انتم حسستونى ان العربية ملعوبة فى اساسها او انها مركبة فضائية
اول ما جيبت العربية الكهربائى قالى ان دى طلمبة كهرباء والسبب اللى عرفنى انها مش شغالة ان واحد صاحبى كان عاوز شوية بنزين صغيرين علشان ندور عربية قديمة و كان معه واحد صاحبه فنى بص على كبوتى وقالى دى طلمبة كهرباء افتح كونتاكت بس فتحت مجباتش قالى دور , دورت جابت و بعد ما دورنا العربية المركونة قالى الطلمبة دى مش شغالة و ابقى شوف وصلها كهرباء ولا لا
المشاركة الأصلية كتبت بواسطة misoalex
سؤال وبتعجب شديد جدا هو الفيورا طلمبه البنزين بتحضر بنزين عند فتح الكونتاك
الى اعرفه ان العربيات دى فيها شفاط او لو الشفاط مش راكب انت بتحضرلها بدوسه او اتنين الصبح
فعلا الشفاط مش راكب و كنت زمان بدور من اول تكة دلوقتى لازم اكرك مرتين قبل ما ادور
المشاركة الأصلية كتبت بواسطة yasserwin
انا مشوفتش فيورا فيها طرومبة كهرباء كله كان بيبقا طرمبة راكبه مع الماتور بتاخد حركتها منه
فعلا فيه حاجة عاملة زى الكبسولة راكبة فى الموتور -الرداخ تقريبا -, الخرطوم داخل عليها الاول و بعدين داخل على الطلمبة الكهرباء وبعدين بيدخل على الكاربيتير
كان فيه واحد زميلى معه لادا قديمة قالى انه مركب لها طلمبة كهرباء بدل الرداخ
المشاركة الأصلية كتبت بواسطة newhansol
طرمبة بنزين بتحضر
الكلام دة فى العربيات الى الطرمبة فيها كهربا انما الى حضرتك شفتة دة تقريبا العوامة بتاعة البنزين وهية بيبقى واصلها تلات سلوك واحد كهربا والتانى ارضى والتالت دة بتاع اللمبة الحمرا بتاعة البنزين لما يقرب يخلص
والطرمبة فى الفيورا زى ال128 شغالة على حركة الموتور بتاع العربية ولما بتفكها بتلاقيها ليها دراع كدة لو ضغط علية زى السوستة بيعمل عملية سحب من ناحية الخروم الى جاى من التنك ويطرد فى الاتجاة الى رايح لفلتر البنزين ومنة على الكربراتير
العوامة دى اللى بتبقى فى التنك يا باشا و اللى انت بتحكى عليه ده اسمه رداخ
و معلومة بسيطة ياباشا طلمبات الكهرباء نوعين : نوع غاطس بيتسقط فى التنك ونوع مبيركبش فى التنك
انا عندى النوع التانى وراكبة فى صدر العربية
المشاركة الأصلية كتبت بواسطة reamoz
لما قريت الردود إتطمنت إني لسة مافقدتش الذاكرة :)
لسه الدنيا بخير
المفضلات