من طريق اسكندريه الزراعي الى نقابة الصيادلة (دارالحكمة) ومنها الى 6 اكتوبر

**AbouHashem2010** · 02-01-2010 12:12 PM

السلام عليكم
أخوكم مش من القاهره
ممكن حد يساعدني وانا جاي من طريق اسكندرية الزراعي و عايز اروح نقابة الصيادلة خلف دار الحكمة (شارع الحديقة) ومنها على على 6 اكتوبر ...

وكمان عايز اعرف اروح للنقابة من 6 اكتوبر ....
وجزاكم الله خير

**A.Saad** · 02-01-2010 12:24 PM

انا مش عارف ش الحديقة فين
بس هاوصفلك للقصر العينى الفرنساوى وتقدر تكمل هناك
ادخل المؤسسة
خد الاتجاة اللى بيودى كورنيش اللى فى اليمين
امشى كورنيش واطلع كوبرى المظلات
عدى من تحت
كوبرى الساحل
كوبرى السبتية
مايو
اكتوبر
هتلاقى بعد كدة نفق
انزله وكمل هتلاقى هتلاقى فندق شبرد وبعديه بفترة فندق الفور سيزون شمالك
هتلاقى القصر العينى الجديد شمالك
خش من جنبه شمال وبعدين هتلاقى ش القصر العينى قصادك
امشى فيه
ومن هناك هتلاقى نقابة الاطباء على شمالك

من النقابة ل 6 اكتوبر
ممكن تاخد دائرى
وممكن تمشى عادى
لو عادى
من ش القصر العينى
ارجع على الكورنيش وعدى الكوبرى اللى على اليمين هتبقى عند القصر القديم
ادخل يمين وكمل هتلاقى كوبرى الجامعة
عديه وخد شمال بعد الصينية اللى فى اخره
هتبقى جنينية الحيوان يمينك
كمل على طول هتلاقى نفك ما تنزلوش
بعد كدة هتلاقى ميدان الجيزة
ادخل فيه وهتلاقى اتجاهين
اقصى الييمن
ما تاخدوش
خد الشمال بحيث محطة البنزين على يمينك
كمل وهتلاقى نفق الهرم وانزله
انت كدة فى ش الهرم
كمل لحد ما تلاقى الطريق واخد يمين اجبارى
هتتقاطع مع ش فيصل
هتلاقى ش شمال كبير جدا
امشى فيه ه يمينك وعدى الاشارة وكمل على طول تلاقى نادى الرماية
انت كدة فى اول طريق اكتوبر
امشى لحد ما تلاقى تفريعة يمين عند مثلث
ادخل يمين
وهتعدى على دريم
ومدينة الانتاج الاعلامى وهتلاقى بعد شوية
جهاز مدينة اكتوبر
انت كدة فى اول اكتوبر

**A.Saad** · 02-01-2010 09:32 PM

انا فى جزء عارفه وجزء مش عارفه

لو عند القصر العينى مكان مكنت فى الكورنيش
هتكمل على طول
هتلاقى كوبرى
اطلعه
وكمل
هتلاقى كوبرى تانى عدى من تحته
كمان كوبرى تطلعه
انت كدة فى الدائرى
هتكمل
الجزء الاتى مش عارفه بالظبط
انت هتكمل لحد وصلة الميويطية الجديدة
يعنى المفروض تلاقى يفط تقولك 6 اكتوبر او طريق الواحات
تاخده وخد بالك فيه راردار عليها
بيكون احياينا قرب الكمين
بعد كدة هتاخد التفريعة اللى بتنزلك شمال على طريق الواحات
اول نزلة بعد النزلة دى هتنزل على مصر اسكندرية الصحراوى
سيبها
لحد ما تلاقى طريق الواحات