لا يا يافندم العملية نصب فى نصب عندنا لان احنا كا مصريين مش بنشتكى زى بره
يقوم التوكيل يخاف ان الشكوى توصل الادارة الام ويلغوا التوكيل ويدوه لحد تانى
عرض للطباعة
عدنا بفضل الله...
طبعا بعد المرحلة الأولي ماعدت كان يحتم علي الواحد انه يعرف هو راكب ايه وبيستخدم ازاي فنتيجة لكده تم اعادة تعارف بيني وبين الفتيس(بعد ماتاب وبطل تهييس) واستخدمته علي كل الأنماط علشان افهمه وقد كان.
اتعاملت مع الفتيس كأني اول مرة استخدمه وعاملته برفق (مش زي الأول طبعا كنت ادوس لأخر الدواسة علشان العربية تسحب كويس وكل شوية اعمل كيك داون كأني سايق اوتوماتيك عادي.....الخ.) لقيت استجابة ممتازة وتحكم كامل في العربية وسحبها.... اكرر تحكم كامل في العربية وسحبها ...وكمان لقيت ان الفتيس مش معقد ولا حاجة وانما بسيط في استخدامه ولكنه يحتاج الى علم بكيفية التعامل معاه فهو كالمانيوال في الأداء ويجب ان يعامل علي هذا الأساس وانه ليس كأوتوماتيك عادي.
ومرت الشهور وكل مدي اكتشف شيء جديد في الفتيس او اتعلم حاجة جديدةحتي حفظت الفتيس واصبح كالخاتم في صباعي اعرف متي سيغير النقلة ومتي سيعلوا الأر بي ام او ينخفض ازاي اخفف الأحساس بالنقلة وازاي ازودها وكل مدي من الأستعمال يكون الفتيس اكثر سلاسة من ذي قبل.
بعد فترة وعند بلوغ السيارة حاجز ال45000ك استخدام شعرت برجرجة خفيفة بعد الغيار الثاني (قلت نفس الأحساس اللى بحس بيه لما اركب عربية مانيوال مع حد) والرجرجة بتروح لما ازود بنزبن روحت تويوتا العبور قابلت المهندس اللى جرب معايا العربية قبل كده(فاكرينه) قلتله علي المشكلة قالى بدون تردد سوفت وير قلتله طب ما انا نزلته قبل كده قالى الجزء بتاع الكلتش اكتيويتور (الدبرياج الكهربا) كل فترة مع الأستخدام بيبقي فيه بوش خفيف(زي ترييحة) فأحنا بنربطه ونبرمج الجزء ده بس مش الفتيس كله قلتله طب الصيانة بتاعته بعد الضمان هتبقي كام قالي قتبقي بسيطة جدا بس احنا لسة مححدناش الصيانة هتبقي كام علشان العربيات لسة مخرجتش من الضمان(وانا اقترح ان الترقية او التحديث او الصيانة الخاصة بالفتيس تبقي مجانا او تدخل في مصنعية الصيانات الدورية) فالعربية دخلت الورشة وشاهدتها وهي بيتعملها الصيانة اخذت وقت 25 دقيقة بالظبط حوالى 15 د برمجة بجهاز كشف الأعطال ثم 5د رفع العربية وتربيط الكلتش ثم 5د برمجة ثاني ثم خروج السيار للتجربة.
والأن السيارة معايا شايف ان الفتيس مجرد ناقل حركة عادي مش محتاج الضجة دي كلها ولكن كما تلاحظون من تقييمي الغباء التسويقي وخلل في خدمة مابعد البيع لتويوتا ايجيبت هم الذين تسببوا في هذه المشكلة(رايي الشخصي) لأني حتي وقت قريب دخلت احدي معارض الموزعين المعتمدين برده بيقولي ده فتيس ستربترونيك.
وهي دي قصة حياتي ياعم الحج(mmt ).
ارحب بأي اختلاف في الرأي اهم حاجة تكون اي مناقشة تكون هادئة بعيدا عن التعصب علشان مش كل مرة نعمل فيها موضوع علي الmmt نختم الموضوع في القسم وصورنا تنزل الجرائد وتفيد بأيه يا ندم.:ma:
وصلي الله علي سيدنا محمد واله وصحبه وسلم.
أحييك من كل قلبي للتقرير الأمين و لصبرك الجميل ........ جزاك الله كل الخير
بصراحة حرام الواحد يدفع 150 ألف جندي في عربية تقرفه و فتيس كل شوية عايزله سوفت وير تحيا السيفيك ملكة الفئة دي
بصرحه اسلوبك في الكتابه اكتر من رائع
وشكرا علي التقييم القيم ده
تصدق انا لحد ما قرأت التقرير بتاعك ده مكنتش عارف الفرق بين ال mmt والاستربترونيك
شكرا ليك