الموضوع: اقفش: عز العرب فك عن كيسه وتحقيق صحفي عن بروتون في الاهرام

السلام عليكم ورحمة الله وبركاته
اعضاء بروتون الكرام

كلكو اشتروا جرنان الاهرام النهارده واقرأو الصفحه الاخيره من ملحق السيارات الخاص بالاهرام
يوجد تحقيق صحفي عنوانه (الاهران داخل مصانع بروتون)
دا الخبر الاول

الخبر التاني والمهم جدااا
عز العرب عامل اعلان عن جرييت وول في الاهرام
صفحه 3 و 4
(حد بيعرف يزغرط )
اول ما اخلص قراءة المقاله هقولكم على الملخص
وشكرا

خلاصة المقال الخاص ببروتون في ملحق السيارات الخاص بالاهرام :-


1- المقال بيتكلم انه في وفد راح ماليزيا علشان يشوفوا مصانع بروتون ال ثلاثه الوجوده في ماليزيا والوفد ده بيتكون من هاني لحظي مدير عام مجموعة عز العرب ومي احمد مصطفى نائب مدير ماركة بروتون ومحسن صالح مسئول المبيعات ونظم الجوله السيده رينيي والسيد في ( هو اسمه كدا محدش يستغرب)

2- بيتكلم المقال عن مصنع من مصانع بروتون على مساحة 1280 فدان وبيحتوي المصنع على 100 الف موظف على احدث المعدات والادوات اللازمه لانتاج سيارات تنافس افضل السيارات العالميه وبيتنج حوالي 380 الف سياره في السنه وبتتتصدر ل 52 دوله في العالم منذ عام 1986

3- وبعد كدا بيتكلم المقاال عن المصنع اللي بيحتوي على 4 اجزاء كل جزء منه مختص بعمل جزء معين من السياره

4- وبعد كدا بيتكلم عن تاريخ الشركه والمصنع اللي تأسس عام 1985 وان بروتون بتحتفل بمرور 25 عاما على بداية انتاجاها للسيارات وده هيحصل في خلال الربع الاول من عام 2010 وعلى مدار عام كامل
ودلوقتي الشركه بتختار اللوجو الخاص بالمناسبه وهتقدم الشركه عروض وزايا لمقتني سيارات بروتون في العالم

5- نجاح بروتون في الفتره دي (25 سنه) بانتاجها 13 طراز مختلف على جوده عاليه وتصميمات فريده (تصميمات فريد ههههههه) وبيرجع تأسيس بروتون للعام 1985 (تاني) واللي اداهم توجيهات لانشاء الشركه رئيس الوزراء مهاتير محمد

6 :- في بدايات بروتون استعانة بميتسوبيشي واول انتاج ليهم كانت الساجا 1985 وقطع الغيار منتجه من ميتسوبيشي برده وبيتم تجميعها في بروتون وبعد تنقل الخبرات والتقنيات تم دخول الانتاج المحلي عام 1989 ( الحياه عندهم سريعه جدا) وانتج من الساجا 100000 سياره احد عام 1990 وشعار الشركه كان شعار الدوله وتم تغييره للشعار الحالي وبعد كدا بروتون قدمت الجميله ويرا عام 1993 ومبنيه على طراز ميتسوبيشي لانسر واتباع منها 220000 وده من سنة 1996حتى عام 1998 وبعد كدا بيتكلم ان بروتون قدمت بيردانا عام 1995 على طراز ميتسوبيشي جالانت
واوال طراز تنتجه بروتون لوحدها كان عام 2001 وكانت الكلاسيكيه الشقيه واجا

7- بعد الاستحواذ عبى شركة لوتس تمكنت بروتون من اضافة خبرات هندسيه وتقنيه جديده وتم انتاج حبيبتنا كلنا واختها جين 2 وبعد كدا بيرسونا وبعدها الساجا الجديده
وبروتون بتصدر لعديد من الدول زي ما قلنا ومنهم دول المملكه المتحده وجنوب افريقيا واستراليا وبتصدر بقوه للبحرين وقطر والمغرب والسعوديه والامارات ومصر

---------

كاتب المقال
خالد جودة

ده كان الملخص بتاع المقال
اتمنى انه يعجبكم زي ما عجبني ( بس مش اوي لانه كان محتاج يكون اقوى من كدا وعلى صفحه كامله مش اخر صفحه وواخد نصها !!!)

ههههههههههههههههههههههههه ههههههههه
اخيرا يارب
ابقو قولولى الملخص بئا عشان ماجبتش الجرنال للاسف