شكرا لك و حضرتك اشتريت جهاز اوربيت تراك بكام و كانت صناعته ايه ؟
إشترك فى جيم أحسن
صدقني
لا العجله ولا المشايه
أجمل حاجه ممكن تتعمل في البيت عشان تلعب بيها رياضه
هوا
المتوازي
....
يعني تشوف كده اوضه فاضيه او ركن بعيد
وتعمل عليه المتوازي
المتوازي ده هايل جدا
بينمي عضلات الاكتاف والمجنص وعضلات الصدر السفليه
وعضلات الدراع( الباي والتراي)...يعني بيظبط النص العلوي بشكل جامد
وممكن تلعب تمارين البطن ..انك تنام على ضهرك ..وتثبت رجليك تحت كرسي
وتطلع بنص جسمك العلوي وتنزل بيه
وبالنسبه لعضلات الرجلين
تشيل اي حاجه لها وزن تقيل نوعا ما
وتطلع وتنزل بيها
وبنفس الوضع ده ....تطلع على مشط رجلك وتنزل
دي بتعمل عضلات سمانه كويسه
.
وبالتوفيق
اسمحلي، كلام حضرتك مش دقيق. بل يكاد تكون المعلومات المذكورة أعلاه كلها غلط.
أولاً، الاوربيتراك ميزته انه بيحرك الذراعات والرجلين في وضع أقرب للجري. الأوبيتراك اللي بكرسي ده يبقى زي العجلة وفقد ميزة الأوربيتراك.
ثانيا، هو أصلاً ماسموش أوربيتراك. اسمه الصحيح elliptical. ومفيش elliptical بكرسي.
ثالثاً. الـ elliptical (أول اللي بتسموه أوربيتراك) ميزته انه مفهوش تصادم للقدم مع الأرض زي اللي بيحصل في الجري والمشاية. يعني اسلم للركبة من الجري. إلا لو قصد حضرتك خشونة في المفاصل تمنع حتى ثني الركبة وساعتها معرفش أي نوع من الـ cardio ممكن يفيده. يمكن السباحة ولو ان فيها ثني ركبة برضو.
نصيحتي للأخ اللي بيسأل، الـ elliptical أحسن من العجلة. ولو ركبتك ضعيفة تبقى كمان أحسن من الجري/المشاية.
يا باشا الكرسى بيتشال بالكامل بماسورته يبقى عندك جهازين فى بعض عجلة و اوربتراك ( هو حضرتك مشوفتوش قبل كده ؟!)
بالنسبة للخشونة فاللى عنده خشونة فى الركبيتين فاللعب على الاوربتراك -لو جالس - او العجلة بيزيد الخشونة دى
واللى قالى الكلام ده دكتور علاج طبيعى متاكد من الكلام ده بنسبة 80 %
اما موضوع الاسماء فمش هتفرق اوى والبايعيين ميعرفوش ليه اسم غير الاوربتراك
معترضناش، بس حضرتك بتنصح بوضع الكرسي. لو الواحد هيستخدمه على طول بالكرسي بقى زي العجلة ومبقاش elliptical. بلاش أبو كرسي ده خالص عشان الواحد مايكسلش ويقعد وتقل الاستفادة من التمرين. بعدين بصراحة الأجهزة الرياضية المنزلية بس هي اللي فيها اثنين في واحد. وممكن تلاقي 10 تمارين في جهاز واحد. طبعا كله على حساب الفاعلية. الأجهزة المتخصصة بتاعت الجيم مفهاش الكلام ده.
ماشي اقتنعت. بس برضو الـ elliptical ألطف على الركبة من الجري. واللي عنده خشونة لدرجة انه مايقدرش يلعب على الـ elliptical يبقى ماينعش يلعب أي رياضة إلا الرياضات اللي بتمرن الجزء العلوي من الجسم.
نعلمهم يا باشمهندس الاسم الصحيح :)