الموضوع: تركيب فانوس في السقف؟

المشاركة الأصلية كتبت بواسطة kingsopos

الله ينور عليك maka انا تقريبا فهمت 90 % من الموضوع بس المشكلة اني معرفش طرف موجب ممكن يبقي في العربيه من جوة

طب سؤال تاني هو الفيوز لما اجي اوصله اربط كل طرف من السلك الموجب في سن معين ولا ايه قصدك

وياتري ممكن اخد اكتر من وصله من سلك واحد فقط يعني مثلا سلك السماعة ممكن اخد منة للكشاف ولاجهزة تانية ولا كدة يبقي غلط

الطرف الموجب ممكن تاخده من دخل الكاسيت الموجب مثلا او من اى سلك متوصل على الكونتاكت

الفيوز ممكن تشترى فيوز كبسولة بعلبته - بتبقى علبة صغيرة الفيوز بيركب فيها و على مقاسه - و لو ملقتش اشترى فيوز من بتاع العربيات الجديدة اربط كل طرف من السلك في سن وثبتهم كويس و لف عليه شريط لحام

السماعات مينفعش تاخد منها لاى حاجة اصلا

اما انك تاخد وصلة من اى سلك , فده بيبقى حسب الحمل بتاعك و عاوز توصله على الكونتاكت ولا البطارية على طول

و متقلقش حملك هنا خفيف لمبة صالون

المشاركة الأصلية كتبت بواسطة kingsopos

انا هشرحلك الموضوع a.saad انا فعلا كنت مركب الاصلي بتاع العربيه زمان لحد موديتها الجراج وغبت عليها اسبوع جيت ملقيتش الفانوس عملت مشكله طبعا ولكن لا حياة لمن تنادي بعدين وديت العربيه لسروجي علشان يعمل السقف جلد ولاكن غصب عنة لمس السلكتين في بعض ومن ساعتها السلك دة مش شغال . انا كنت لسة بدور في العربية دلوقتي علي اصل السلك وعرفت انة جي من علبة داخل فيها فيش كتير وشيلت فيشتة وركبتها اكتر من مرة ولكن البنادوس اللي موصلة بالسلك
منورش ارجو ان تفيد هذة المعلومة في التوصل الي معرفة ما سبب العطل وياتري ممكن استفيد من العلبة اللي لاقيتها مع العلم ان الفيوزات كلها سليمة

اتاكد الاول ان البنادوس اللى موصلة بالسلك واخد ارضى

و ان الفيوز بتاع لمبة الصالون الاصلية شغال -لانه اكيد اتحرق ساعة القفلة -

و اتكد ان زرار الباب شغال مش معلق او السلك مهوى منه

بس ايه العلبة اللى انت لقيتها انا مش فاهم قصدك علبة فيوزات ؟؟؟

و العربية نوعها ايه ؟؟؟

و هل اللمبة اللى هتركبها عادية و لا فلورسنت ؟؟؟

المشاركة الأصلية كتبت بواسطة kingsopos

هي المسأله بقت صعبة اوي كدة؟؟؟؟؟؟؟؟

باذن الله لا صعبة ولا حاجة


بس فيه سوال بسيط هو انت زمان لما كنت بتفتح الباب اللمبة بتنور ولا لا ؟؟

لان المفروض اللمبة بيبقى عندها 3 سلوك سلك ارضى و سلك من العمومى - علشان لو حبيت تشغل النور من الزرار - و سلك من مفتاح الباب

ممكن يكونوا السلكين دول واحد عمومى وواحد ابواب و للتاكد هات لمبة التست وصلها بطرف منهم وطرف باى

مسمار غير مدهون و شوف هتنور ولا لا و عيد الاختبار مع السلك التانى و متنساش تسيب الباب مفتوح

بس لو معندكش اوبشن لمبة الباب يبقى فك العلبة دى و امشى و راء السلك , ممكن يكون ساح لما حصلت قفلة و الفيوز كان وحش

و تحت امرك فى اى استفسار