بعد ذلك ؟؟
ده استاذ توت اللي انا اعرفه
المقاطعة فعلا مهمة جدا بس نحط في الاول امريكا واسرائيل
سؤال بس , هما أعداء الأمة , يعيشون خارج الأمة أم داخل الأمة ؟؟
يا أخي إعرف عدوك علشان تعرف تكسب الحرب
في أي من المدن التالية قطن عدونا الأول ؟
تل أبيب؟ واشنطن؟ موسكو؟ القاهرة؟ روما؟ الرياض؟ مدريد؟ طهران؟ باريس؟ بيروت؟ لندن؟ فادوز (عاصمة دولة اسمها ليختنشتين سمعت عنها ؟) ؟؟
سبحان الله
هذا ما كنت اتحدث عنه في مشاركاتي بالامس
و هاهو المسلسل يستمر
فى حادث سطو مسلح..
مقتل مواطن يشعل المظاهرات فى العريش
http://www.youm7.com/images/NewsPics...0093015442.jpg
خرج الآلاف فى مدينة العريش فى مظاهرة احتجاجا على مقتل مواطن ينتمى لقبيلة الفواخرية بمدينة العريش خلال استقلاله سيارته عصر اليوم السبت بوسط سيناء. طالب المتظاهرون بسرعة القبض على الجناة بواسطة الأجهزة الأمنية، كما طالبوا بالقضاء على ظاهرة الانفلات الأمنى المنتشرة بمحافظة شمال سيناء.
وقال شهود عيان ومن المشاركين فى المظاهرات إن قرابة 5 آلاف مواطن يحتشدون
ويعتصمون فى ميدان السادات قبالة مقر الحزب الوطنى الديمقراطى ويرددون هتافات للمطالبة بالقصاص من القتلة مؤكدين أنهم لن يبرحوا مكانهم حتى يتم تسليم الجناة.
و قال أشرف الحفنى منسق اللجنة الشعبية التى تشارك فى الاعتصام أن ما يحدث ظاهرة غير مسبوقة فى سيناء ولابد من إعادة الانضباط الأمنى إلى المحافظة. وبدأت أجهزة الأمن فى إرسال مئات من جنود قوات الأمن المركزى إلى مكان الاعتصام نتيجة الإغلاق التام للطرق الرئيسية خاصة شارعى 23 يوليو و 26 يوليو بوسط المدينة.
الجدير بالذكر أن المواطن عبد الكريم الشوربجى قتل اليوم السبت وأصيب ابنه فى واقعة سطو مسلح من مجهولين بوسط سيناء.
اليوم السابع | مقتل مواطن يشعل المظاهرات فى العريش
هذا حق و واقعاقتباس:
ده سؤال يثبت انك مش متابع غير اعلامنا المأجور و بس
الشهداء من قادة و اقارب قادة حماس كتير جدا جدا على فكرة
هناك قادة من حماس فقدوا اغلي ما يمتلكه اي انسان
و هو الولد ...
رحم الله الرجل
بس مش مشكلة ..
ده مصري رخيص
اهم حاجة الانفاق تفضل موجودة ...
اختصاراً للموضوع و حيث اننا خرجنا من صلب الموضوع اكثر من مرة و تفرعنا للعديد من النقاط، و اصبح الكلام يكرر نفسه و كأننا في دائرة جدل لا بداية لها ولا نهاية، و فلتكن تلك اخر مشاركة لي بالموضوع،
الاخ المحترم توت، اتهم مصر بالخيانة العظمي، و لكن من النقاش الدائر حالياً، يتضح اننا كعينة من الشعب المصري ننقسم لعدة فرق، فرقة رافضة للجدار، و اخري مؤيدة، و فرق اخري ما بين الرفض و التأييد مع بعض التحفظات، و إلي ان يتم استفتاء محايد للشعب المصري لمعرفة اي فرقة هي صاحبة الاغلبية، فلا يحق لأحد ان يتهم مصر بالخيانة او السير عكس ارادة شعبها ........
و السلام ختام
مش موضوع اعلام ماجور و شكرا جدا لحضرتك و حاخدها بحسن نيه
انا بسال سؤال محدد ايه التنازلات اللي حماس عملتها على الصعيد السياسي ؟؟؟؟؟؟؟؟؟؟؟؟؟؟؟؟
ثانيا انا بتايع مدونات حماس على النت و قنواتنا المحليه و قناه الجزيره كل القنوات
بالمناسبه انا نزلت موضوع عندهم فيه كل ارائي و معتقداتي و طلبت انه يحاولوا يفهموني الحقيقه على اساس ان انا مخطئ عارف ايه الليحصل
الموضوع اتحذف من لغاليغه
رغم ان فيه مواضيع شتيمه في مصر و الجيش المصري و الشعب المصري خلينا نفوق بقى شويه