الموضوع: فى حد عنده عيب التقفيل ده؟

انا كمان متقفله عندي كويس

يا جماعة دي كلها حاجات بسيطة ما فيش منها اي قلق
ممكن انت تعلمها بنفسك او في اقرب زيارة للصيانة ممكن تقول للناس عليها و هما يعالجوها
والحمدلله ان كل الملاحظات اللي اخدناها علي اللوجان حتي الآن مازالت بسيطة و مبتأثرش علي اداء العربية و لا علي سلامة و امان الركاب اللي فيها يعني الحمدلله العربية لا فيها حدفة يمين و لا شمال و اتزانها جيد جدا في حدود السرعات الللي اتصممت عليها العربية و لا سمعنا ان حد غير علبة دركسيون و لا مساعدين و لا فيه مشاكل في الموتور ولا في اي حاجة من اساسيات العربية الهامة
اي نعم احنا كلنا لنا ملاحظات مختلفة عالعربية بس دا كله ان شاء الله هيتعالج خلال الصيانات العادية
والحمدلله وكيل رينو في مصر شركة محترمة جدا ومحترفين جدا و عندهم اصرار علي الوصول لأقصي درجة رضاء لعملاؤهم
و دا اللي مطمني انا شخصيا
انا عن نفسي عندي ملاحظة صوت مش طبيعي بيظهر في العربية و غالبا ما هيكون مصدره الفتيس و الناس اتصلوا بيا عشان يطمنوا عالعربية بعد ما رحتلهم و المهندس قال ان الصوت طبيعي و لما عرفوا ان الصوت مازال موجود و اني مش مرتاح له طلبوا مني ان اروح لهم تاني عشان يحاولوا يعالجوا الصوت دا
و دا خلاني مطمئن جدا ان التوكيل هيفضل معايا و عمره ما هيبعني ان شاء الله
و متنسوش ان العربية لسه مابقلهاش سنة في السوق المصري
و فيه عربيات غيرها بقالها اكتر من 3-4 سنين و مشاكلها معروفة للكل و ما اتحلتش كمان و الكل عارف الكلام دا و كل اصحاب العربيات دي بتشتكي من طريقة تعامل توكيلات العربيات دي معاهم و ازاي بيتملصوا من حل اي مشكلة ناتجة عن عيوب تصنيع في العربية

انا بس مش عاوز نقاشنا كملاك للوجان و تحليلنا لأداء العربية هنا يعطي انطباع عكسي عند بعض الناس اللي بتفكر تشتري اللوجان و ممكن يوصلهم انطباع ان العربية مشاكلها كتير
فاحنا عاوزين دايما نوضح ان كل ملاحظاتنا عالعربية حتي الآن مصدرها ان احنا بنحاول نوصل بالعربية لأعلي درجة ممكنه لأفضل حالة للعربية و طبعا لاننسي ان " الكمال لله عزوجل وحده " و دي عربية إقتصادية يعني
"the best quality with minimum cost"

و ان كلامنا و نقاشنا هنا هدفه هو الوصول ل

(the fine tuning for the best possible performance)