هل تركيب البطارية ال70 امبير للانوس صح أم خطأ علما بأن البطارية الأصلية 55 أمبير وايه رأيكو في بطارية Ac Delco الأمريكية الجافة وهل يعرف أحد سعرها
عرض للطباعة
هل تركيب البطارية ال70 امبير للانوس صح أم خطأ علما بأن البطارية الأصلية 55 أمبير وايه رأيكو في بطارية Ac Delco الأمريكية الجافة وهل يعرف أحد سعرها
غلط جدا أنك تحط بطارية أقوى من الأصلية
بس هو غلط ليه أنا مش متأكد ............ و لكن لا يجوز ....... لا يجوز ......... لا يجوز
و أعتقد علشان قوة تحمل السلوك و ضفاير الكهرباء و اللمبات و المعدات الكهربائية الأخرى اللي راكبة في السيارة و التي تم تصميمها على أخذ تيار 55 أمبير
و الله أعلم
لا مفيش مشكله خالص قدام فى الامبير زود براحتك انما يبقى خطر لو زودت الفولت و طبعا كل البطاريات 12 فولت
غلط لان الدينامو الخاص بالسيارة مصمم لشحن البطارية 55 امبير
وعند وضع بطارية اعلى بتحمل حمل زائد على الدينامو ولن يعمل بالكفائة المطلوبة
وممكن يعطل كمان
لان الدينامو لية قدرة زى البطارية مثلا 55 امبير وهكذا
توجد مشكلة بسيطة كما قال الإخوة الزملاء
المشكلة أن المدة الزمنية لشحن البطارية الأكبر من الدنمو ستكون أكبر بفترة بسيطة
أي أن هناك خلل ولكنه غير مؤثر وغير محسوس
ولكن هناك جانب إيجابي أكبر وهو أن هذه البطارية تصبح طويلة النفس في حالة الحاجة لها لو تأخرت السيارة في الدوارة مثلا أو إحتجت إضاءة مصباح والسيارة مطفأة
ستجد أن البطارية ستصمد مدة زمنية أطول حتى تفرغ شحنتها
أي أنها ستصمد معك لفترة أطول وهذا مفيد جداً
إذن في النهاية لا مانع بإذن الله
لا يا سيدى حضرتك متلخبط فى فرق بين فرق الجهد و التيار فرق الجهد اذا زاد هو اللى يحرق مكونات العربية انما لو لو التيار زاد الجهاز بياخد اللى هو محتاجه بس و لما يجيب امبير اعلى بيبقى احسن لو عنده كهرباء كتيره فى العربية زى زجاج كهرباء و سنتر و الكاسيت طبعا و المرايات علشان اذا فرض و شغلهم مع بعض مايأثرش على اضاءة العربية و الكلام ده ممكن حضرتك تلاحظه بنفسك بليل يعنى انزل شغل الكاسيت و نور النور العالى و الفوج مثلا و بعديين شغل الزجاج الكهرباء هتلاقى ان الاضاءة بتاعت النور العالى قلت شويه
على فكرة انا كان عندى لانوس 1 و كانت نازله ببطارية 55 لما غيرتلها البطارية جبتلها 70
لو الدينمو عندك كويس جيب ال 70 انما لو الدينومو نص عمر هات ال 55
نقلا عن الميكانيكي
ان البطارية الزيادة عن حاجة السيارة لن تظهر لها اهمية الا اذا حصل مشكلة في الشحن و انت مسافر مثلا
فالبطارية ذات السعة الاكبر ستسمح لك بالسير مسافة اطول بدون الحاجة لاعادة الشحن من الدينامو حتي تجد مركز صيانة يصلح عطل الشحن
و ليس لها تاثير اخر علي السيارة بالسلب او الايجاب
و الله اعلم
فعلا انا معايه النترا 2006 وكان فيها بطارية 45
غيرتها بكلوريد 70 وشغاله عشرة على عشرة
وناس كتير نصحوني بال 70
طالما العربية خارجة من مصنعها ببطارية 55 أمبير يبقى مفروض الواحد مايخرجش عن النص وأما ييجى يغيرها .. يغيرها برضو ببطارية 55 أمبير .......
يجيب الكبيرة ليه ؟؟؟
لو الكبيرة أحسن ... ما كان المصنع بتاعها حاطلها الكبيرة من الأول ....
ولا يعنى المصنع مش عارف ؟؟!!!!
كلام صح نظريا لكن عمليا العربية و هى دايرة بتاخد تغذيتها الكهربائية من الدينامو مش من البطارية و بالتالى مش فارقة البطارية كام امبير من وجهة نظر المكونات الكهربائية
اما لو بطلت العربية فا المكونات حتاخد كهرباء من البطارية و البطارية اللى امبيرها اعلى حتاخد وقت اطول عشان تفضى شحنتها
MMamdouh
فيه فرق كبير بين الصح من وجهة نظرك و الصح من وجهة نظر المصنع
المصنع مش حتفرق معاة لو عربيتك بطاريتها نامت بعد ما حاولت تدور العربية كذا مرة فى يوم برد او لو سبت الكاسيت و الGM شغالين ساعة انما تفرق معاة لو وفر فى تكلفة كل عربية 50 او 60 جنية بانة يحط بطارية اصغر و يدوبك تؤدى الغرض :cool:
و طبعا المصنع عارف ان الاحسن تحط جنط 14 بدل 13 و كاوتش 185 بدل 175 و تحط فرامل ورا سكاكين بدل طبلة الخ الخ الخ.... بس فى النهاية العربية حتبقى بكام؟؟؟؟؟؟؟؟؟؟؟؟
هو دة الفيصل فى حاجات كتير اوى فى صناعة السيارات فا مش شرط ان كل حاجة نازلة من المصنع تبقى الاحسن لان ببساطة وجهة نظرك مختلفة عن وجهة نظر المصنع و كل واحد فيكم مصلحتة مختلفة
MMamdouh
عربيتى موديل 99 كورى ونازلة ببطارية 70 امبير من بلدها.
انا كنت مركب 60 او 62 يعنى حوالى 7 بالكتير م حستش باى مشكلة... الله اعلم ال 15 كتير ولا لا
MMamdouh
يا اخي الكلام واضح وصريح
عربيتك 55 امبير البطارية بتاعتها
يبقى مثلا الدينامو بياخد ساعة على ما يشحنها
البطارية 70 امبير بتاخد مثلا ساعة وربع
فرق الربع ساعة دي هيا الجهد على الدينامو وتقصر عمرة
احسبها وشوف احتياجاتك -لو بتستعمل كاسيت ونور وجي ام والعربية مبطلة كتير
او ساكن في منطقة مكشوفة والعربية بتبقى باردة قوي الصبح لو بتنزل بدري خليك في الامبير الاعلى
لو مثل بتنزل متاخر والشمس تكون طالعة والعربية مش باردة قوي ومش بتقف كتير في الشارع ومشغل كل ده خليك في البطارية ال 55 احسنلك عشان تحافظ على عمر الدينامو
دي الخلاصة
الكلام دة يبقى صحيح لو العربية الاوريجنال بتاعها 55 امبير ولكن الحقيقة ان اللانوس الاوريجنال بتاعها 70 امبير وتقدر تتأكد لو فتحت اى عربية كورى ولكن نظرا لأختلاف الجو فى مصر بجانب الى سعى المصنع للتوفير فى النفقات فهما بيحطوا بطارية 55 امبير.
ال 70 امبير هتشتغل عندك بمشيئة الله كويس جدا وبدون اى ضغط على الدينامو اقصى من المعدل العادى.
الحمل بيتغير حسب استهلاك الاجهزة الكهربائية
يعنى لو مولع النور الكبير و الكاسيت و مراوح التبريد شغالة على السرعة العالية حيبقى فيه حمل كبير على الدينامو عشان يشغل كل الحاجات دى
نفس القصة لو البطارية فاضية او الامبير بتاعها عالى... الدينامو حيحتاج يشتغال اكتر عشان يشحنها
MMamdouh
ممدوح وضح القصة اهو ومفيش كلام تاني يتقال
بس لو العربية اصلا بتنزل 70 امبير برة لازم تتاكد ان نفس الدينامو اللي بينزل هنا هو اللي بينزل برة
ومش صحيح ان الدينامو بيفضل يشحن طول ما العربية دايرة واما هايعمل اوفر تشارج
يا جماعة عربيتي كورسا 1000 كانت 55 امبير
و كمن بركب علي طوول 70 و عندي سوند سيستم و جي ام و نور عالي علي طوول و عمر ما الدينامو قصر معايا !!
و لما نزلت الموتور 1400
اكيد البطارية القديمة شيعت بعدها ب اسبوعين كده
و جبت 70
نظريا حسب امبير الدينامو لكن عمليا ما فيش مشاكل لانك حتحمل على الدينامو قوى لو انت بتشحن بطاريه فاضيه خالص
لكن اللى بيحصل فعلا انك لما بتدور العربيه بتشحن البطاريه بالباور اللى فقدته اثناء الدواره فقط
يعنى لو الدينامو هيشحن البطاريه 100% بعد دواره العربيه بخمس دقائق مثلا هتبقى هيه هيه خمس دقايق برضو لو بطاريه 70 امبير
انا بحس بموضوع الوقت ده قوى لان عندى مازدا فيها فى التابلوه عداد قياس جهد البطاريه وكانت العربيه فيه بطاريه 55 شيلتها وحطيت 70 وعمر البطاريه وصل قرب التلاث سنوات ونفس الحكايه فى 128
هتحس بميزه البطاريه الكبيره قوى لو عربيتك عطلت و بتحاول تدورهه لانها هتديك عدد محاولات اكثر
انا رجعت للدليل اللى جابو استاذ ممدوح لاقيت ان الانوس بتنزل ب نوعين دينامو 85 امبير و 95 امبير ولو اللى فى مصر الصغير يبقى مناسب برضو للبطاريه 70 امبير ساعة
موضوع قوة الأمبير للبطارية ده موضوع ....
والموضوعات التانية اللى حضرتك قولت عليها حاجة تانية خالص ....
اللى قولت عليه بالنسبة لمقاس الجنط والفرامل مثلاً .. ممكن المصنع يحط مقاس أصغر لتقليل التكلفة وبالتالى خفض سعر السيارة ..
انما بالنسبة لقوة البطارية فالمصنع بيحط الأنسب لقوة الدينامو ... مش لازم تبقى الأكبر أنسب ... والمصنع مش حايسترخص فى حاجة زى كده ... لأن مش معقول يديك عربية ببطارية أصغر وبعد سنة العربية ماتدورش معاك ...
يبقى فى النهاية الواحد المفروض يلتزم باللى بيقوله المصنع .... من غير فذلكه
يعنى المصنع حيوفر فى فرامل و جنط و كاوتش و مش حيوفر فى البطارية؟؟؟
محدش قال ان الاكبر انسب انما وضحنا ليه الاكبر احسن و مش معنى كدة ان البطارية الصغيرة حتنام و انت بتدور بعد سنة انما حتنام بعد عدد مرات محاولة تدوير اقل من البطارية الاكبر... ودى مش فذلكة
MMamdouh
أيوة ممكن المصنع يوفر مثلاً فى الجنط .....
على سبيل المثال الفيرنا 1600 اوتوماتيك بجنط 14 .....
انما الفيرنا 1500 بجنط 13 .....
ده حتى Rpm فى عربيات بتنزل من غيره .. ونفس العربية الطراز الأعلى بينزل بيه ...
حتى كمان الساعة الرقمية .... إلخ
كل ده من أجل توفير النفقات لأن دى حاجات مش مهمة يعنى ماتأثرش على كفاءة العربية ....
انما البطارية مش حايديك بطارية أصغر توفيراً للنفقات .... مستحيل يحصل
ولا يديك بطارية أكبر .. تتعب الدينامو ...
ظبطة المصنع تكسب ....
مش اللى بيقوله الميكانيكى ........
دى مش فذلكه و الميه تكدب الغطاس و فيه ناس كتير جربوا الحكايه دى و طولت عمر العربيه
بلاش دى.......... ليه سواقين التاكسى بيعملوا كده مع ان دول اكتر ناس بتحب توفر؟؟
بلاش دى كمان ......... ليه عربيات بتنزل ببطاريه صغيره و الفول اوبشن و تكيف بتنزل ببطاريه اكبر مع ان الدينامو واحد؟
احنا مش بنقول واحد بطاريته 40 يحط 70 وبعدين زى قادر على شحن البطاريه 70
اقصد عمر البطاريه
فى المحركات الهامه زى المولدات و طلمبات الحريق المداره بمحركات ديزل يكون فيها 2 مارش و 2 بطاريه عشان لو البطاريه خلصت من محاولات الدوارة او لو المارش باظ تدور بالمجموعة التانيه
اكيد صناع السيارات كان ممكن يعملو كده و هيه مش صعبه بس عامل التكلفة مهم جدا
ma3lesh law etkalemna 3an el hyundai.... Sorry kalam hadretak 3'alat!, l sabab..... e7na 3andena excel wa matrix
el excel el battery beta3tha 55 wel matrix kanet 45!!! mota5ayel, wel matrix fat7et sa2f ezaz kahraba merayat cassette, Kol dol mogarad ma 2abatal el 3arabeya 5 min wa 2adawar matdorsh!! wel 3arabeya automatic lazem sha7n!!! wel battery faddet!!!
el sherka moush beta3mel 7aga ela enaha tewafar, wa 7al el mawdoo3 dah enena 3'ayarna el battery kolaha wa gebna 65 ya 70 moush faker!!! wa dah kalam 3amaly bey7sal
!!
wa 3ala fekra lama ro7na l beta3 el battareyat 2alena kol el matrix bey3'ayaro battareyah 3ashan so3'ayara.....
ama bel nesba lel mechanics 2ana moush 7afty, bas 2ana batkalem in practical!!!. w shokran