أنا حارد في شكل نقط :
1- أولا أحمد كان بيهزر ...لو مش فاهم كده ممكن نكتبلك دعابة بعد كل نكتة ...ودي سهلة
2-لو حضرتك شايف الجولف عبارة عن عربيه هاتشباك مكعبره و غاليه ولا ليها لازمه .... ده رأيك وإنت حر فيه ...وعلى فكرة الأصل في الهتشباك إنه يبقى صغير ومكعبر..... ولا حضرتك شايف ايه بالضبط .
3- موتور tsi اللي انت بتتكلم عنه اي تيربو نص لبه يطلع خرج ادوا مرتين التويوتا السيليكا موتور 3.6 لتر اليابانيين عدلوه و عمل خرج 1100 حصان بتيربو محترم يعني صاروخ ارض جو و خش يوتيوب و اتفرج.... والله ... جميل جدا ...واضح إن ثقافتك الميكانيكية عالية جدا .... لدرجة إنك بتجيب معلوماتك من يوتيوب ... ومسألتش نفسك ..لو الموضوع بالسهولة دي البهايم بتوع VW اللي عملوا عربية تعبانة زي الفإيرون مفكرش في الحال السهل ده ليه بدل مايعملوا ابحاث 5 سنين ...واضح إن ألمانيا مفيهاش يوتيوب .....
4- tiida ايه اللي إنت بتقارنها بجولف.... أول نقطة إن الجولف دي ايقونة في تاريخ العربيات ..... تاني نقطة إن الموتور بتاع الجولف مختلف من حيث التكنولوجيا ومتطور بكتير عن التيدا اللي إنت فرحان بيها دي .... وعلى فكرة ... ادخل أي منتدى عربيات محترم واجنبي وقول الكلام الفارغ ده وقولهم النيسان تيدا ( أو versa) وجولف وشوف التريقة بنفسك ... لان اللي بتقوله ده زي ماتقولي النوكيا 5800 و ال iphone الإتنين touch وال إتنين بيدخلوا على النت ... وبصراحة مش لاقي مثال أسهل من كده علشان اشرحلك أنا قصدي ايه ...
تالت حاجة الجولف دايما بتاخد تقيم علي في ال comfort و appearence, و الموتور الأي كلام اللي فيه حتت تربو عيان ده من أحسن الإختراعات في مجال العربيات في ال 5 سنين اللي فاتوا
يا ريت تقرأ شوية بدل ماتحرق دم الناس اللي بيقرؤا وبيدوروا على المعلومة بكلام فارغ ... وحتلاقي كلام في اليوتيوب عنه ....
5- بقولك ايه انا ركبت التيدا 2008 و ركبت الجولف 2001 والله الجولف كانت فقيره جدا جدا من جوه مقارنة بالتيدا بس ممكن جودة الخامات غير المرئيه للجولف اعلى انا مش معترض بس نيجي نقول الياباني وحش يبقى احنا بنتكلم عن اليابان بتاعت المريخ مش اللي احنا نعرفها, نيجي نقول ان الجولف تستاهل 70 واللا 100 الف اغلى من الياباني ماكانش الاوربيين و الامريكان نفسهم اشتروا الياباني و سابوا الجولف. عمليه شراء سياره علاقه متكامله بين القيمه المضافه للي بتدفعوا و الجوده ممكن الياباني اقل درجه واحده في الجوده بس الالماني اقل عشر درجات في السعر
في كلام كتير ممكن يتقال في النقطة دي بالذات بس أنا مش عايز آخد ban بسببك.... وال امريكا عمرهم مابطلوا يشتروا الجولف ... بس اسمها هناك rabbit .... وطالما بتتكلم عن المبيعات عايزك كده تقولي مبيعات التيدا ... وال جولف علشان يمكن تشوف اللي العالم كله عارفه ... وبعدين جولف ايه اللي فقيرة.... إنت شفت أنهي جولف بالضبط ... جرب شوف الإتنين موديل 2010 كده ... وتعالى اتكلم ....
و آه صحيح ......الجولف تستاهل الفرق ....
المفضلات