كلامك مظبوط 100%
عرض للطباعة
انا مش فاهم قصدك ايه ! ...الرشاوي زي ما هي في مرسيدس ممكن تبقى في اي شركة تانية في الدنيا ...هم بيعملوا احسن عربيات بس بشر برده مش ملايكة !!!! .....اما ديانا و دودي ده اسمه قضاء و قدر ...مش معنى انك راكب مرسيدس ان قضاء الله مش حيحصل (استغفر الله العظيم) .....هل قصدك ان مرسيدس مالهاش فيها مثلا ؟ ...ما علينا ....
جيده جدا ان لم تكن ممتازة
وانا فى مصر والا فى برة مصر ؟؟؟
فى مصر مش هاجيب برضة غير عربية متوسطة ولا تزيد عن 100الف لاسباب كتييييييييييييييير
اولا العربية الغالية فى مصر كأنك حاطط بادج للناس مكتوب فيه " ممكن تستغلونى "
ثانيا غير العين فلقت الحجر ... كفاية نظرة بعض الناس المريبة المتعلقة باتوبيس او مزنوقة فى ميكروباص ليك وانت قاعد فى سيارتك والتعليقات الحلوة "قاعد فى التكييف ومفيش احساس خالص"
ثالثا الطرق فى مصر بتهين العربيات بشكل رهيب فما هو احساسى وانا بدغدغ عربية غالية
لو بره مصر هاجيب z4
واخيرا لو اتزنقت أوى هبقى استلف البى ام منك
السلام عليكم و رحمة الله و بركاته
ممتازة .
و لو حنقارن بالألمانى يبقى لأزم نقارن السعر كمان.
السلام عليكم,
موضوع شيق...
انا قضيت كام سنة في المانيا في عمل ..
كان مديري ألماني يركب تويوتا كورولا عيون ستاشين..يسافر بها يوميا من شتوتجارت لميونيخ أكثر من 150 كيلو...
والزملاء الالمان كان منتشر معاهم التويوتا الايكو الهاتشباك...
الزملاء الغير الالمان هما اللي ركبوا البي ام..خصوصا الفرنسيين منهم.. والأودي منتشرة جدا بين الاتراك هناك...
انا كنت راكب رينو 19..1800 cc..بفتحة سقف...ولما زرت فرنسا لقيتها عاملة زي ال 128 عندنا من عقدين...
الياباني لو مش كويس..ماكانش الالمان في بلدهم ركبوه..قمة العملية والاعتمادية ...وقيمة مقابل فلوس..
النقطة أن الموديلات بتاعة مصر مختلفة تماما عن اللي بينزل اوروبا...
بس ماأكدبش عليكم...لازال حلمي ركوب الالماني...زي الفولكس فاجن ...أو احلم كمان شوية بالبي ام...
الناس دي متقدمة في الهندسة بشكل غير عادي...خصوصا المحركات......وأما بيصنعوا حاجة..يبقي شغالة علي الاقل 30 سنة...والواحد بيرميها عشان زهق منها ...مش عشان بتهق ولا حاجة...
كنت باشوف ناس سايقة بي ام عاملة 300 الف كيلو...وتجربها تحس انها دبابة خارجة من المصنع...
لو العربيات الياباني مش كويسة , يبقي أيه اللي كويس ؟؟
لما نبقي في مصر نصنع عربية نبقي نتكلم ده احنا حتي مش عارفين نصنع توكتوك و بنستورده من الهند
انا جربت الكوري وجربت الالماني واخير الياباني بس بصراحة التكنولوجيا اللي في الالماني عالية اوي بس في المقابل قطع غيارها غالية جدا ودا سبب يخلي الياباني متفوق علي الالماني بالنسبة لقطع الغيار والامكانيات اللي انت عايزاها في عربيتك ( الكماليات) موجوده في الياباني واللي معاه فلوس ومحتاج تكنولوجيا في تويوتا الافالون ولكزس ولاند كروزر
وعلي ما اتذكر اتعمل مقارنه بين وحش الجبال لاندكروزر وبي ام x5 وطبعا لاند كرورز كسب
طبعا ممتاذه
والسبب :-
متانة السيارة من حيث قطع الغيار او العمر الافتراضي لها
انا كان معايا كورولا 98 .. ولله الحمد 4 سنين مصلحتش حاجة فيها غير مياة وزيت وتيل فرامل وبوجيهات
وطبعا الجودة والهدوء والرساوة
من الاخر
السيارات اليابانية ممتازة .. ولكن فيه الافضل منها زي السيارات الالماني
بس بدرجة كبيرة السيارة عملية واقتصادية
ومختلفة تماما عن الهيونداي والكيا تمااااااااااااااااااماااا ااااا
اه تمامااااااااااااااااااا
والله تماماااااااااااااااااااا
وعن تجربة السيارتين
ودمتم
ممكن أضيف 3 ماركات بسيطه هى مش بتصنع سيارات بس !!! بس تقريبا ( و كلامي حتمل الصواب و الخطأ بالتأكيد)
Denso
NGK
Sanden
Aisin Seiki
اعتقد والله اعلم ان الالمانى افضل وفى نفس الوقت اغلى
انما اليابانى راااائع وسعره جيد
يعنى معاك فلوس يبقي المانى .. مش معاك يبقي يابانى
فى مصر ووفقا لظروفنا الاقتصادية والبيئة القاسية طبعا ممتازة
الالمانى تكنولوجيا عالية
لكن اليبانى فيه ميزه جميله انه معمر جدا و عشان كده هو مناسب لمصر , دا غير ان قطع غياره معقولة مقارنة بالالمانى
لكن الكلام يختلف ف العربيات السوبر سبور
اليابانى ممتازه
أنا صوت بممتازة ولأسباب موضوعية
اليابانى يوازى الاوروبى بعد الالمانى بفترة
أنا شايف إن أحسن فترة لليابانى على وجه العموم هيا فترة الثمانينيات والتسعينات
hgdhfhk
رأيي: جيدة جدا، لأن الأوروبي عموما - والألماني خصوصا - مازال أفضل.. والله أعلم.
الاوروبى له ناسه
واليابانى له ناسه
لكن اليابانى له قاعدة تاريخية ومن السبعينيات كبيرة جدا فى مصر عكس الاوروبى اققدم لكن
انتشار اليابانى تفوق عليه لاسعاره الممتازة وانه معمر جدا كمان غير انه السهل الممتنع
باشا اللى بتعملة ده اسمة قلة تقدير انك ترجعنى مره من الدائرى وتقولى كنت هتصل بيك ونتفق ع معاد تانى واروحلك تقولى مجبتش باقى الموتور والحساست ونتفق تالت على يوم الخميس وتقولى رايح الغردقة دى مش اصول انا لما اتفق مع عيل صغير حتى لازم ابقى قد كلامى والاعضاء المحترمين يشهدو ع الكلام ده انى اجيلك لحد عندك وانت عارق انى جاى وتقولى نسيت الحاجة ميصحش :019f3b~14:
اولا انت عارف ان مش كل الحاجة فى مخزنى
وانا مدتكش معاد قبل كده وخالفته شوف مين عمل كده فيك
ثانبا انا قايلك ان الاير ماس شايله مع حجات تانيه فى بيتى اللى فى السيدة علشان مينفعش احطها
فى المخزن لانها حساسة
ثم مش معنى انك تجيلى وقابلتك بنفسى وفرجتك ابقى مجبر انى اتعامل معاك ولا انى اكذب على حضرة الجنرال المبجل
لانى مبكدبش على حد خصوصا انت لانك جايلى من قليوب ومشوار
كل الموضوع انى مسافر الغردقة دلوقتى اسبوع او 10 ايام تركيبات تكييف وكتير اتعاملوا معايا وعارفين
شكرا جدا لحضرتك
يا خالد باشا اولا العربية مفككه عند الكهربائى من امبارح ع الميعاد اللى اتفقنا عليه و حضرتك انا جايلك من المنوفية مش قليوب وحضرتك عارف انى جاى اخد الموتور بكل حاجتة وسألت حضرتك عن الحساست فعلا قلتلى انك محافظ عليها بس انت عارف انى جايلك اخد الموتور ولما اوصلك بعد عناء الاقى الحاجة ناقصة حط نفسك مكانى لما تروح مشوار زى ده وترجع ايد ورا وايد قدام وانت شوفت بعينك الدخان وكمية البنزين اللى بتسحبها العربية يعنى اول مره رجعت من الدائرى عشان حضرتك كان عندك شغل صح وحضرتك مكلمتنيش وعرفتنى حتى الا بالصدفة بكلمك عشان اعرف العنوان وبعدين محدش مجبر ع حد لو مش عايز تبعلى الحاجة تعرفنى ملهاش علاقة بالأجبار وبعدين مجبتش سيرت كدب ولا مكدبش انت لو مكانى هتزعل
ممتازه جدا جدا
وعملييه جدا بعد !
بس القوة والمتانة فى الالمانى والامريكى ودة من اختبارات السلامة فى اوربا
الصناعه اليابانيه من اوائل الصناعات الجيده فى العالم
أرجو تغيير عنوان الموضوع إلى "ما تقييمك للسيارات اليابانية؟" بدلا من العنوان الحالي .. لأنه مستفز جدا بصراحة.
:angry26:
...