الموضوع: انطباع اولى عن لوجان فول اوبشن

المشاركة الأصلية كتبت بواسطة factorialx

1- فيه بيان فى التابلوه (led) بيومض لون احمر والسياره واقفه بتاع ايه ؟
بتاع الإمبوليزر
- مفتاح السنتر فى التابلوه لو قفلت السنتر ممكن يفتح من اى باب لو رفعت السقاطه ولا لازم فتح السنتر من المفتاح نفسه
أعتقد إنك لو رفحت السقاطه ممكن تفتح الباب من غير ما تفتح السنتر

الاكصدام الخلفى فيه فرق بينه و بين الرفرف الخلفى ( مش مطبعين على بعض) هل ده فى السياره اللى شوفتها ولا ظاهره عامه
دي عندي بس في واحد خبط لي الإصدام الوراني قبل كده

المرايات بتاعتها ضعيفه و عرضه للكسر هل ممكن يركب بدالهم مرايات عاديه بدون كهرباء
إزاي إستنتجت إنها ضعيفه بس المرايه الكهربه دي أوبشن في العربية تغيرها لييه !!!

الاضاءه فى الصالون بيتهيالى مفيش غير اللمبتين اللى فى الامام فوق السائق ما اخدتش بالى فى لمبه اخرى فى نصف الصالون ولا لا
صح مافيش إلا المبتين دولا

كل ده تمام ياباشا بس عايز اختلف معاك بس ان فعلا المرايات غبيه وبتتكسر بسرعه للاسف

المشاركة الأصلية كتبت بواسطة ahmadalsattar

انا رحت اتفرجت على اللوجان فى احد المعارض طبعا مشاهدة على الواقف بدون تشغيل السياره العربيه جميله شكلا و خصوصا من الداخل تحس انه الخامات جيده جدا شكل التابلوه و العدادات جميل جدا واسعه جدا خصوصا الكنبه الخلفيه بيتهيالى تشيل اربعه . طبعا عاليه عن الارض . وضع السواقه غريب شويه .
وضع السواقة جامد جدا والعربية تعطيك احساس بالثقة والامان
لكن فى نفس الوقت ابعاد العربية نوعا ما مش سهلة بالذات الجزء الخلفى منها محتاج قليل من التعود
الفتيس تحس انه تقيل شويه بيفكرنى بالعربيه الشاهين حارات
الغيرات قريبه من بعض
متنساش ان العربية اللى جربتها لسة ملينتش لكن الفتيس انا بحس انه بينعم مع استخدام العربية
البيبان تقيله نوعا ما فى القفل السنتر لما يقفل تسمع صوته
عالى شويه انت و داخل السياره
+1 بس مش صوت فرقعة يعنى عادى
التابلوه من ناحيه اليمين توجد فتحه غالبا بتاعت الاير باج الايمن الملغى شكلها مش حلو جدا .
+1 لكن عملى جدا وبيوفرلك مساحة تخزين ضرورية جدا جدا
تحس بفخامه عن العربيات اللى سوقتها و اللى نفس الفئه السعريه (شاهين. فيرنا . لانوس )
+1 فعلا وبالذات بعد التعود على العربية بيزيد حبك ليها جدا واحساسك بالعربية اثناء فترة التليين بتحس كل يوم ان العربية
فى تحسن كل يوم عن اليوم اللى قبله
هوه انا بس ليا بعض الاسئلة
1- فيه بيان فى التابلوه (led) بيومض لون احمر والسياره واقفه بتاع ايه ؟
امبوليزر
2- مفتاح السنتر فى التابلوه لو قفلت السنتر ممكن يفتح من اى باب لو رفعت السقاطه ولا لازم فتح السنتر من المفتاح نفسه
البابان الاماميان ممكن تفتح منهم حتى لو قافل السنتر اللى ورة لأ لازم تفتح السقاطة
3- الاكصدام الخلفى فيه فرق بينه و بين الرفرف الخلفى ( مش مطبعين على بعض) هل ده فى السياره اللى شوفتها ولا ظاهره عامه
الفرق صغير اوى حوالى مللى او 2 مثلا لو اكتر يبقى حالة فردية فى العربية اللى شوفتها
4- المرايات بتاعتها ضعيفه و عرضه للكسر هل ممكن يركب بدالهم مرايات عاديه بدون كهرباء
المراية مش ضعيفة خالص
5- الاضاءه فى الصالون بيتهيالى مفيش غير اللمبتين اللى فى الامام فوق السائق ما اخدتش بالى فى لمبه اخرى فى نصف الصالون ولا لا
فعلا دول اللى فى الصالون بالاضافة الى لمبة داخل الشنطة + لمبة داخل درج التابلوه + لمبة على النمر عشان الظابط يلقت النمر كويس
لكن اجمالا السياره ممتازه و تبقى مشكلة قطع الغيار بتاعتها فقط فى حالة توافرها يبقى تكتسح كل الفئة السعريه دى .
ممكن بقا رد من اصحاب اللوجان على الاسئلة دى

ان شاء الرحمن فى الايام القليلة القادمة حنحسم موضوع توافر قطع الغيار فى بحث شامل مع توكيل رينو فرع العامرية
ومع بعض تجار قطع غيار الرينو اللى بياكدوا ان قطع الغيار الميكانيكية موجودة لكن يبقى البحث عن توافر قطع الغيار الخارجية للسيارة
وان شاء الله انا مش قلقان خالص من موضوع قطع الغيار من الكلام اللى سمعته من التجار وكلامهم عن العربية دى وتجهيزاتهم لها
لكن موضوع محتاج شوية وقت لان العربيات كلها لسة جديدة ومش محتاجة قطع غيار اساسية ولكن كلها حاجات عادية للصيانات
هو دة اللى مخلى التجار على مهلهم ومش مستعجلين على الموضوع لكن العربية دى فى حسبانهم خلال العامين القادمين لحين ظهور رينو لوجان تحتاج الى قطع غيار اساسية

المشاركة الأصلية كتبت بواسطة kojyad

للأسف مفيش امان في الحتة ده
لو فتحو السقاط من عندهم الباب هيفتح عادي

يوجد لوك امان فى السيارة للابواب الخلفية للاطفال
لو قافل السنتر الابواب الخلفية والشنطة استحالة يتفتحوا