ما هو سبب عطل طلمبة البنزين؟

**ezz2006** · 25-08-2009 02:53 PM

ما هو سبب عطل طلمبة البنزين؟

هل التأخر في تغيير فلتر البنزين؟.

هل شوائب بنزين 80 ؟.

هل التأخر في التموين حتي يكون بالتانك ب 10 لتر فقط؟.

**SAMEH_FOUAD** · 25-08-2009 08:02 PM

مضخة البنزين بتبوظ بسب الاهمال فى تنظيف الفلتر وبالتالى بيتجمع فى الفلتر الشوائب وبعد مالفلتر يتملى بالشوائب مابيقدرش يقوم بوظيفتة كمنقى لشوائب البنزين,فابتدخل على المضخة وبتعملها نوع من الانسداد ,فابتضطر المضخة انها تزود جهدها عشان تقدر تدفع بالبنزين لوحدة التغذية بالماتور
وبعدين كل اللى انت كاتبة نتيجتة واحدة
بنزين 80 يعنى شوائب كتير
انك تسيب التانك فاضى مع وجود بنزين ردىء فى العربية زى ال80 معناة وجود شوائب كتير فى التنك وهتلاقى المضخة بتسحب البنزين بالشوائب ,

**SAMEH_FOUAD** · 26-08-2009 07:54 PM

معاك ان الفلتر بتاع المحطة نفسة مهم جدا ودة اللى بيحدد مدى كفاءة المحطة ونظافة بنزينها بس بردة بنزين ال80 فية شوائب بتبهدل بردة الطلمبة والمكنة

**ezz2006** · 27-08-2009 02:36 PM

أنا مكملتش بالفلتر 10000 كم يادوب 3000 كم بس خلال 5 شهور ! والطلمبة باظت والحمد لله.
مش عارف يمكن تانك البنزين محتاج تنظيف لإن العربية منذ 1997
بس مش عارف الموضوع دا مكلف والا لا !

**original** · 29-08-2009 05:51 PM

ممكن تستمر فى تغيير الفلتر لحد ما التنك ينضف وخصوصا لو بتعمل مشاوير أو سفر كتير هتفول التنك وتفضيه أسرع..
بس ممكن يكون غطاء التنك مش محكم وبيدخل مياه وتراب..

**فادى محمد** · 29-08-2009 06:08 PM

السلام عليكم ... في حاجه تانيه مهمه وهي ان الطرمبه عندك ( زي العربيات الجديده ) بتشتغل بالكهربا وممكن تعد ساعات شغاله اثناء السفر فطبعا بتسخن وهي مصممه انها بتعتمد علي مستوي البنزين المرتفع في التانك لتبريدها - يعني اقل من ربع التانك يسخن الطرمبه وممكن تتحرق + الشوائب فرصتها اكبر للدخول في دوره البنزين والتانك شبه فاضي وده يسد فلتر الطرمبه ( ده غير الفلتر الاساسي ) ويزيد حمل الشفط علي الطرمبه ... اذن الخلاصه ان سيادتك تمون من محطه سمعتها طيبه وماتسيبش التانك للحد الادني .